3
GİRİŞ
Azərbaycan Tibb Universitetində fəaliyyət göstərən əczaçılıq fakultəsinin əsas
tədris fənlərindən birini qeyri-üzvi kimya təşkil edir. Bu fakultənin I kurs tələbələri
tədris ilinin II semestri müddətində mövcud tədris planı üzrə 14 saat mühazirə
materialı dinləyir və 46 saat laboratoriya məşğələ dərsləri keçirlər.
Qeyri-üzvi kimya kursunun başlıca vəzifəsi gələcək gənc mütəxəssislərə tibbdə
geniş istifadə olunan qeyri-üzvi maddələrin çevrilmə və qarşılıqlı təsir
məhsullarının elmi əsaslarla proqnozlaşdırılması üzrə ən mühüm vərdişlərin
yaradılması və möhkəmləşdirilməsindən ibarətdir. Həmçinin nəzərə alınmalıdır ki,
bu fakultədə məntiqi ardıcıllıqla sonradan tədris olunacaq analitik kimya, üzvi
kimya və fiziki kimya fənlərinin də nəzəri təməli qeyri-üzvi kimya fənninin tədrisi
prosesində qoyulur və o, bu fənlərin tələbələr tərəfindən mənimsənilməsində
müəyyən həlledici əhəmiyyət kəsb edir.
Qeyri-üzvi kimyanın tədrisində əsas məqsəd tələbələrə bütün maddi aləmin
ilkin əsasını təşkil edən element atomları, onların əsasında əmələ gələn kimyəvi
birləşmələr, molekulların quruluşu, kimyəvi rabitələrin təbiəti, və bunların təzahür
formaları kimi meydana çıxan fiziki-kimyəvi xassələri haqqında sistematik
biliklərin aşılanmasıdır.
Proqram əsasən elementlərin kimyasına həsr olunmuşdur. Elementlərin alınma
üsulları və onların kimyəvi xassələri, tibbdə və əczaçılıqda tətbiqi haqqında geniş
məlumatlar verilmişdir.
Fənnin məqsədi: qeyri-üzvi maddələr və onların çevrilmə məhsullarının xassələri
haqqında tələbələrdə dərin nəzəri biliklər və əməli vərdişlər aşılamaqdır.
Tələbə nəyi öyrənməlidir:
1. Kimyəvi elementlərin dövrü sistemdə mövqeyini, alınmasını və fiziki-kimyəvi
xassələrini.
2. Əczaçılıq fəaliyyətində qeyri-üzvi kimyanın əhəmiyyətini.
3. Çox işlənən bəzi kationların xassələrini.
4. Əczaçılıq əhəmiyyətli maddələrin fiziki-kimyəvi xassələrini.
4
Tələbə nəyə yiyələnməlidir:
1. Əczaçılıq əhəmiyyətli qeyri-üzvi maddələrin kimyəvi reaksiyalarını yerinə
yetirməyə.
2. Çox işlənən turşu, qələvi və duzları kimyəvi cəhətdən fərqləndirməyə.
3. Vacib ionları əməli cəhətdən aşkar etməyə.
4. Əczaçılıq əhəmiyyətli ionları fiziki-kimyəvi xassələrinə görə identifikasiya
etməyə.
Mövcud tədris planı üzrə əczaçılıq fakültəsində qeyri-üzvi kimya kursunun
öyrənilməsinə aşağıdakı həcmdə tədris saatları ayrılır.
Tədris Mühazirə Laboratoriya Cəmi Yekun
semestri məşğələləri
II 14 46 60 imtahan
P R O Q R A M
Kimya fənni və onun vəzifələri. Kimya təbiət elmlərindən biri kimi. Kimyanın
inkişaf mərhələləri və onun digər təbiət elmləri ilə əlaqəsi. Kimyanın tibbdə və
əczaçılıqda rolu.
ELEMENTLƏR KİMYASI.
Kimyəvi elementlərin müasir təsnifatı:
S
-
, P
-
, d
-
, f – elementlər
1. S – elementlər
S – elementlərin ümumi xarakteristikası, dövri sistemdə mövqeyi. Alınması,
əsas kimyəvi birləşmələri və onların müqayisəli xarakteristikası.
Hidrogen, natrium, kalium, maqnezium və kalsium. Onların bioloji rolu.
Kalsium birləşmələri sümük toxumalarında. Kalsium və stronsium ionlarının
oxşarlığı, onların izomorf əvəzolunması.
5
S
2
- elementlər və suyun codluğu, onun canlı orqanizmlərə və sulu mühitdə baş
verən kimyəvi reaksiyalara təsiri.
Litium, natrium, kalium, maqnezium, kalsium və barium birləşmələrinin tibbdə
və əczaçılıqda tətbiqi.
2. P – elementlər
P – elementlərin ümumi xarakteristikası, onların xarakter xüsusiyyətləri.
P
1
– elementləri, onların alınması, atomlarda elektron defisitliyi, elementlərin və
birləşmələrinin xassələrinə onun təsiri. P
1
- elementlərin xassələrinin müqayisəli
xarakteristikası və onların əsas birləşmələri.
Borun bioloji rolu. Ortoborat turşusunun buranın (boraksın) antiseptik xassələri.
Alüminium və onun birləşmələrinin amfoterliyi. Alüminium birləşmələrinin
tibbdə və əczaçılıqda tətbiqinin fiziki-kimyəvi əsasları.
P
2
-elementlər, onların alınması, müqayisəli xarakteristikası və əsas birləşmələri.
Karbon atomunda valent orbitallarının hibridləşməsi; karbonun modifikasiyası
və karbon atomu əsasında əmələ gələn molekulların quruluşu. Aktivləşdirilmiş
kömür absorbent kimi. Karbon oksidlərinin bioloji fəallığının və qeyri-üzvi
mənşəli birləşmələrinin tibbdə tətbiqinin kimyəvi əsasları.
Silisium, onun əsas birləşmələri. Silisium birləşmələrinin tibbdə tətbiqi.
Germanium yarimqrupu elementləri. Qurğuşun birləşmələrinin canlı orqanizmə
toksiki təsirinin kimyəvi mexanizmi.
Qalay və qurğuşun birləşmələrinin tibbdə və əczaçılıqda tətbiqinin kimyəvi
əsasları.
P
3
-elementlər, onların alınması, müqayisəli xarakteristikası və əsas birləşmələri.
Azot və fosforun birləşmələrinin xassələri.
Arsenli birləşmələrin canlı orqanizmə toksiki təsiri.
Ammonyakın, azot (I) oksidin, natrium-nitratin, arsen, stibium və bismut
oksidləri və duzlarının tibbdə və əczaçılıqda tətbiqinin kimyəvi əsasları.
P
3
– elementləri birləşmələrinin əczaçılıqda tətbiqi.
P
4
– elementlər, onların alınması, müqayisəli xarakteristikası və əsas
birləşmələri.