276
- əlavə maliyyələşdirmə mənbələrinin ümumi şəkildə
təhlili və qiymətləndirilməsi;
- maliyyə resurslarının vəziyyətinə və səmərəli istifa-
dəsinə nəzarət sisteminin qiymətləndirilməsi.
İkinci funksiya çərçivəsində müəssisənin maliyyə
xidməti aşağıdakı məsələlərin dəqiq qiymətləndirilməsini
həyata keçirirlər:
- tələb olunan maliyyə resurslarının həcmi;
- həmin maliyyə resurslarının əldə edilməsi formaları
(uzunmüddətli yaxud qısamüddətli kredit, nağd vəsaitlər);
- resursların əldə oluna bilmə dərəcəsi və verilməsi
müddətləri (maliyyə resurslarının əldə oluna bilmə dərəcəsi
müqavilə şərtləri ilə müəyyən edilə bilər; maliyyə resursları
zəruri həcmlərdə və lazımı zaman anında alınmalıdır);
-
konkret resurs növlərinin əldə olunmasının qiymə-
ti (faiz dərəcələri, bu və ya başqa vəsait mənbəyinin veril-
məsinin formal və qeyri-formal şərtləri);
-
bu və ya digər vəsait mənbəyi ilə əlaqədar riskin
dərəcəsi (məsələn, vəsait mənbəyi kimi müddətli bank
ssudalarına nisbətən mülkiyyətçinin öz kapitalından istifa-
də riski daha azdır).
Müəssisənin maliyyə xidmətinin üçüncü funksiyası
investisiya xarakteri uzunmüddətli və qısamüddətli qərar-
ların təhlilini və qiymətləndirilməsini nəzərdə tutur. Bu
zaman təhlil olunan və qiymətləndirilən məsələlər aşağı-
dakılardır:
-
maliyyə resurslarının digər növ (material, əmək,
pul ) resurslara transformasiyasının optimallığı;
-
əsas fondlara qoyuluşların (əsaslı tikintinin) məqsə-
dəuyğunluğu və səmərəliliyi, bunların tərkibi və quruluşu;
-
dövriyyə vəsaitlərinin optimallığı;
-
maliyyə qoyuluşlarının səmərəliliyi və s.
277
10.3. Mənfəət və ondan istifadə istiqamətləri
Müəssisənin istehsal fəaliyyətinin əsas göstəricisi
mənfəətdir, onu qazanmaq naminə o, bütün imkanlarını
onun alınmasına yönəldir.
Mənfəət müəssisənin istehsal – təsərrüfat fəaliyyətini
xarakterizə edən ümumiləşdirici göstəricilərindən biri
olub, onun xalis gəliri formasında çıxış edir. Mənfəət
əmtəəlik məhsulu (işin, xidmətin) satışından əldə edilən
ümumi gəlirin bir hissəsidir; istehsala çəkilən bütün xərc-
ləri həmin gəlirdən çıxdıqdan sonra əmələ gəlir. Ona görə
də eyni istehsal şəraitində satılan məhsulunun həcmi art-
dıqca, bazar topdansatış qiyməti yüksəldikcə və maya də-
yəri aşağı düşdükcə müəssisənin də mənfəətinin məbləği
artacaqdır.
Mövcud qaydaya əsasən müəssisənin əldə etdiyi
mənfəətin bir hissəsi gəlir vergisi formasında dövlət büd-
cəsinə ödənilir, qalan hisə isə müəssisənin tam sərəncamı-
na keçərək ondan sərbəst surətdə istifadə edilir.
Bazar iqtisadiyyatı şəraitində mənfəətin əldə olun-
ması müəssisənin yaradılması və fəaliyyətinin əsas məqsə-
didir. Mənfəət müəssisəsinin mövcudluğu və gələcək fəa-
liyyəti üçün müəyyən təminat yaradır.
Bazarda müəssisə əmtəə istehsalçısı kimi çıxış edir.
Müəssisə məhsula qiymət müəyyən edərək, onu istehlak-
çılara satır və nəticədə müəssisədə pul mədaxili baş verir.
Bu zaman mənfəət də əldə olunur. Maliyyə nəticəsini əldə
etmək üçün mədaxillə məhsulun maya dəyərini müqayisə
etmək lazımdır. Əgər mədaxil maya dəyərindən çoxdursa,
bu mənfəətin alınmasını göstərir. Müəssisə həmişə çalışır
278
ki, mənfəət əldə etsin. Əgər mədaxil maya dəyərindən az
olursa, müəssisə zərərə düşür, iflasa uğrayır.
