GİRİŞ
Ölkənin xidmət-ticarət sisteminin səmərəli fəaliyyətində və qeyri-neft sektorunda artımın
təmin olunmasında nəqliyyat-tranzit sektorunun rəqabət qabiliyyətinin artırılması mühüm rol
oynayır. Belə ki, Azərbaycan beynəlxalq tranzit nəqliyyat dəhlizinin kəsişməsində yerləşir.
Eyni zamanda nəqliyyat-tranzit sektoru multiplikativ effektə malikdir və o, digər sahələrin
inkişafına əhəmiyyətli dərəcədə təsir edə bilər. Hər il qeyri-neft sektorunda artımın orta
hesabla 20%-dən çoxu nəqliyyatın, o cümlədən təxminən 60%-i qeyri-neft sektoru üzrə
yükdaşımaların payına düşür (5). Nəqliyyat-tranzit sektorunun inkişafı üçün demək olar ki,
əlverişli infrastruktur yaradılmışdır. Nəqliyyat-tranzit şəbəkəsinin 90%-dən çoxu regionları
əhatə etdiyindən, bu sektorun canlandırılması regionların sosial-iqtisadi inkişaf proqramında
nəzərdə tutulan tədbirlərin həyata keçirilməsinə mühüm töhfə verə bilər.
Nəqliyyat xidmətləri bazarı məhdud ölçüyə malik olduğundan, milli şirkətlər yalnız yerli
tranzit xidmətləri bazarında iştirak edir. Nəqliyyat-tranzit sektorunun rəqabət qabiliyyətinin
yüksəldilməsi hesabına ölkə iqtisadiyyatında infrastrukturun yenidən qurulması, məşğulluq və
gəlirlərin səviyyəsinin artırılması, regional inkişafın dəstəklənməsi və s. kimi məsələlər həll
edilir.
Rəqabət qabiliyyətinin artırılması qeyri-neft sahələrinin perspektiv inkişafının əsas
vasitələrindən biri kimi çıxış etməklə, ölkədə ümumi işgüzar fəaliyyətin canlandırılmasında,
iqtisadi səmərəliliyin yüksəldilməsində, bütövlükdə isə, rəqabət qabiliyyətli milli iqtisadiyyatın
formalaşdırılmasında mühüm rol oynayır. Bu baxımdan, nəqliyyat-tranzit xidmətlərinin
rəqabət qabiliyyətinin yüksəldilməsi və bu sektorun rəqabət qabiliyyətinin artırılması mühüm
əhəmiyyət kəsb edir.
Ölkə iqtisadiyyatında mühüm məsələlərdən biri xüsusilə qeyri-neft sektoru üzrə ticarətin
inkişaf etdirilməsi, beynəlxalq nəqliyyat xidmətləri bazarında iştirak etmək və bunun üçün
müasir nəqliyyat xidmətlərindən istifadə etməklə onun rəqabət qabiliyyətinin artırılmasıdır.
Tranzit nəqliyyat xidmətlərindən istifadə edilməsi zamanı xidmətin faydalılığı nəzərə
alınmaqla qərarlar qəbul edilir. Belə qərarların qəbul edilməsində istifadə edilən mühüm
göstəricilərdən biri nəqliyyat xidmətlərinin səviyyəsinin keyfiyyətidirsə, digəri bu zaman
xidmətin dəyərinin aşağı olmasıdır.
Rəqabət qabiliyyətinin artırılmasının mühüm əhəmiyyəti ondan ibarətdir ki, bu zaman
həm ölkədaxili sahələrin inkişafı təmin olunur və həm də ölkənin aparıcı tranzit şəbəkəsinə
çevrilməsinə imkan yaranır. Rəqabətqabiliyyətli nəqliyyat şəbəkəsinin mövcud olması ölkənin
nəqliyyat xidmətlərinin ixracına da müsbət təsir edir ki, bu da xüsusilə ixracın
diversifikasiyasına imkan verir. Eyni zamanda iqtisadiyyatın davamlı inkişaf tələbatının
ödənilməsi nəqliyyat-tranzit şəbəkəsinin inkişaf etdirilməsini tələb edir.
Belə şəraitdə nəqliyyat-tranzit sektorunun rəqabət qabiliyytinin artırılması hesabına
istehsal və sosial infrastrukturdan səmərəli istifadə edilməsinə və bununla da mövcud
potensialın “istehsal-xidmət-ticarət” şəbəkəsinə cəlb edilməsinə və onun fasiləsizliyinə nail
olmaq olar.
Qeyd etmək lazımdır ki, xarici ölkələrin mütəxəssisləri tərəfindən rəbaqəbt qabiliyyətinin
qiymətləndirilməsi və onun artırılmasına dair müxtəlif metodlar işlənib hazırlanmışdır. Lakin
bu modellərin araşdırılması və Azərbaycanda tətbiqi məsələlərinin öyrənilməsi ilə əlaqədar
tədqiqatlar aparılmamışdır. Layihə çərçivəsində ölkənin nəqliyyat-tranzit potensialının
qiymətləndirilməsi, bu potensialın xidmət dövriyyəsinə cəlb edilməsi və mövcud
infrastrukturdan istifadənin səmərəliliyinin artırılması yolları müəyyən edilir.
