284
nin bu dövr ərzində əldə etdiyi məcmu (ümumi) iqtisadi
fayda, götürdüyü xeyirdir.
Müəssisənin gəliri özündə onun illik mənfəətini və
digər fəaliyyət növlərindən (məsələn, kommersiya fəaliy-
yətindən, mənzil-kommunal təsərrüfat fəaliyyətindən, yar-
dımçı təsərrüfatlardan, əmək kollektivinə pullu xidmətlə-
rin göstərilməsindən və s.) əldə edilən vəsaitləri əks etdi-
rir. Gəlirin əsas hissəsini müəssisənin mənfəəti təşkil edir.
Deməli, müəssisənin gəliri kəmiyyətcə yalnız onun isteh-
sal-təsərrüfat fəaliyyətindən əldə edilən vəsaiti deyil, eyni
zamanda onun qeyri-istehsal sahələrindən əldə edilən və-
saitləri özündə birləşdirir.
Müəssisənin gəlirlərinin mahiyyətini, məzmununu və
əmələ gəlməsi prosesi, onun yaranması, hansı mənbələr-
dən formalaşmasını bilmək vacibdir.
Gəlirlərin yaranmasına görə, təyinatına, yerinə yetir-
diyi funksiyalara müvafiq olaraq, onlar müəyyən xüsusiy-
yətlərə malikdirlər.
Hesablaşma mərhələsi kimi pul vəsaitlərinin nağd və
nağd olmayan formalarda müəssisənin hesablaşma hesabı-
na daxil edilməsi aktlarıdır.
Gəlirlərə daxil olan vəsaitlər, əsasən, ilk əvvəl məh-
sulun satışından daxil olan məbləğdir. İstehsal prosesində
məhsulun satışından pul vəsaitləri il ərzində müəssisənin
xalis əmlakını artıran pul formasında dəyərlərin mədaxili-
dir. Onun hesabına daxil olan pul vəsaitlərinin heç də ha-
mısı onun xalis əmlakını artıra bilmirlər və elə buna görə
də onlar gəlir hesab oluna bilməzlər.
Burada vəsaitin çatışmaması hallarda müəssisə bank-
dan kredit götürür, onu vacib istiqamətlərə yönəldir, lakin
o müəyyən müddətdən sonra bu borcu qaytarmalıdır və
285
onun vəsaitindən çıxmalıdır. Bu səbəbdən bu kredit müəs-
sisənin xalis əmlakının dəyər məbləğini dəyişdirmir.
Müəssisənin gəlirinə aid olmayan vəsaitlərə təsisçilərin
qoyduqları əmanətlər. Baxmayaraq ki, onlar kapitalın həc-
mini artırırlar, onlar ilk təsərrüfatçılığın yaranmasına və
fəaliyyətinə yönəldilir. Bundan başqa, gəlirlərin əldə edil-
məsi pul vəsaitlərinin, aktivlərin və digər əmlakın daxil ol-
ması ilə əlaqədar olduğundan müəssisənin üçüncü şəxsdən
(hüquqi və ya fiziki) aldığı ixracatdan gömrük rüsumları,
əlavə dəyər vergisi, aksizlər – sonradan büdcəyə köçürül-
düyündən – müəssisə üçün gəlir sayılmır.
Müəssisənin gəlirləri onların xarakteri, istiqamətləri,
alınma şərtlərinə və özünün yaranma mənşəyinə görə aşa-
ğıda göstərilən fəaliyyət növləri ilə bağlı olurlar:
-
müəssisənin adi (əsas) fəaliyyətindən daxil olan gə-
lirlər;
-
müəssisənin icra etdiyi əməliyyatlardan gələn gəlirlər.
-
məhsulların, göstərilən xidmətlərin və görülən işlə-
rin satılması ilə bağlı olmayan gəlirlər;
-
fövqəladə hallarla əlaqədar daxil olan gəlirlər.
Yuxarıda göstərilənlərdən yalnız birincisi müəssisə-
nin əsas (adi) fəaliyyəti ilə, qalanları isə sair daxilolmalar-
dan əldə edilən gəlirlər hesab edilir.
Gəlir növlərinin təsnifləşdirilməsində onların daha
iki əlaməti əsas kimi götürülür:
a)
gəlirlərin əldə olunmasının daimiliyi – mütəmadi
və təsadüfi.
Gəlirlərin daimiliyi, fasiləsizliyi baxımından istisna
təşkil edən “fövqəladə hallarla bağlı” gəlirlərdir. Bunlar
gözləniləndirlər, lakin zəruri, arzu olunan deyildirlər; bu
286
gəlirlər təsadüf mahiyyətli, vaxtaşırı mahiyyət daşıyan gə-
lirlərdir.
b)
hesabat dövrünə aidiyyətinə görə – cari gəlirlər
və gələcək dövrün gəlirləri.