Mənfəətin mövcudluğu istehsalın səmərəliliyini,
müəssisənin maliyyə vəziyyətinin yaxşı olduğunu göstərir.
Müəssisənin balans, hesablaşma və əmtəəlik məhsul isteh-
salından əldə edilən mənfəət növləri fərqləndirilir.
Balans mənfəəti müəssisənin bütün istehsal-təsərrü-
fat fəaliyyətinin nəticəsindən, istehsal və qeyri-istehsal
fəaliyyətinin bütün növləri, o cümlədən realizədən kənar
gəlir və itkiləri saldosu üzrə mənfəətin ümumi məbləğin-
dən ibarətdir.
Müəssisənin hesablaşma mənfəəti gəlir vergisi və
bank kreditlərinin həcmi qədər balans mənfəətindən azdır.
Əmtəəlik məhsul istehsalından əldə edilən mənfəətin
məbləği məhsulun bazar topdansatış qiyməti ilə onun tam
maya dəyəri arasındakı fərqi xarakterizə edir. Ondan məh-
sul vahidinin rentabellik səviyyəsini müəyyən etdikdə isti-
fadə edilir.
Məhsulun həcminin artırılması, maya dəyərinin aşağı
salınması, strukturunun təkmilləşdirilməsi və keyfiyyətinin
yaxşılaşdırılması, qeyri-məhsuldar xərclərin və hər cür itki-
lərin aradan qaldırılması, istehsalın rentabellik səviyyəsi-
nin yüksəldilməsi, maddi-enerji resurslarına çəkilən xərc-
lərin azaldılması, yeni texnika və texnologiyanın istehsalata
tətbiq edilməsi və bunun da əsasında onun səmərəliliyinin
yüksəldilməsi mənfəətin artırılması amilləridir.
Məhsulun keyfiyyətinin yüksəldilməsi iqtisadi artı-
mın ən mühüm amili, istehsalın intensivləşdirilməsinin va-
cib şərtidir. Bazar iqtisadiyyatı şəraitində məhsulun key-
fiyyətinin yüksəldilməsi, qeyd etdiyimiz kimi, mühüm
iqtisadi və siyasi vəzifə kimi çıxış edir, çünki məhsulun
279
keyfiyyəti onun qiymətinə təsir edir. Məhsulun keyfiyyəti-
nin yüksəldilməsi nəticəsində müəssisənin əldə edəcəyi il-
lik mənfəətin məbləğini hesablamaq üçün bazis və plan
illərində məhsul vahidinin topdansatış qiymətləri arasında-
kı fərqi cari ildə buraxılacaq məhsulların sayına vuraraq
müəyyən edilir.
İstehsalın rentabellik səviyyəsi müəyyən vaxt (məsə-
lən, rüb, il) dövründə müəssisənin istehsal-təsərrüfat fəa-
liyyətinin mənfəətliliyini (yaxud ziyanlığını) xarakterizə
edir. İstehsalın rentabellik səviyyəsinin yüksəldilməsi nəti-
cəsində müəssisənin əldə edəcəyi illik mənfəətin məbləği-
ni təyin etmək üçün plan ilində buraxılacaq məhsulun həc-
mini istehsalın plan və bazis rentabellik səviyyəsinin fər-
qinə vuraraq, 100%-lə bölərək tapırlar.
Maddi-enerji ehtiyatlardan səmərəli istifadə istehsa-
lın mənfəətliliyinin təmin olunmasında mühüm rol oyna-
yır. İstehsalın özünəməxsus xüsusiyyətlərindən asılı ola-
raq, istehsal xərclərində maddi-enerji ehtiyatlarının bu və
ya digər növlərinin xüsusi çəkisi xeyli fərqlənir, sənaye
müəssisələri isə müvafiq olaraq, material tutumlu, enerji
tutumlu, yanacaq tutumlu olur və s. Maddi-enerji resursla-
rından səmərəli istifadə edilməsi nəticəsində müəssisənin
əldə edəcəyi illik mənfəətin məbləği tapılır.
İstehsal xərcləri – məhsulun hazırlanmasına çəkilən
canlı və maddiləşmiş əmək məsrəflərinin məcmusunu xa-
rakterizə edir. İstehsal xərclərinin azaldılması hesabına
müəssisənin əldə edəcəyi illik mənfəətin məbləğini hesab-
lamaq üçün bazis və plan illərindəki məhsul vahidinin məs-
rəf norması (kq-la) material vahidinin topdansatış qiymə-
tinə və plan ilinə nəzərdə tutulan məhsulun sərfinə vurulur.
Dostları ilə paylaş: |