təklifi ilə İqtisadi xartiya qəbul edildi. Sənəddə qitə ölkələri arasında
iqtisadi və gömrük maneələrinin tədricən aradan qaldırılması, xarici
kapitalın fəaliyyəti üçün əlverişli şərait yaradılması və beynəlxalq
ticarətin inkişaf etdirilməsi tövsiyə olunurdu.
Müharibə illərində Meksika ilə SSRİ arasında diplomatik
münasibətlər bərpa edildi.
Meksika faşizm üzərində qələbəyə töhfə verdi. Müharibənin
başa çatması ilə ölkə tarixində yeni dövr başlandı.
333
XV
BÖLÜM
İKİNCİ DÜNYA MÜHARİBƏSİ
Müharibənin başlanmasının əsas səbəbləri
Dünya müharibəsi ərəfəsində böyük dövlətlərin hər birinin
strategiyası, müttəfiq seçmələri və vəzifələri bir sıra amillərlə
şərtlənmişdi. Bu amillər iqtisadi, siyasi, hərbi, hətta ideoloji sahələri
əhatə edirdi. Almaniya, İtaliya və Yaponiya koalisiyasının
strategiyasının əsasını geosiyasi məqsədlər təşkil edirdi. Almaniya
Versal sülh sisteminin şərtlərini tamamilə ləğv etmək, etnik alman
dövləti yaratmaq, Mərkəzi və Şərqi Avropada nüflız qazanmaq,
İtaliya Balkanlarda və Şimal-Şərqi Afrikada möhkəmlənmək,
Yaponiya isə Sakit okeanda nüfuz və Uzaq Şərqdə ərazilər tutmaq
istəyirdi. Bu ölkələr dünya siyasi, iqtisadi və geosiyasi məkanını
dəyişdirməyə və yeni qayda yaratmağa səy edirdilər, Yaponiya və
İtaliyanın dünyanın siyasi xəritəsini bölmək uğrunda mübarizəsi
praqmatik məqsədlərlə bağlı idisə, Almaniyanın strategiyası yeni
dünya qaydası yaratmaq naminə total müharibəyə əsaslanırdı.
Dünyada mövcud status-kvonun saxlanmasına tərəfdar olan
Fransa, Böyük Britaniya və ABŞ bu bloka qarşı durmuşdular. Onlar
dünyanın siyasi xəritəsinin köklü surətdə dəyişdirilməsinin əleyhinə
olsalar da Versal sülhündən əziyyət çəkən ölkələrə, o cümlədən
Almaniyaya güzəştə getməyə tərəfdar idilər.
SSRİ-nin mövqeyi ikili xarakter daşıyırdı. Sovet dövləti
Avropada sərhədlərin köklü surətdə dəyişdirilməsinin əleyhinə olsa
da Şərqi Avropanı özünün iqtisadi, hərbi-siyasi nüfuz dairəsinə
salmağa və bolşevik ideologiyasını yaymağa çalışırdı.
Müharibənin başlanmasının əsas səbəbləri dünyanı yenidən
bölmək, əlverişli bazarlar və ucuz xammal mənbələri ələ keçirmək
334
uğrunda böyük dövlətlər arasında gedən mübarizənin kəskinləşməsi
idi. Xarakterinə görə bu, ədalətsiz, işğalçı və imperialist müharibəsi
idi.
Beləliklə, dünyada demokratiya ilə sağ yönümlü nasional-
sosializm və sol yönümlü bolşevizm ideyalarının daşıyıcısı olan
dövlətlərin maraqlarının toqquşması müharibəyə gətirib çıxardı.
Müharibənin başlanmasında məsuliyyət Almaniyanın və SSRİ-nin
üzərinə düşürdü.
Böyük dövlətlər arasında qüvvələr nisbəti
Öz məqsədlərini həyata keçimıəkdən ötrü bir-birlərinə qarşı
duran dövlətlər kifayət qədər qüvvə toplamışdılar. Onların arasında
qüvvələr nisbəti təxminən aşağıdakı kimi idi: 1939-cu ilin avqust
ayında Fransa quru qoşunlarında 2 mln. 438 min, hərbi hava
qüvvələrində 110 min, hərbi dəniz qüvvələrində isə 126 min nəfər
xidmət edirdi. Ordunun texnika və yeni silahlarla təchizatına xüsusi
diqqət verilirdi.
