səmərəli deyildir. Ona görə də, bu xidmət bazarına çıxmaq üçün təxminən 10-a yaxın
nəqliyyat
vasitəsi əldə edilməlidir.
Digər hüquqi məhdudiyyət kimi lisenziyalaşdırma çıxış edir. Bu məhdudiyyətin aradan
qaldırılması tərəfdaş ölkələrə yükdaşıma xidmətlərinin göstərilməsində rəqabət üstünlüyü
yaradır. Yükdaşıma xidmətlərinin inkişafı məhz bazar institutlarının mövcudluq səviyyəsindən
əhəmiyyətli dərəcədə asılıdır. Eyni zamanda daxili xidmət sferasında və kənar xidmətlərin
təmin edilməsində əlavə və yardımçı yanacaq təmin etmək imkanları Azərbaycan nəqliyyat-
tranzit sistemi üçün geniş rəqabət üstünlüyü yaradır.
Təcrübədə yük daşıma müəssisələrinin inkişafı və istehlakçılarının sayının artması üçün
birbaşa təsir imkanlarından istifadə edilir. Nəticədə istehlakçılar daimi olaraq qalırlar və yalnız
əlavə isteehlakçılar meydana gəlirlər. Hazırki vaxtda yükdaşıma xidmətləri göstərən
müəssisələrin maddi-texniki təchizatı və ona çıxış imkanlarının genişləndirilməsi üzərində işlər
davam etdirilir. Bu məqəsdlə iri beynəlxalq terminallar tikilir. Elektron kommunikasiya, yeni
texnologiya və innovasiyanın bölüşdürülməsi yükdaşıma nəqliyyat sektoru üçün onların
fəaliyyətinə təsir etməyə imkan verir.
Firma səviyyəli faktorlar.
Nəqliyyat xidmətlərinin rəqabət üstünlüyünə təsir edən firma səviyyəli amil kimi qeyri-
maddi amillər çıxış edir. Maddi resursların təhlili göstərir ki, nəqliyyat vasitələri parkının
likvidləşdirilməsi və genişləndirilməsi xidmətlərin rəqabət üstünlüyünə əhəmiyyətli təsir edir.
Beynəlxalq nəqliyyat xidmətləri sferasına çıxmaq üçün nəqliyyat vasitələri parkının ildə 20%-
nin təzələnməsinə ehtiyac vardır. Çünki bu məhdudiyyət müəssisələrin yükdaşıma xidmətlərini
məhdudlaşdıran əsas amildir. Statistik məlumatlardan göründüyü kimi, nəqliyyat xidmətlərinin
keyfiyyətinin və rəqabət üstünlüyünün qiymətləndirilməsi zamanı kriteriya müəssisələr üzrə
müxtəlifdir. Respondentlərə bu kriteriyaları 5 ballıq şkala üzrə qiymətləndirmək tapşırılmışdır.
Gördüyümüz kimi, etibar və təhlükəsizlik əsas amil kimi və rəqabət üstünlüyü kriteryiyası
kimi qiymətləndirilmişdir. Lakin təhlükəsizlik müştəri üçün ən yüksək qiymətləndirilmişdir (5
bənddən 4,78), daha sonra etibarlılıq (4,69) və bütün problemlərin həllinə təminat kimi inam
(4,61) əhəmiyyətli rola malikdir. Müəssisələrin ölçüsünə uyğun olaraq bu məlumatların təhlili
göstərir ki, orta müəssisələrdə etibar əsas vacib kriteriyadır (4,8 bal). Operativlik və
kommunikasiya isə iri müəssisələr üçün vacib şərtdir (4,43 bal). Onlar yükdaşıma xidmətləri
göstərən müəssisələrin əməkdaşlarının komponentliyini də yüksək qiymətləndirirlər (4,5 bal).
Müəssisələrin ixtisaslaşma səviyyəsinə uyğun olaraq bu məlumatların təhlili göstərir ki, şəxsi
nəqliyyat vasitələri hesabına xidmət göstərən müəssisələr təhlükəsiz daşıma xidmətlərində
birinci yerdə olmalıdır (4,8 bal). Daşıma xidməti göstərənlər üçün ümid və etibar da vacib
amillərdəndir (4,71 və 4,5 bal).
Müəssisələrin ekspeditor xidmətləri orta göstəricilərdən bir qədər fərqlənir. Ödəmə
qabiliyyətliyi və təhlükəsizlik onlar üçün daha vacibdir. Müəssisələrin logistika xidməti öz
müştəriləri üçün bütün keyfiyyət aspektlərini özündə təcəssüm etdirməlidirlər. Maddi aktivlər
(3,73) istisna olmaqla demək olar ki, bütün kriteriyalar vacib amil kimi qeyd edilmişdir.
Nəqliyyat xidməti göstərən müəssisələr üçün əsas problemlərdən biri də əməkdaşlarda
profesionallığın aşağı olmasıdır ki, bu da təcrübəli sürücülərin MDB ölkələrinə miqrasiya
etmələri ilə bağlıdır. İşçilərin profesionallığı ilə yanaşı, müəssisələrin texniki göstəriciləri
(nəqliyyat kommunikasiyası üzrə biliklər, infrasdstruktur, əlavə dəyər yaratmaq imkanları və s)
nəqliyyat xidməti göstərən müəssisələr üçün problem olaraq qalır. Xidmətlər bazarında
kommunikasiya imkanları qənaətbəxş vəziyyətdə deyil və neqativ olaraq qalmaqdadır.
3.7. Sahələrin aralıq istehlakında nəqliyyatın payı (sahələrarası balans)
Sahələrarası balansın təhlili göstərir ki, nəqliyyat sektoru digər sahələrin aralıq
istehlakında əhəmiyyətli paya malikdir.
Cədvəl 3.4-dən göründüyü kimi, idxalın 0.4%-i, ixracın isə 1.5%-i nəqliyyat
xidmətlərinin payı hesabına formalaşır. Eyni zamanda ümumi aralıq istehlakın isə 4.3%-ni
nəqliyyat xidmətləri xərci təşkil etmişdir.
Cədvəl 3.4. Sahələr üzrə aralıq istehlakda nəqliyyatın payı, %
Kənd təsərrüfatı, ovçuluq və meşəçilik
4,26
Balıqçılıq
11,69
Qida sənayesi
1,55
Toxuculuq sənayesi
7,96
Qeyri-metal mineral məmulatların istehsalı
9,88
Metalurgiya sənayesi
4,04
Tikinti
3,50
Ticarət
2,77
Mehmanxana və restoranlar
8,11
Poct və rabitə
2,09
Maliyyə vasitəçiliyi, sığorta və pensiya təminatı
11,77
Daşınmaz əmlakla əlaqədar fəaliyyət, icarə və digər kommersiya fəaliyyəti
5,61
Təhsil
5,06
Səhiyyə və sosial xidmətlər sahəsində fəaliyyət
1,20
Kommunal və sair xidmətlər sahəsində fəaliyyət
5,99
Ev təsərrüfatlarının son istehlak xərcləri
13,61
İxrac
1,48
İdxal
0,40
Əsas qiymətlərlə cəmi istifadə edilmiş yerli məhsul
5,85
Beləliklə, nəqliyyat xidmətləri üzrə məsrəflərin artması bu sahələrdə istehlak xərclərini
artırmaqla həmin sahələrin qiymət baxımından rəqabət qabiliyyətinə təsir edir.