43
Kalsium defisiti – Hipokalsiemiya. Normada kalsiumun qan zərdabında
səviyyəsinin 8,5 mq%-dan az və ya 4.2 mekv/l olmamalıdır. Hipokalsiemiya
yorğunluq, əzələ zəifliyi, bəzi əzələlərdə qıc olma, səciyyəvi olaraq ağız ətrafında,
biləklərdə və ayaqlarda olan keyimə və batıcı hisslərlə təzahür edir. Ağır hallarda
qıcolmalar, əzələlərin hipertonusu, hamar əzələlərin spazmı, o cümlədən
larinqospazm müşahidə olunur.
Kəskin hipokalsiemiya simptomları əmələ gəldikdə 10 dəqiqə ərzində
venadaxili 2q kalsium qlükonat (180 mq elementar kalsium və ya 20 ml 10% kalsium
qlükonat məhlulu) yeridilməli, sonra isə 4-6 saat ərzində venadaxili 6q kalsium
qlükonat (500 ml 5% dekstroza məhlulunda) təyin edilməlidir. Tədricən venadaxili
üsuldan peroral üsula keçmək lazımdır. Peroral olaraq preparatın ilkin dozası 1-2 q
olmaqla gündə 3 dəfə qəbul edilir. Uzun müddətli müalicə zamanı adətən doza 0,5-
1,0 q olmaqla peros gündə üç dəfə təşkil edir.
Hipokalsiemiyanın müalicəsi zamanı paralel olaraq hipokaliemiyanın
müalicəsi də aparılmalıdır.
Zərdabda kalsiumun sıxlığını qiymətləndirərkən albuminin səviyyəsinin aşağı
olmasına da nəzarət etmək lazımdır. Zərdabda albuminin səviyyəsi 4,0 q/ 100 ml-dan
az olsa, zərdab kalsiumun ümumi səviyyəsini normaya çatdırmaq üçün ölçülmüş
həcmdə çatışmayan hər bir qram albuminə 0,8mq/100ml kalsium əlavə edirlər.
Qan zərdabında kalsiumun səviyyəsi 7.8-8.4 mg/100ml olarsa, bərpa üçün 500
mq 3 dəfəyə verilərək səviyyəyə nəzarət hər ay aparılmalıdır. Kalsiumun miqdarı
7.0-7.4 mq/100ml olarsa 1000 mq gündə 3 dəfə verilməli və zərdabda səviyyəyə
nəzarət 1-2 həftə ərzində aparılmalıdır. Ciddi hallarda kalsiumun miqdarı 7.0 mq/100
ml –dən az olarsa gündəlik nəzərdə tutulan peros doza (1000 mq x3) 3 dəfə
azaldılmalı və preparatlar vena daxili yeridilərək qan zərdabındakı səviyyəyə nəzarət
1-4 gün müddətində aparılmalıdır.
Hipokaliemiya və hipomaqnemiya müalicəsində kalium qoruyan diuretiklərin
istifadəsi vacibdir. Bəzi diuretiklər (amilorid 5-10 mq gündə; spironolakton 25-50 mq
gündə) kalium və maqniumun böyrəklə bədəndən ifrazını azaldır. Kalium qoruyan
diuretiklərin
yanaşı təsirlərinə: sidiyə getmənin artması, dehidratasiya,
ginekomastiya, mədə-bağırsaq traktının qıcıqlanması və s. aiddir. Elektrolitlərin
səviyyəsinə nəzarət və onların itkisinin bərpa edilməsi inyeksion terapiya (intensiv
fazasında) aparılan müddətdə davam etdirilməlidir. Elektrolit pozuntuları adətən
onları törədən inyeksion dərman vasitələri dayandırıldıqda aradan götürülür.
Dərmanın qəbulunun dayandırılmasından sonra elektrolit pozuntusu qaldığı halda
başqa səbəbləri axtarmaq lazımdır.
