13
Mingəçevir-Yevlax sənaye qovşağı formalaşmışdır. Yevlax, Kürdəmir, Ləki nəqliyyat qovşaqlarıdır. Son illərdə
Ləki-Qəbələ dəmir yolu xətti çəkilmişdir.
Şirvan-Salyan iqtisadi rayonu
Sahəsi 6,08 min km
2
, əhalisinin sayı 504,3 min nəfərdir (2022). Tərkibinə Şirvan şəhəri,
Biləsuvar, Hacıqabul,
Neftçala və Salyan inzibati rayonları daxildir (
şəkil 13
).
Şəkil 13. Şirvan-Salyan iqtisadi rayonu
Şirvan-Salyan iqtisadi rayonunun ərazisi Kür-Araz ovalığının şərq hissələrini tutur, şərqdən Xəzər dənizinin
suları ilə əhatə olunur. İqtisadi rayon əlverişli İCM-ə malikdir. Onun ərazisindən beynəlxalq
və ölkə əhəmiyyətli
Bakı-Ağstafa, Bakı-Astara dəmir və avtomobil yolları, ixrac neft və təbii qaz kəmərləri keçir.
Təbii sərvətlərinə neft, təbii qaz, yodlu və bromlu mədən suları, tikinti materialları (mişardaşı, qum-çınqıl və s.)
aiddir. Neft və qazçıxarma, elektroenergetika, kimya, tikinti materialları sənayesi ixtisaslaşmış sənaye sahələridir.
Şirvanda Cənub DRES fəaliyyət göstərir. Salyanda plastik kütlə zavodu, Neftçalada
yod-brom zavodu fəaliyyət
göstərir. Neftçala və Hacıqabulda maşınqayırma zavodları tikilmişdir.
Pambığın ilkin emalını həyata keçirən pambıqtəmizləmə zavodları vardır (Salyan, Neftçala və s.). İqtisadi
rayonda meyvə-tərəvəz konservləri (Biləsuvar), ət, süd, taxıl məhsulları istehsal edilir.
Pambıqçılıq, quru subtropik meyvəçilik və bostançılıq kənd təsərrüfatının ixtisaslaşma sahələridir, taxılçılıq və
heyvandarlıq inkişaf etdirilir. İqtisadi rayonda kartof, şəkər çuğunduru əkilir. Neftçala rayonunun Xıllı qəsəbəsində
balıq yetişdirilməsi üzrə iri zavod yerləşir.
14
Şirvan-Salyan iqtisadi rayonunun ərazisində mövcud olan Osmanlı-Astara dəmir yolu xəttindən Neftçala şəhərinə
xətt çəkilmişdir. Burada, həmçinin Şirvan-Salyan sənaye qovşağı formalaşmışdır. Şirvan və Hacıqabul iqtisadi
rayonun nəqliyyat qovşaqlarıdır.
Dostları ilə paylaş: