Azərbaycanın ictimai həyatında gənclərin iştirakı
Yüklə 0,55 Mb. Pdf görüntüsü
|
- gənclər arasında sahibkarlığın inkişaf etdirilməsi; - gənc ailə institutunun möhkəmləndirilməsi; - gənclərin məlumatlılığının artırılması; - gənclərin vacib ictimai təşəbbüslərinin dəstəklənməsi üçün təşkilati, maddi və məlumatlandırma mexanizmlərinin inkişaf etdirilməsi; - gənclərdə müasir düşüncə tərzinin formalaşdırılması, onların idarəetmə və tədqiqatyönlü fəaliyyətə cəlb edilməsi; - gənclərin özünüidarə və iqtisadi baxımdan təminetmə bacarıqlarının inkişaf etdirilməsi; - gənclərin, o cümlədən gənc əlillərin sosial müdafiəsinin gücləndirilməsi; - gənclər arasında zərərli vərdişlərin yayılmasına qarşı yönəlmiş fəaliyyətlərin dəstəklənməsi və inkişaf etdirilməsi; - gənclərin inkişafında yerli icra strukturlarının və bələdiyyələrin iştirakının artırılması, yerlərdə gənclərə diqqətin gücləndirilməsi; - gənclərlə işləyən mütəxəssislərin əlavə təhsilinin təmin edilməsi; - gənclərin və gənclər təşkilatlarının ictimai həyatda təşəbbüskarlığının və iştirakının stimullaşdırılması; - gənclərin beynəlxalq mübadilə və mədəniyyətlərarası dialoqda iştirakının dəstəklənməsi; - gənclərin inkişafına yönəlmiş infrastrukturun yaradılması. Azərbaycan Respublikasının Prezidentininin 19 dekabr 2011- ci il tarixli 542 nömrəli fərmanı ilə Azərbaycan Respublikasının Gənclər və İdman Nazirliyi yanında Gənclər Fondu təsis edildi. 12 Dövlət gənclər siyasəti Fond, Gənclər siyasəti ilə bağlı elm, təhsil, mədəniyyət və digər sosial sahələrə yönəlmiş fəaliyyətlərin stimullaşdırılmasını təmin edən qurumdur. Gənclər siyasəti ilə bağlı elm, təhsil, mədəniyyət sahələrində və digər sosial sferalarda, o cümlədən beynəlxalq səviyyədə həyata keçirilən, həmçinin maddi-texniki bazanın modernləşdirilməsinə yardım daxil olmaqla müvafiq konfrans, seminar, festival, olimpiada və digər tədbirlərin, ictimai və sosial əhəmiyyətli proqram və layihələrin qrantlar şəkildə məqsədli maliyyələşdirilməsi Gənclər Fondunun əsas məqsədidir. Gənclər fondu idarəetmə sahəsində elmi araşdırma, sosial əhəmiyyətli və innovativ ideyaları, dövlət gənclər siyasətini həyata keçirən dövlət və yerli özünüidarə müəssisələrinin fəaliyyətini dəstəkləyir, o cümlədən dövlət və cəmiyyətin inkişafında gənc nəslin iştirakını və təşəbbüslərini yerlərdə stimullaşdırır. Dövlət Proqramının 6.5.5 bəndinə əsasən yerlərdə gənclərlə işin daha da fəallaşdırılması məqsədi ilə proqramın əhatə etdiyi dövrdə hər il ölkənin bir şəhər və ya rayonunun "Gənclər Paytaxtı" elan edilməsi nəzərdə tutulub. Azərbaycan Resbuplikasının Gənclər və İdman nazirinin müavini İ. Babayev 16 fevral 2012-ci ildə Bakıda Gənclər gününə həsr olunmuş təntənəli mərasimdə çıxış edərək internet vasitəsilə keçirilən respublikanın 1 mln. 700 min gənc nəslinin nümayəndəsinin iştirak etdiyi “Azərbaycanın Gənclər Paytaxtı” mövzusunda sorğu-səsvermə nəticələri üzrə birinci yeri tutmuş Gəncə şəhərini “Gənclər Paytaxtı-2012” elan etdi. 8 sentyabr 2012-ci ildə Gəncə şəhərində Gənclər və İdman 13 Azərbaycan ictimai həyatında gənclərin iştirakı Nazirliyinin, Azərbaycan Respublikasının gənclər fondunun, Gəncə şəhəri icra hakimiyyətinin, “Gənclərin Dostluq Şəbəkəsi” və “İRƏLİ” İctimai Birliklərinin təşkilatçılığı ilə Azərbaycan Gənclərinin I Liderlik Forumunun açılış mərasimi keçirildi. 