İqtisadiyyatın qloballaşması imkanlarının ildən-ilə artması və eləcə də qeyri-ticari s
ektorun davamlı inkişafı həm ölkə daxili və həm də ölkələrarası rəqabət mühitinin
güclənməsinə səbəb olmuşdur. Xüsusilə müasir bazar iqtisadiyyatının inkişaf etməsi şəraitində
nəqliyyat sistemində davamlı və dinamik inkişafın təmin olunması hər bir ölkənin sosial-
iqtisadi siyasətinin strateji istiqamətlərindən birinə çevrilmişdir. Bunun nəticəsində istehsala
xidmət edən və milli iqtisadiyyatın infrastruktur tərkibinə daxil olan nəqliyyat-tranzit
sistemində rəqabət mühütinin gücləndirilməsinin müəyyən edilməsi məsələlərinin tədqiqinin
mühüm elmi və praktiki əhəmiyyəti vardır.
Eyni zamanda, nəqliyyat-tranzit sektorunun rəqabət qabiliyyətinin artırılması ilə əlaqədar
məsələlərin aktuallığını müəyyən edən əsas amillərdən biri də, son illərdə ölkədə neft strategi-
yasının uğurla reallaşdırılması nəticəsində ölkənin beynəlxalq tranzit şəbəkəsinə qoşulması ilə
bağlıdır. Belə ki, ölkə əlverişli quru və su tranzit nəqliyyat şəbəkəsinin kəsişməsində yerləşir.
Tərəfdaş ölkələrdə artan tələb ticarət sisteminin inkişaf etdirilməsini tələb edir ki, bu da
rəqabət qabiliyyətli tranzit xidmət şəbəkəsinin yaradılmasını zəririliyini artırır. Belə şəraitdə,
nəqliyyat-tranzit sektorunun rəqabət qabiliyyətinin artırılması və bu istiqamətdə müvafiq
tədbirlərin həyata keçirilməsinin mühüm praktiki əhəmiyyəti olur. Çünki, nəqliyyat sektorunda
rəqabət qabiliyyətinin artırılması iqtisadi cəhətdən faydalı nəqliyyat xidmət sisteminin
formalaşdırılması ilə əlaqədardır. Bu da səmərəli ticarət və infrastruktur sahələrinin seçilməsini
müəyyən edən əsas amillərdir.
Rəqabət qabiliyyətinin artırılmasının praktiki əhəmiyyəti həm də özəl şirkətlərin ticarət-
tranzit fəaliyyətinin genişləndirilməsi zəruriliyi ilə də müəyyən edilir. Araşdırmalar göstərir ki,
tranzit nəqliyyat xidmətlərinin həyata keçirilməsində yerli özəl şirkətlər məhdud sayda iştirak
edirlər (7, səh122). Belə şəraitdə, nəqliyyat sektorunun tranzit potensialının müəyyən edilməsi
və həmçinin onun rəqabət qabiliyyətinin artırtılması ilə əlaqədar tədqiqat işinin nəticələrindən
özəl sektorda nəqliyyat-tranzit şəbəkəsinin inkişaf etdirilməsi zamanı tədbirlərin hazırlanması
və əsaslandırılmasında da istifadə edilə bilər.
Beləliklə, qeyd edilənlər ölkədə nəqliyyat-tranzit sektorunun rəqabət qabiliyyətinin
artırılması zamanı mövcud potensialın qiymətləndirilməsi və iqtisadi dövriyyəyə cəlb edilməsi
sahəsində tədqiqatların aparılmasının aktual olduğunu və nəqliyyat sisteminin inkişaf
etdirilməsi ilə əlaqədar səmərəli qərarların verilməsi üçün mühüm əhəmiyyət kəsb etdiyini
göstərir.
Tədqiqat işinin məqsədi ölkənin coğrafi baxımdan malik olduğu tranzit potensialından
daha səmərəli faydalanmağa, rəqabətqablilliyyətli nəqliyyat sektorunun yaradılmasına mane
olan problemlərin və bu problemllərin həll yollarının müəyyən edilməsindən ibarətdir.
Layihə çərçivəsində aparılacaq təhlillər və qiymətləndirmələr aşağıdakılara imkan
verəcək;
Azərbaycan şəraitində nəqliyyat-tranzit sektorunun mövcud potensialı və onun beynəlxalq
nəqliyyat xidmətləri bazarına çıxış imkanları kəmiyyətcə qiymətləndiriləcək.
Nəqliyyat-tranzit sektorunun rəqabət qabiliyyətinə təsir edən əsas amillər qrupunun payı
kəmiyyətcə qiymətləndiriləcək.
Nəqliyyat-tranzit sektorunun xarici ticarət dövriyyəsi ilə əlaqəsi modelləşdiriləcək.
Nəqliyyat xidmətlərinin ixracının artması hesabına bu sektorun inkişaf səviyyəsi
qiymətləndiriləcək.
Bu sektorunun rəqabət qabiliyyətinin ölçülməsi və onun yüksəldilməsi yolları üzrə təklif
və tövsiyələr irəli sürüləcək.