Elşad MAHMUDOV
50
döyüşən tərəflərin xətib və şairləri tərəfindən hicviyyə və ya mədhiyyələrlə
dilə gətirilirdi. Tərəflərin fərqli üslublarla münasibət bildirdikləri
və diqqət
mərkəzində olan bu döyüş hekayələri daha çox şifahi şəkildə, dildən dilə
dolaşaraq nəsildən nəslə ötürülür, ərəblərin yaddaşına həkk olunur, əsrlər
boyu hafizələrdə, adət-ənənələrdə mühafizə edilir, qəbilələrin və tayfaların
tarixi haqqında mühüm məlumat mənbəyinə çevrilir, qəhrəmanlıq dastanları
kimi xalq arasında yayılır və bu şəkildə İslamaqədərki
dövr ərəblərinin tarix
anlayışının təşəkkül etməsində əhəmiyyətli rol oynayırdı. İslamaqədərki
dövr Ərəb tarixi üçün zəngin vəsait və məlumat mənbəyini ehtiva edən
“Əyyamul-Arabı” tarixçilər, diliçilər və ədəbiyyatçılar qaynaq olaraq istifadə
edirlər. Hətta məşhur alim Katib Çələbi “Əyyamul-Arab” elmini tarixin mü-
hüm bir şöbəsi olaraq qeyd etmişdir.
16
Maraqlısı budur ki, “Əyyamul-
Arabda” meydana gələn müharibələr və hadisələr və ya “Ənsab elmində”
ortaya qoyulan məlumatlar
çox geniş formada Ərəb ədəbiyyatında öz yerini
tapmışdır. Yəni Ərəb şerinin inkişaf etməsində şəcərə mənqibələri
ilə döyüş
hekayələri və burada baş verən qəhrəmanlıq nümunələrinin böyük əhəmiy-
yəti var. Bu eyni zamanda İslamaqədərki dövrdə Cahiliyyə dövrü Ərəb şeri
və ədəbiyyatının tarixi məlumatlarla zəngin olduğunu, şerlərin bəzi tarixi
hadisələrin və şəxsiyyətlərin bilinməsini təmin etmə vəzifəsini rahat bir
şəkildə yerinə yetirdiyini, beləcə bu dövr ərəblərinin tarix anlayışına ciddi
nüfuz etdiyini və şerin şifahi tarixçilyin bir növü və şöbəsi olduğunu
göstərir. Cahiliyyə şeri İslamaqədərki həyatın hər anına işıq tutur. Yuxarıda
qeyd etdiyimiz müharibələr haqqında məlumatlar, tayfalar arası münasi-
bətlərin
tənzimlənməsi, sülh və əminamanlığın bərqərar olması, Ərəblərin
adət-ənələri, inanc və düşüncələri, sosial, siyasi, mədəni, iqtisadi və dini
həyatları, yaxşı və pis xüsusiyyətləri o dövrün şerlərində geniş formada öz
əksini tapmışdır. Şerin ən başda gələn mövzuları tərifləmək-
mədh, öyünmək-
fəxr, tənqid və ya təhqir etmək-
hica, mərsiyə söyləmək-
risa, qəhrəmanlıq-
hamasə kimi xüsuslar və ədəbi janrlardan ibarət idi. Əsas
etibarilə şifahi
olaraq yaddaşlara həkk olunan Ərəb şerlərindən “Uqaz vadisində” təşkil
olunan yarmarkalarda (540-cı illər) keçirilən şer yarışlarında yer tutanlardan
341-386; E. Mittwoch, “Eyyâmü’l-Arab”,
İA, IV, 421 - 422; Mehmet Ali Kapar,
“Eyyâmü’l-Arab”,
Türkiye Diyanet Vakfı İslâm Ansiklopedisi, İstanbul 1995, XII, 14-16.
16
Katib Çələbi,
Kəşfuz-zunun an əsamil-kutub vəl-funun (nəşr edənlər: Kilisli Muallim Rifat –
Şerefeddin Yaltkaya,) I-II, İstanbul 1360-1362 / 1941-1943, I, 24.
