© “Hökumətin qərar qəbulu prosesində vətəndaş cəmiyyətinin
əlilliyi olan şəxslərin hüquqlarının təşviqatçısı kimi iştirakı” layihəsi
İnklüziv Qərar Qəbulu üzrə IDEAS Vasitələr Toplusu
65
Tərəfdaşlıq
• Siyasi üstünlüklər barədə məsləhət üçün daimi və ya xüsusi ekspert qrupu kimi işçi
qrup və ya komitə formalaşdırılır.
2. İlkin variantların hazırlanması və təhlil
Dövlət orqanlarının adətən siyasət hazırlanması üçün yaxşı müəyyənləşdirilmiş prosesləri
olur. Burada vətəndaş cəmiyyəti təşkilatları çox zaman problemlərin müəyyən olunması, həll
yollarının təklif edilməsi və üstünlük verdikləri təklif üçün dəlillərin toplanması kimi sahələrə
cəlb olunur. Bu mərhələdə məsləhətləşmə imkanlarına dəstək vermək, əsas maraqlı
tərəflərdən məlumat toplamaq üçün dialoqun müxtəlif formalarını tapmaq başlıca məsələdir.
Vətəndaş cəmiyyəti təşkilatları aşağıdakıları edə bilər:
• Təşviq etmək: layihə siyasətinin təsir dairəsində olan maraqlı tərəflərin ehtiyac və
maraqlarının nəzərə alınmasına zəmanət.
• İnformasiya vermək və maarifləndirmə aparmaq: üzvləri və xidmət istifadəçilərini layihə
hazırlanması prosesi haqqında məlumatlandırmaq.
• Təcrübə və məsləhətlərlə təmin etmək: baxılan məsələlər üzrə təhlil və tədqiqat
aparmaq, siyasi layihəyə daxil edilməsi məqsədilə əlavə prioritetlər irəli sürmək.
• Yeniliklər etmək: yeni yanaşmalar, praktik çözümlər və xüsusi istifadəçi qrupların fayda
gətirən konkret modellərinin tətbiqi vasitəsilə həll variantları təklif etmək.
• Xidmətlərlə təminat: xüsusi istifadəçilərin ehtiyaclarını nəzərə almaq və lazımi şərtləri
yerinə yetirmək üçün məlumatla təmin etmək.
• Nəzarət funksiyasını yerinə yetirmək: aidiyyəti tərəflərin maraqlarını nəzərə almaq və
layihə hazırlanması prosesinin inkluzivliyini izləmək.
Hökumət qurumları aşağıdakıları edə bilər:
Məlumat vermək:
cari məsləhət prosesləri üzrə vaxtında və təfsilatlı məlumat çatdırmaq.
• İnklüziv prosedurları həyata keçirmək: aydın məqsədlər, iştirak qaydaları, vaxt çərçivəsi,
əlaqələr və s. kimi minimum məsləhətləşmə standartlarını işləyib hazırlamaq və onlara
əməl etmək; bütün maraqlı tərəfləri çağırmaqla açıq məsləhətləşmə görüşləri keçirmək.
• Resurs təminatı: vətəndaş cəmiyyətinin müxtəlif səviyyələrdə işirakını təmin etmək
üçün müvafiq vaxt və vasitələr.
• Məsuliyyətli ol: müvafiq siyasət formalaşdıranların fəal iştirakını təmin etmək üçün dinlə,
reaksiya göstər, cavab ver.
Faydalı vasitə və mexanizmlər:
Məlumat
• Məlumatın müxtəlif formatlarda mövcudluğu ilə siyasətin ilkin variantının işlənib
hazırlanması üçün vahid məlumat nöqtəsi daxil olmaqla siyasi sənədlərə açıq və
sərbəst əlçatımlılıq.
İnklüziv Qərar Qəbulu üzrə IDEAS Vasitələr Toplusu
© “Hökumətin qərar qəbulu prosesində vətəndaş cəmiyyətinin
əlilliyi olan şəxslərin hüquqlarının təşviqatçısı kimi iştirakı” layihəsi
66
• Əsas sənədlərə tam əlçatımlı və ictimai tədbirlərlə bağlı elanlar verən vebsayt.
• Siyasi layihəni formalaşdırmaq üçün baxışları
əks etdirən sənədlər, məktublar,
manifestlər vasitəsilə təşviqat və lobbiçilik.
• Dinləmələr, görüşlər və müzakirələr zamanı baxmaq və dinləmək üçün internetdə
yayımlanma.
• Siyasi layihənin hazırlanma prosesinə töhfə vermək məqsədilə araşdırma aparmaq.
Məsləhətləşmə və dialoq
• Narahatlıq doğuran həssas məsələləri müəyyən və şərh etmək üçün maraqlı tərəflərlə
dinləmələr və sual-cavab panelləri keçirmək, üzbəüz və onlayn təklifləri toplamaq.
• Siyasi layihənin hazırlanmasında istifadə edilə biləcək xüsusi tədqiqat və ya araşdırma
aparılması üçün ekspertlərin iştirakı ilə seminarlar və görüşlər.
• Vətəndaş cəmiyyəti təmsilçilərindən yaradılan və ya onların da daxil olduğu bir çox
maraqlı tərəflərdən ibarət komitə və məşvərət qurumları; ya daimi, ya da xüsusi
qaydada.
Tərəfdaşlıq
• Layihənin birgə hazırlanması: qanunvericiliyin və ya siyasi prosesin hissələrinin ilkin
variantının hazırlanmasında fəal iştirak.
3. Siyasəti müəyyən etmək
Siyasi qərar qəbulu milli kontekstə və qanunvericiliyə görə dəyişir. Ümumi xarakteristik
cəhət budur ki, ya nazirlik tərəfindən hökumətin siyasi direktivi yaradılır, ya parlament
səsverməsi ilə qanun qəbul olunur, ya da ümumxalq referendumu yolu ilə böyük bir siyasi
proses başladılır.
Qanun layihələri və təkliflər vətəndaş cəmiyyətinin töhfələri, iştirakı üçün açıq olmalıdır.
Qərar verməzdən əvvəl hökumət qurumları müxtəlif baxış və rəyləri qiymətləndirməlidir. Bu
mərhələdə məlumatlı şəkildə məsləhətləşmə qərar qəbulu üçün əsasdır.
Qərar ümumxalq səsverməsi, referendum və ya birgə qərar mexanizmi ilə verilmədiyi halda,
yekun seçim səlahiyyəti hökumət qurumlarında olur.
Vətəndaş cəmiyyəti təşkilatları aşağıdakıları edə bilər:
• Təşviq etmək: qərar qəbul edənlərə səsvermədən əvvəl təsir göstərmək.
• Məlumat vermək və maarifləndirmə aparmaq: üzvləri və xidmət istifadəçilərini siyasi
qərar seçimləri, onların potensial təsirləri haqqında məlumatlandırmaq.
• Ekspertiza və məsləhətlə təmin etmək: qərar verən şəxsləri məlumatlandırmaq və
onlara təsir göstərmək üçün təfsilatlı təhlil aparmaq.
• Nəzarət funksiyasını yerinə yetirmək: qərar qəbulu prosesinin demokratikliyini,
şəffaflığını və optimal effektivliyini təmin etmək üçün onun nəticələrini izləmək.