7
yaradılmış Bakı Karantin-Gömrük dairəsinə tabe edilmişdir. Dairənin idarə edilməsi üçün 3 (Dairənin rəisi,
tapşırıq üçün məmur və katib) ştat ayrılmışdır.
Bakı Karantin-Gömrük kontoru 1-ci dərəcəli hesab edilməklə bərabər, 18 ştat (rəis, karantin üzrə
direktor-həkim, katib-xəzinadar, 2 rüsum yığan, nəzarətçi, tərcüməçi, gəmi baxıcısı və 10 gömrükxana
yoxlayıcısı) ayrılmışdır.
Həmin Əsasnamənin 4-cü paraqrafına görə Naxçıvan sahəsində aşağıdakı gömrük təşkiləatları tabe
edilmişdir:
1. Naxçıvan Baş Karantin-gömrük Kontoru və Culfa Karantin gömrükxanası;
2. Şərur Karantin-gömrük Zastavası - ikinsi dərəcəli;
3. Ordubad Karantin-gömrük Zastavası - ikinsi dərəcəli;
4. Ayırıcı karantin-gömrük Postları:
Şahtaxtı postu;
Naxçıvn postu;
Ordubad postu;
Aladərə postu;
Bazar postu.
5. Erivan Tranzit Postu.
Əsasnamənin 5-ci paraqrafına görə Bakı Karantin-gömrük Dairəsi iki sahəyə ayrılır:
1. Cəbrayıl - Erivan Quberniyasından İran sərhəddi boyu Astara çayına qədər olan məsafə buraya aid
edilir;
2. Bakı - Bakı Quberniyasının Xəzər dənizinin sahili boyu Astara çayından başlayaraq Dağıstan
Vilayətinə qədər olan sərhəd məsafəsi buraya aid edilir.
Cəbrayıl sahəsinə aşağıdakı gömrük təşkilatları daxil edilir:
1) Cəbrayıl Karantin-gömrük Kontoru, ikinci dərəcəli;
2) Biləsuvar Karantin-gömrük Zastavası, birinci dərəcəli;
3) Ayırıcı karantin-gömrük Postları:
Dağlıq Bəhramtəpə postu;
Aslandüz postu;
Maralyan postu;
Xudafərin postu.
Bakı sahəsinə aşağıdakı gömrük təşkilatları daxil edilir:
1) Astara Karantin-gömrük Zastavası - birnci dərəcəli;
2) Nizova Karantin-gömrük Zastavası - üçüncü dərəcəli;
3) Karantin-gömrük Zastavası - üçüncü dərəcəli:
Kür deltası zastavası;
Salyan zastavası;
Pereval zastavası;
Lənkəran zastavası.
4) Apşeron Daimi karantin-gömrük Postu;
5) Bakı ayırıcı karantin-gömrük Postu.
Əsasnamənin 11 bölməsində Naxçıvan Baş Karantin-gömrük Kontoru və Culfa Karantin
gömrükxanasına gömrük işlərini həyata keçirmək və karantin işlərini təşkil etmək üçün 150 ştat ayrılmışdır. Bu
ştatlardan yalnız 12-si (bunlardan 9 nəfəri gömrükxana işçisi, 3 nəfəri isə karantin işçisidir) Erivan tranzit
postuna ayrılmışdır. Bakı sahəsi üçün isə 255 ştat (bunlardan 200 nəfəri gömrük məmuru kimi, 55 nəfəri isə
karantin xidmətinin işçisi kimi nəzərdə tutulmuşdur) ayrılmışdır.
Arxiv sənədlərini araşdırarkən başqə bir məsələdə diqqətimizi çəkdi. Belə ki, Rus İmperiyasının
əvvələr və Sovetlər şəklində fəaliyyət göstərdiyi vaxtlarda mərkəz tərəfindən təsdiq edilmiş bütün ştat
cədvəllərində üstünlük həmişə qeyri-türklərə verilmişdir. 17 may 1861-ci ildə Qafqaz Canişinin Tiflis Şəhərində
imzaladığı Əmrdə Bakı Karantin-gömrük idarəsinin rəisi Avtonomovu, digər bir rus Triroqov əvəzlədiyi
göstərilir. Sonuncu Bakıya Tiflis gömrükxanasından göndərilir. Cəbrayıl Karantin-gömrük kontoruna
Zaqafqaziya Karantin-gömrük darirəsindən Şamxarov, Astara karantin-gömrük Zastavasına isə Xanjalov təyin
edilir.