İslamaqədərki dövr Ərəbistan yarımadasında tarix və tarixşünaslıq
51
bir qismi mükafatlandırılır, daha sonra bu şerlər yazılır və bunların ən
gözəlləri yazılı şəkildə Kəbə divarına asılırdı. Yeddi asqı (əl-muallaqatus-
səb´a) bu yarışlarda dərəcə və mükafat qazanmış məşhur qəsidələr arasında
yer alır. İmrul-Qeys, Nabiğa əz-Zubyani, Ləbid İbn Rabia, Umeyyə İbn
Əbus-Salt, Zuheyr İbn Əbu Sulma, A´şa (Meymun İbn Qeys) Cahiliyyə
dövrünün ən tanınmış, məşhur və şerləri dillərə dastan olan şairləridirlər.
17
İslamaqədərki dövr ərəblərində tarix anlayışının formalaşmasında
yuxarıda qeyd olunan terminlərlə bərabər
əxbar - (ərəblərin keçmişinə aid
dastanlaşmış və mənqibələşmiş rəvayətlər) termini də mühüm yer tutur.
“Xəbər” kəlməsinin cəm forması olan “əxbar”
bir qövm, xalq, qəbilə, tayfa,
şəxs və ya bir ölkə, region, hər hansı bir hadisə haqqında nəql edilən
məlumatlar, sözlər və rəvayətlərdir. Nümunə olaraq “Axbarul-Arab”,
“Axbaru Təmim”, “Axbaru Əbi Təmmam”, “Axbaru Yəmən”, “Axbaru
Məkkə” və buna bənzər adları göstərmək olar. İslamdan əvvəl dastanlaşmış
və mənqibələşmiş ünsürləri tarixi ünsürlərinə qalib gələn bu rəvayətlərin
İslamdan sonra tarixi vəsfi ön plana keçmişdir. Buna görə də Cahiliyyə
dövründən qalmış olan “Axbarul-Arab – Ərəblərin xəbərləri” deyildiyi
zaman bundan ərəblərin qədim tarixinə aid dastan və mənqibə mahiyyətində
olan rəvayətləri nəzərdə tutulur. “Əxbarı”
qədim şerdən,
əmsal – qısa və ya
yığcam hekayələr və ənsaba dair məlumatlardan ayrı ələ almaq mümkün
deyil. “Əyyamul-Araba” aid rəvayətlərdə şer və əxbar daima iç-içə olan, bir-
birini açıqlayan ünsurlardır. Şerin əsas mövzuları olan
mədh,
fəxr,
risa və
hicvin ana elementlərini, şəxsin və ya qəbilənin keçmişinə dair xəbərlər
təşkil edirdi. Buna görə də şer şəxs, qəbilə və ya hadisələrin “əxbarı” ilə
bərabər rəvayət edilmişdir. Ənsaba aid məlumatların əsasını da “əxbar”
təşkil edirdi. “Əxbar” İslamaqədərki dövrdə hafizədən hafizəyə nəql edilərək
şifahi tarixçiliyin əsaslarından birini meydana gətirirdi.
18
Son olaraq böyük dini-tarixi əhəmiyyətə malik
olan Məkkə şəhəri və
ətrafında olan tarix anlayışı haqqında məlumat vermək istəyirik. Bu şəhərlə-
rin yerləşdiyi Hicaz regionunda çox zəngin tarixi materiallar mövcud idi.
Müxtəlif mədəniyyətlər və dinlərdən olan insanlar ticarət, səyahət və həcc
17
Cavad Ali,
əl-Mufassal fi Tarixil-Arab Qabləl-İslam, V, 341 Sarıçam,
Hz. Muhammed ve
Evrensel Mesajı, s. 43.
18
Nihad M. Çetin, “Ahbâr”,
Türkiye Diyanet Vakfı İslâm Ansiklopedisi, I, 486.