44
Yadda saxlamaq lazımdır ki, qan zərdabında kaliumun səviyyəsi aşağı olması
qan zərdabında maqneziumun və kalsiumun səviyyəsinin təyini üçün bir xəbərdalıq
sayılır. Elektrolitlərin bərpası zamanı əsas üstünlük peros qəbuluna verilir (kalium
xlorid, kalium normin, rehidron).
Hipotireoz. Hipoterioz ən çox PASK, Etioniamid, protinamiddən sonra baş
verir. Ən çox birgə təyinatda müşahidə olunur. Qalxanvari vəzin hormonlarının
defisiti yüngül simptomlardan (quru öskürək, yorğunluq hissi, yuxuluq) başlayaraq
daha qabarıq (üşütmə, dərinin quruluğu, saçların sınması, qəbizlik, udqunma zamanı
diskomfort) simptomlara qədər təzahür edə bilər. Bəzi hallarda isə depressiya və
psixozlarla müşahidə oluna bilər. Müayinə zamanı qalxanvari vəzin böyüməsi və
vətər reflekslərinin ləngiməsi müəyyən edilir. İlkin hipotirioz diaqnozu qan
zərdabında tireotrop hormonunun (hipofizin qalxanvari vəzin hormonlarının ifrazını
gücləndirən hormon) səviyyəsi 10,0 ME/ml-dən artıq olduqda təsdiqlənir və trioksin
təyin olunur. Qalxanvari vəzin funksiyasına nəzarət müntəzəm olaraq aparılmalıdır.
Tioamidlər qalxanvarı vəzdə hormonların sintezini zəiflədir. Hipotiriozun
digər səbəblərinə yod çatışmazlığı, bəzi digər preparatların qəbulu (litium,
amiodaron), əvvəllər yod izotopları ilə aparılan müalicə, hamiləlik zamanı
qalxanvari vəzin disfunksiyası, Xoşimoto xəstəliyi aiddir.
Hipotireozun səbəblərini aydınlaşdırdıqdan sonra levotiroksini təyin etmək
lazımdır. Preparat minimal dozadan başlayaraq –triotrop hormonun 10 ME/ml
səviyyəsinə çatana qədər təyin olunur. Spesifik dərmanların qəbulu ilə bağlı olan
hipotireoza yaxşı nəzarət olunur tiamidlərin (Eth, Pth) və PASK -ın dayandırılmasını
tələb etmir. Qalxanvari vəzin disfunksiyası vərəmin müalicəsinin kursu başa çatan
kimi aradan qalxır. Hormon əvəzedici terapiya ümumi qayda ilə aparılır və müalicə
bitdikdən bir neçə ay sonra dayandırılır.
Qastrit və ya mədə-bağırsaq sisteminin çatmazlıqları ən çox PASK, ETO,
İ, E, CFZ, Z, imipenen, delamanid, bedaquilindən sonra baş verir. Vərəm əleyhinə
preparatların peroral təyini ağız boşluğunun və mədə-bağırsaq sisteminin selikli
qişasının zədələnməsinə səbəb ola bilir. Belə reaksiyalar ən çox PAST, etionamid,
protionamid kimi toksiki təsirli preparatların qəbulu zamanı baş verir. Mədə şirəsi
sekresiyasının kimyəvi tərkibini etionamid və protionamid pozur, PAST-ın Na duzu
xlorid turşusunu neytrallaşdırır. Bu zaman mədənin selikli qişasını qıcıqlandıran
təmiz PAST-su yaranır. PAST-ın uzun müddətli və düzgün olmayan şəraitdə
saxlanılması zamanı meta-aminofenol qarışığının yaranması baş verir ki, bu da
selikli qişanın əlavə zədələnməsinə gətirib çıxarır. Bir sıra tədqiqatlar klaritromisinin
mədə-bağırsaq sisteminə neqativ təsirini də aydınlaşdırmışlar.