1868-ci liin aprel ayında tərtib olunmuş Bakı və Naxçıvan Karantin-Gömrük Dairələrində çalışan
dövlət məmurlarının siyahısına baxanda da, bir daha buna əmin oluruq. Bakı Karantin-Gömrük dairəsinin bütün
rəhbərliyi ruslardır (Dairənin rəisi Savenkov, Bakı kontorunun rəisi isə Dolinindir). Bütün heyətin tərkibində
yeganə türk olan və mirzəlik edən Rza Qulu Əliyev işdən çıxarılmışdır. Bakı kontorunda isə cəmisi 2 türk
(Zeynalabadan Əliyev və Nəsrulla İmam Əliyev) köməkçi vəzifəsində çalışmışdır.
8
Azərbaycan ərazisində olan digər gömrük təşkilatlarının - Astara Zastavsının (Smirnov), Lənkəran
Zastavasının (Mixaylov), Salyan Zastavasının (Kolomski, cəmi bir türk-Mirzə Məmməd Nağıyev işləyib),
Nizova Zastavasının (Qonorski), Qızılağac Zastavasının (Rulev), Cəbrayıl Karantin-gömrük Kontorunun
(Veselyanov, bir türk – Mirzə Əvəz Bəy Məmmədov), Biləsuvar Karantin-gömrük Zastavasının (Pavlenko),
Aslandüz postunun (Qriqoryev), Xudafərin postunun (Zlotov), Maralyan postunun (Qrişin), Bəhramtəpə
postunun (Atabəyov), Naxçıvan Baş Karantin-gömrük Kontorunun (Karakuşin), Culfa Karantin
gömrükxanasının (Kondratiç), Şərur Karantin-gömrük Zastavasının (Arutyunov), Ordubad Karantin-gömrük
Zastavasının (Ostolnov, 2 türk – Taitiyev və Şamlarov çalışıb), Şahtaxtı postunun (Nuvarov), Ordubad postunun
(Yelstratov), Aladərə postunun (Abbasov), Bazar postunun (Vartanov), Erivan Tranzit Postunun (Arakelov)
rəisləri (cəmi ikisi – Bəhramtəpə və Aladərə istisna olmaqla) və işçi heyəti (350 nəfər işçidən cəmisi 8-i türk
olmuşdur) tamamilə ruslardan və qismən ermənilərdən ibarət olmuşdur. Hətta 3 gömrük təşkilətının rəisləri belə
ermənilər təyin olunmuşdur. Bu siyasət 1970-ci ilə qədər davam etmişdir. İmperiyanın əsas məqsədi yerli
peşəkar kadrların yetişməsinin qarşısını almaq olmuşdur və etiraf edək ki, onlar həmin müddət ərzində
məqsədlərinə tam nail ola bilmişlər.
Rusiya imperiyası Maliyyə nazirliyinin Gömrük yığımları Departamentinin 30 noyabr 1888-ci il tarixli
21896 saylı göndərişində bildirilirdi ki, 9 dekabr 1846-cı ildən qüvvədə olan 12 saylı qərara dəyişiliklər edilir.
Yeni düzəlişə görə Departamentə ancaq qanunsuz silahlar deyil, həm də müsadirə olunmuş bütün mallar təhvil
verilməlidir.
Yeni ərazilərin işğalı hesabına Rusiyanın iqtisadi İnkişaf potensialı artdığı üçün yeni təkmilləşdirilmiş
“Gömrük tarifi” (1891) və “Gömrük nizamnaməsi” (1892) qəbul olundu. Yeni nizamnaməyə görə Rusiyanın
Avropa və Asiya hissəsində gömrük işlərinin tənzimlənməsində vahid qaydalar tətbiq olundu. Eyni zamanda,
sahil zonası və dəniz sahilindən 3 dəniz milində yerləşən sular da gömrük zonası elan edildi.