8 – 11 sentyabrda Forumun “Gənclər üçün yeni imkanlar” mövzusunda ilk paneli keçirildi. Bakıda Gənclər Mərkəzinin, regionlarda isə “Gənclər Evləri”nin yaradılması istiqamətdə müvafiq addımlar atılmışdır. Bu cür evlər artıq 13 rayonda fəaliyyət göstərir. 2011-2013-cü illərdə Bakı şəhəri və onun qəsəbələrinin sosial-iqtisadi inkişafı üzrə dövlət proqramı çərçivəsində daha 10 gənclər evinin tikilməsi üzrə layihələr təsdiq olunmuşdur. Hər il 2 fevral - Gənclər günündə elm, texnika, təhsil, mədəniyyət və incəsənət sferalarında nailiyyətlərinə görə, o cümlədən Azərbaycanı xarici ölkələrdə layiqli təmsil edən gənc nəslin nümayəndələri Gənclər və İdman Nazirliyi tərəfindən təsis olunan “Gənclər mükafatı” ilə təltif olunur. Bu mükafata gənc alimlər də daxil olmaqla 2009-cu ildə 20 nəfər, 2010 və 2011- ci illərdə hər il 22 nəfər, 2012-ci ildə isə 25 nəfər layiq görülmüşdür. Əgər “Azərbaycan Gəncliyi (2005-2009-cu illər)” Dövlət Proqramının realizasiyasına büdcədən 8 milyon 375 min manat ayrılmışdısa, yeni proqrama 80 milyon manat, daha doğrusu təxminən 10 dəfə çox vəsait ayrılması nəzərdə tululur. 2012-ci ildə proqramın realizasiyasına 20,1 milyon manat xərclənməsi nəzərdə tutulur. Beləliklə, dövlət tərəfindən ardıcıl həyata keçirilən ictimai- sosial islahatların nəticələrinə əsasən Azərbaycanda gənclər kimi 14 Dövlət gənclər siyasəti bütün əhalinin də hərtərəfli istifadəsi üçün şəraitin yaradılmasını nəzərdə tutan dövlət gənclər siyasətinin yeni mərhələsi başlanmışdır. 1-ci və 2-ci şəkillərdə 2005-2009 və 2011-2015-ci illər dövlət proqramlarında nəzərdə tutulan işlərin həcmi təqdim olunmuşdur. Əgər birinci proqramda (şəkil 1.) ümumilikdə 106 istiqamət üzrə işlərin icrası nəzərdə tutulurdusa, ikinci proqramda isə (şəkil 2.) 67 istiqamətdə fəaliyyət təsvir olunmuşdur. Lakin istiqamətlərin sayının azalmasına baxmayaraq onların realizasiyasına təxminən 10 dəfə çox pul vəsaiti ayrılmışdır ki, bu da gənclərlə işin dövlət üçün əhəmiyyətli olmasına daha bir sübutdur. Əgər 2005-2009 və 2011-2015-ci illər (şəkil 3, 4) dövlət proqramlarının realizasiyasında müxtəlif təşkilatların iştirakını təhlil etsək görərik ki, Azərbaycan Respublikasının Gənclər və İdman, Təhsil və Mədəniyyət və Turizm Nazirlikləri proqramlarda nəzərdə tutulan işlərin icrasına daha çox cəlb olunmuşlar. Azərbaycanda uğurla keçirilən dövlət gənclər siyasəti sayəsində ölkə həyatının bütün sferalarında gənclərin fəallığı artmışdır. Dövlət səviyyəsində müasir gənclər hərəkatının inkişafı məqsədilə böyük iş görülmüş - gənclərin fəaliyyətinin təşkili, uşaq və gənclər qeyri-hökumət təşkilatlarının yaradılması üçün şərait yaradılmış, müvafiq normativ-hüquqi baza təkmilləşdirilmişdir. 15 Azərbaycan ictimai həyatında gənclərin iştirakı Yüklə 0,55 Mb. Dostları ilə paylaş:
|