TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
49
-
Qiyabi təhsildə DT texnologiyalarının səmərəli tətbiqi üçün müəllim və tələbə
arasında intensiv, operativ əks əlaqə olmalıdır. Bu məqsədlə elektron poçtun imkanlarından
istifadə etmək olar. Əvvəlcədən tələbələrə hər bir kursu tədris edən müəllimin elektron ünvanı
verilir. Tələbələr kursun müstəqil öyrənilməsi zamanı qarşıya çıxan suallara cavab almaq
məqsədi ilə bu sualları müəllimlərinin elektron ünvanına göndərirlər. Müəyyən vaxtdan sonra
(3-5 gün) göndərilmiş sualların cavablarını öz elektron poçtlarından oxuya bilərlər. Belə
ünsiyyət hesabına qiyabiçi tələbə müəllimlə sistematik əlaqə qura bilər, bu müəyyən mənada
təlimin fərdiləşdirir. Qiyabi təhsil alan tələbələr də əlavə tədris materialı kimi elektron
kitabxanalardan, İnternetin açıq resurslarından, müxtəlif təhsil portalları və saytlarından
faydalana bilərlər. Bu məqsədlə müəllim əvvəlcədən mövzu, modul və kurs üzrə zəruri
informasiya resurslarının ünvanını dəqiqləşdirməli,onları tələbələrə müəyyən vasitə ilə
çatdırmalıdır.
3. İlkin müəllim hazırlığınin DT forması. İlkin müəllim hazırlığı DT forması (keys
texnologiyası əsasında) əyani və qiyabi təhsildə DT texnologiyalarından istifadəyə nisbətən
daha çətindir. Çünki bu halda əvvəlkindən fərqli olaraq , tədris planında olan bütün kurslar
üçün ( (keys texnologiyasının tələblərinə uyğun olaraq) tədris-praktik materiallar (mühazirə,
seminar, laboratoriya işi, pedaqoji təcrübə və s.) hazırlanmalıdır, başqa sözlə bu variantda
təhsil tam distant formada təşkil edilir.Müəllimlə tələbənin əyani ünsiyyəti yalnız imtahan
ərəfəsində baş tutur. Təbii ki, bu qədər material külliyatının hazırlanması (hətta çap materialı
formasında olsa belə) xeyli vaxt və resurs tələb edir. Çünkü bu materiallar ənənəvi dərslik və
dərs vəsaitlərindəki materiallardan formaca, strukturca, məzmunca da fərqlənir. DT
formasında tədrisi təşkil etmək üçün tədris prosesi ilə əlaqədar bütün hüquqi-normativ
sənədlər, əsasnamələr yenidən işlənilməlidir. İmkan daxilində ayrı-ayrı kurslar və modullar
üzrə elektron dərsliklər, tədris audio-video materialları, elektron kitabxana (İnternetdə
azərbaycan dilində tədris metodik resurslar) yaradılmalı, tədris prosesinə cəlb edilən bütün
müəllimlər kateqoryalara bölünərək (tədris materialı tərtib edən müəllimlər və tədris prosesini
idarə edən tütor-müəllimlər) xüsusi hazırlıq kursu keçməli, ilkin təcrübə toplamalıdırlar.
Bütün bunlar üçün maliyyə, vaxt,kadr resursları lazımdır. İlk mərhələdə bu işlər
tamamlandıqdan sonra, bu baza əsasında (müəllim hazırlığı məqsədi ilə) DT-nin digər
texnologiyaları da tədricən hazırlanıb tətbiq edilə bilər.
Digər tərəfdən tədris hissəsi və kafedraların köməyi ilə, qabaqcıl müəllimlərin ayrı-
ayrı kurslar üzrə icmal mühazirələri, seriya şəklində video kassetlərə yazılmalıdır. Analoji iş
TƏHSİLİN İNFORMATLAŞMASININ NƏZƏRİ VƏ METODOLOJİ MƏSƏLƏLƏRİ
Təhsildə İKT
50
eyni zamanda audio kassetlərdə də hazırlanmalıdır. Daha sonra bütün bu materiallar xüsusi
keys formasında tələbələrə təqdim edilməlidir.
Hazırlanmış tədris- praktik materialların bir qismi (mühazirə materialları və yoxlayıcı
testlər v.s.) elektron variantda hazırlanmalı,İnternetdə yerləşdirilməlidir. Bu məqsədlə
müəllim hazırlayan pedaqoji tədris müəssisələrinin hər birinin İnternetdə xüsusi saytı açılmalı
və bu saytın müəyyən hissəsi DT-yə həsr edilməlidir ( burada tədris metodik materiallar, DT
haqqında ümumi məlumat, normativ sənədlər v.s. informasiya yerləşə bilər). Daha sonra bu
saytların ümumi bir portalda birləşdirilməsi məqsədəuyğundur. Bu portalda xüsusi pedaqoji
elektron kitabxananın da olması zəruridir. Tələbələrin pedaqoji təcrübəsini səmərəli təşkil
etmək üçün portalda qabaqcıl müəllimlərin iş təcrübəsini əks etdirən virtual metodik kabinet
də yaradıla bilər. Bütün bu prosesləri (İnternet vasitəsi ilə tədris materiallarının tələbələrə
göndərilməsi, tələbələrin biliklərinin test vasitəsi ilə qiymətləndirilməsi, nəticələrin statistik
işlənilməsi, bu nəticələrdən ibarət verilənlər bankının yaradılması) və digər zəruri
informasiyaları emal etmək məqsədi ilə xüsusi proqram külliyatının yaradılması, sınaqdan
çıxarılması və universitetlərin serverlərində yerləşdirilməsi mühüm məsələlərdəndir.İlkin
olaraq bu tədbirlərin hazırlanması, həyata keçirilməsi müəllim hazırlığını DT formasında
(keys texnologiyası əsasında) həyata keçirməyə imkan verə bilər.
Müəllimlərin yenidənhazırlanması və ixtisasartırlmasında DT keys texnologiyası.
Ümumiyyətlə yenidənhazırlanma və ixtisasartırma kursları şəraitində DT texnologiyalarının
tətbiqi yaxşı səmərə verə bilər. Çünki, bu kateqoriya öyrəncilərin dünyagörüşü, həyat və peşə
təcrübəsi, müstəqil işləmək vərdişləri, peşə seçimində qətiyyət və məsuliyyəti, ilkin müəllim
hazırlığına cəlb edilmiş tələbə kateqoriyasına nisbətən daha yüksəkdir. Yenidənhazırlanma və
ixtisasartırma kursları şəraitində DT texnologiyalarının tətbiqi bu sistemdə oxuyan
müdavimlər üçün çox əlverışlidir,onlar ailələrindən, yaşadığı bölgədən, əmək fəaliyyətindən
ayrılmadan, əlavə xərclər çəkmədən, rahat şəkildə öz həyat ahəngini pozmadan keyfiyyətli
təhsil ala bilərlər.
Müəllimlərin yenidən hazirlanmasını tam distant formada həyata keçirmək
mümkündür. Bu iş bir cox cəhətdən ilkin müəllim hazırlığında tətbiq edilən DT formasına
uyğun həyata keçirilə bilər. Təşkilati baxımdan uyğunluq çox olsa da, məzmun baxımdan
müəyyən fərqlər özünü göstərə bilər. Belə ki, öyrənilən materialların məzmununda,
strukturunda müəyyən fərqlər özünü göstərə bilər. Digər tərəfdən burda müdavim şüurlu
şəkildə, öz professional ehtiyaclarına uyğun olaraq, fərdi tədris planı (fərdi təhsil
Dostları ilə paylaş: |