Gəlirlərin təsnifləşdirilməsində istifadə olunan başqa
bir əlamət də cari gəlirlərin müəssisənin xərcləri ilə qarşı-
lıqlı əlaqəsidir. Bu əlaqələrdən birincisi cari hesabat döv-
rünün xərcləri ilə əlaqədar olan cari hesabat dövrünün gə-
lirləridir. İkincisi isə yaranması cari hesabat dövrünün
xərcləri ilə əlaqədar olmayan gəlirlərdir.
Müəssisəyə daxil olan gəlir növlərinin iqtisadi məz-
mununa görə səviyyələri aşağıda təsvir olunduqları kimidir.
Müəssisənin adi fəaliyyətindən daxil olan gəlirlərin
rolu böyükdür. Bu qəbildən olan gəlirlərə artıq qeyd olun-
duğu kimi istehsal edilmiş məhsulun, göstərilmiş xidmətin
və görülmüş işin satılmasından əldə edilən gəlirlər aid olu-
nurlar. Başqa sözlə, bu növ gəlirlər müəssisənin təsis olun-
ması məqsədilə birbaşa bağlı olan gəlirlərdir.
Müəssisənin gəliri, əsasən, həcmi satılmış məhsulun
miqdarından və qiymətindən asılı olaraq, satışdan daxil
olan pul vəsaiti vasitəsilə formalaşır. Deməli, satışdan gə-
lən pul vəsaitinin məbləğini müəyyən etmək üçün satılan
hər bir növ məhsulun bazar qiyməti onun sayına vurula-
raq, cəmlənir.
Qeyd etmək lazımdır ki, əgər müəssisənin gəliri
onun istehsal etdiyi məhsulun satışından məcmu pul vəsa-
itlərinin məbləğidirsə, mənfəəti həmin məcmu pul vəsait-
lərinin məbləği ilə məcmu istehsal xərclərinin fərqidir.
Müəssisənin icra etdiyi əməliyyatlardan daxil olan
gəlirlər. Bu qəbildən olan gəlirlərə aşağıdakıları aid edirlər:
287
-
müəssisənin kənar təşkilata müvəqqəti istifadə üçün
verdiyi aktivlərə görə ödəniş haqqı kimi daxil olan gəlirlər;
-
kəşflərə görə patent, sənaye məhsulu nümunələri və
digər intellektual mülkiyyət növlərindən istifadə hüququna
görə daxil olan gəlirlər;
-
başqa təşkilatların nizamnamə kapitalında iştirak
etməkdən (faizlər də daxil olmaqla qiymətli kağızlardan)
daxil olan gəlirlər;
-
müəssisənin başqa təşkilatlarla müştərək işgüzar
əməkdaşlığından əldə olunan gəlirlər;
-
banklar tərəfindən müəssisəyə mənsub pul vəsaitlə-
rindən istifadəyə görə ödədiyi faizlər;
-
istehsal əsas fondları və digər aktivlərin başqa təş-
kilatlara satışından daxil olan gəlirlər aid edilirlər.
Yuxarıda sadalanan gəlirlər – əgər onların əldə olun-
ması təşkilat üçün əsas fəaliyyət növü ilə bağlıdırsa – “adi
fəaliyyət növlərindən gəlirlər” hesab olunurlar. Bu qəbil-
dən olmayan təşkilatlar üçün isə belə gəlirlər “müəssisənin
icra etdiyi əməliyyatlardan gələn gəlirlər”–ə aid olunurlar.
Müəssisənin gəlir növlərindən biri də “məhsulların,
göstərilən xidmətlərin və görülən işlərin satılması ilə bağlı
olmayan gəlirlərdir”. Bu gəlirlərə müqavilə şərtlərini poz-
duqlarına görə “müqabil tərəflərin” öhdəlikləri, cərimələr,
dəbbələmə pulu, peniyalar; təmənnasız, o cümlədən müqa-
vilə əsasında bəxşiş kimi verilmiş aktivlər; başqa təşkilat
tərəfindən müəssisəyə vurulmuş ziyanın ödənilən məbləği;
keçən dövrə aid olan, lakin hesabat ilində aşkar edilmiş
mənfəət; iddia (isk) vaxtı keçmiş kreditor və deponent
borcların qaytarılmasından gələn gəlirlər aid olunurlar.
Dostları ilə paylaş: |