Böyük Britaniya quru qoşunlarında 897 min (dominionlarla
birlikdə 1 mln. 261 min), hərbi hava qüvvələrində 193 min
(dominionlarla birlikdə 206 min), hərbi dəniz qüvvələrində 180 min
(dominionlarla birlikdə 194 min) nəfər xidmət edirdi. Britaniya
donanması dünyada kifayət qədər güclü idi. Fransa və Böyük
Britaniyanın hərbi strategiyası başlıca olaraq müdafiə məqsədlərinə
yönəlmişdi. ABŞ-m da hərbi strategiyası müdafiə xarakteri daşıyırdı.
Almaniyanın hərbi strategiyası İldırım sürətli müharibə planına
əsaslanırdı. Bu, bütün növ ordu hissələrinin köməyi ilə qəflətən
hücum edib rəqibi sıradan çıxarmaq məqsədi güdürdü. Alman
ordusunda 2 mln. 750 min nəfər qulluq edirdi. Ordunun texniki
təchizatı köhnə olsa da zabit heyətinin peşəkarlığı, döyüş ruhu və
intizamı yüksək idi.
İtalyan ordusunda 1 mln. 753 min nəfər xidmət edirdi. Bu ordu
335
daha çox lokal müharibələr aparmaq üçün hazırlanmışdı. İtaliyan
ordusu böyük müharibəyə hazır deyildi.
Yaponiya ordusunda 1 mln. 240 min nəfər qulluq edirdi. Bu
ordunun fərqləndirici cəhəti şəxsi heyətin yüksək fiziki və texniki
hazırlığı lui. Belə şəraitdə müharibə hər an başlana bilərdi.
Müharibənin birinci dövrü.
Hərbi əməliyyatların başlanması və genişləndirilməsi
Dünya müharibəsinin başlanmasına bəhanə Polşadakı
almanların taleyinə qayğı oldu. Polyak fonnası geyən alman hərbçiləri
iki ölkə sərhədində yerləşən Qleyvisdə radiostansiyanı tutaraq
təxribat törətdilər. Təxribatın üstünü ört-basdır'etmək üçün Almaniya
rəhbərliyi onları güllələtdirdi. Sərhəd münaqişəsindən bəhanə kimi
istifadə edən Almaniya əvvəlcədən hazırlanmış Veys planına uyğun
olaraq 1939-cu il sentyabrın l-də Polşa üzərinə hücum etdi. Hücumu
həyata keçirən Almaniyanın Şimal və Cənub qruplarının tərkibində
44 diviziya, 2800 tank, 1600-dək təyyarəsi var idi. Polşanın bu
istiqamətdə 33 diviziyası, 870 tankı, 407 təyyarəsi yerləşdirilmişdi.
Həmin gün reyxstaq Dansiqin Almaniyaya birləşdirilməsi haqqında
qanun qəbul etdi.
Polşa qarşısında götürdükləri öhdəliyə uyğun olaraq Böyük
Britaniya və Fransa sentyabrın 3-də Almaniyaya müharibə elan
etdilər. Elə həmin gün Böyük Britaniyanın bəzi dominionları da
müharibəyə qoşuldular. Beləliklə, ikinci dünya müharibəsi başlandı.
Müharibənin birinci dövrü 1939-cu il sentyabrın 1-dən 1942-ci
ilin yayınadək olan müddəti əhatə edir. Bu mərhələdə Almaniya və
müttəfiqləri hərbi əməliyyatları genişləndirərək üstünlük qazandılar.
Müharibə elan etmələrinə baxmayaraq, İngiltərə və Fransa
Almaniyaya qarşı hərbi əməliyyatlara başlamağa tələsmirdilər. Onlar
daha çox mövqe müharibəsinə üstünlük verirdilər. Nəticədə 1939-cu
ilin sentyabr ayından 1940-cı ilin may ayınadək
336
Dostları ilə paylaş: |