1897-ci il dekabr ayının 8-də “Rusiyanın Avropa hissəsi və Qafqazda gömrük təşkilatlarının ştatları”
barədə qanuna əsasən Bakı Karantin - Gömrük kontoru Bakı Gömrük dairəsi idarə heyəti tabeliyində Bakı
gömrükxanasına çevrilir.
XX əsrin əvvəllərində, Rusiya dövlətinin gəlirləri içərisində gömrük yığımları spirtli içkilərin
ticarətindən əldə olunan gəlirlərdən sonra ikinci yeri tuturdu. Bu dövrdə rusiyada inqilabı hərəkat gücləndiyi
üçün gömrük orqanlarının işi ikiqat artmışdır. Bakı inqilab şəhəri olduğu üçün İmperiyanını diqqəti Bakıya
yönəlmişdir. Bunu əldə etdiyimiz gömrük sənədləri də təsdiq edir. 31 Dekabr 1901-ci ildə gömrük işçilərinin
imzaladığı protokolda yazılırdı:
"AKT
Biz, aşağıdı imza edənlər, bu protokolu ona görə tərtib etdik ki, bu gün bəyannamə üzrə S.Ginzburqun
adına göndərilən posılkanın dibində, ikiqat karton təbəqələrin arasında Sosial-demokratların qəzeti olan
"İskran"nın çap klişelərini aşkar etdik və götürdük. Bakı Gömrük idarəsi rəisinin göstərişi ilə S.Ginzburqun
adına gələn digər posılkalar da açılanda, oradan sildlənmiş şəkildə olan dövri jurnalları aşkarladıq.
Gördüklərimizi imzalarımızla təsdiq edirik.
Mütəxəssis:
Tiqunov
Dəftərxana məmuru: Baykov
Gömrük yox
lyıcısı:
Konişev"
Arxiv sənədlərinə əsasən müəyyənləşdirmək olur ki, təxminən Bakı gömrükxanasından hər ay orta
hesabla 700-750 nəfər keçirmiş. Məsələn, 1902-ci ilin Aprel ayı ərzində Bakı gömrükxanasından aşağıdakı
ölkələrin vətəndaşları keçib getmişlər: Avstriya-Macarstan -2; Belçika -4; Buxara - 2; Böyük britaniya - 7;
Almaniya - 2; Yunanstan - 7; İran - 619; Rusiya - 84; Türkiyə - 5; Fransa - 12; İsveçrə - 1.
Bakı gömrükxanası 1 iyun 1911-ci ildə Tiflisdəki Qafqaz Gömrük dairəsinin idarəçiliyinə tabe
etdirilir. 1911-ci ildən 1918-ci ilə qədər Bakı Gömrüyü Senat tərəfindən 21 yanvar 1911-ci ildə təsdiq edilmiş
“Rusiya İmperiyası Gömrüklərinin Nizamnaməsi” əsasında fəaliyyət göstərmişdir. Bu dövrdə gömrükxana idxal
və ixrac mallarının gömrük müayinəsini, gömrük rüsum və yığımlarının tutulmasını, gömrük anbarlarında
gömrük sərhədini keçən malların müvəqqəti saxlancını, malların keçirilməsinə nəzarəti həyata keçirirdi.
Gömrüyün funksiyalarına həm də, yoluxucu xəstəliklərin müəyyən edildiyi tədbirdə bütün sərnişinlərin və gəmi
heyətinin sahildə müəyyən olunmuş müddətlərdə təcrid edilməsi də daxil idi.
Sizlərə Culfa gömrükxanasının 30 oktyabr 1917-ci ildə tərtib olunmuş malların müsadirə Siyahısı
qovluğunun üz qabığını təqdim edirik (Şəkil 6). Məqsədimiz Azərbaycan ərazisində fəaliyyət göstərən
gömrükxanaların apardığı işlərin kefiyyəti və növləri barədə məlumatlandırmaqdır.