FƏS L 1. AQRAR SEKTORUN NK ŞAFININ NƏZƏR -METODOLOJ
Ə
SASLARI
1.1 Milli iqtisadiyyatın davamlı inkişafının təmin edilməsində aqrar sektorun
rolu və bu sahədə bazar münasibətlərinin formalaşdırılmasının iqtisadi
məzmunu
Aqrar sahə və onun tənzimlənməsinin hüquqi və iqtisadi mexanizmi mürəkkəb
iqtisadi münasibətləri əhatə etdiyindən yaranma prosesi və inkişaf mərhələlərinə
nəzər salınmasının, onun nəzəri əsaslarının hərtərəfli öyrənilməsinin olduqca mühüm
elmi və praktiki əhəmiyyəti vardır. Tədqiqatlar göstərir ki, bazarın öz ilkin və
məhdud sərhədlərini aşması istehsal münasibətlərinin dəyişməsinin təsiri altında baş
vermişdir. Problemə qlobal aspektlərdən yanaşaraq belə qənaətə gəlmək olar ki,
bazarın ilkin rüşeymləri erkən sinifli cəmiyyətin yaranmasına və ictimai əmək
bölgüsü- nün formalaşmasına təsadüf etmişdir. Lakin bütün bunlar heç də o demək
deyildir ki, bazar məhz erkən sinifli cəmiyyətdə formalaşaraq iqtisadiyyatın səmərəli
və işlək mexanizminə çevrilmişdir. Bazarın formalaşma dövrünün başa çatması tarix
etibarı ilə XVII əsrin ortalarına təsadüf edir. Həmin dövrdə bazarın formalaşması
üçün zəruri olan tarixi ilkin şərait və zəruri infrastruktur, iqtisadi sistemin dominant
qanunları və hakimiyyəti altında artıq yaranmışdı. Dünya dövlətlərinin təcrübəsi
göstərir ki, postsosialist iqtisadiyyatında səmərəli və balanslaşdırılmış bazar
münasibətlərinin formalaşması və fəaliyyəti aşağıdakı meyarlarla şərtlənir: - ilk
növbədə plüralizminin yaradılması, azad rəqabətin və iqtisadi müstəqilliyin hakim
mövqe tutması; - sərbəst qiymətqoyma mexanizminin formalaşdırılması, qiymətlərin
istehsalçı və istehlakçı arasında qarşılıqlı razılaşmalar nəticəsində formalaş- ması; -
maddi, əmək və maliyyə resurslarının sərbəst hərəkətinin təmin olunması; - bazar
infrastrukturlarının səmərəli fəaliyyətinin təmin olunması; - iqtisadiyyatın bazar və
qeyri- bazar sektorları arasında saxlanıImasında dövlətin təsir və tənzimlənmə
vasitələrinə malik olması; - milli iqtisadiyyatın beynəlxalq iqtisadi münasibətlərə
səmərəli inteqrasiya olunması; - cəmiyyətin bütün üzvlərinə dövlət tərəfindən zəruri
sosial təminatların yaradılması. Dünya təcrübəsi göstərir ki, iqtisadiyyatda səmərəli
və çevik aqrar bazarın formalaşdırılması dövlətin kənd ləsərrüfatı və ərzaq
məhsullarına olan tələbatının xüsusi mənbələr hesabına ödənilməsinə imkan verir.
qtisadiyyatda inkişaf etmiş aqrar bazarın formalaşdırılması aqrar sahənin mövcud
vəziyyətindən əhəmiyyətli dərəcədə asılıdır. Bu amil isə bilavasitə onunla şərtlənir ki,
bazarın maddi əsasını istehsal təşkil edir. Odur ki, aqrar bazarın formalaşdırılması və
səmərəliliyinin yüksək olması da iqtisadiyyatın aqrar
Bu baxımdan aqrar sektor fəaliyyətləri və bu sektorla baglı dövlət siyasətinin
nəzəri əsaslarının inkişaf istiqamətlərini araşdıran zaman ilk rast gəldiyimiz sistemli
nəzəriyyə merkantilizmdir. Sənaye kapitalizminə qədərki dövrün iqtisadi nəzəriyyə
və siyasi doktrinalarından biri, əsas prinsipləri qızıl və gümüsün sərvətin əsas
mənbəyi sayılması, ixracatın artırılması zəruriliyi, iqtisadiyyata dövlət müdaxiləsinin
müdafiə edilməsi, müstəmləkəçi siyasətin davam etdirilməsi, millətçi siyasət
tədbirlərinə əhəmiyyət verilməsi və əhali artımının təşviq edilməsi olan
merkantilizmin çıxış nöqtəsi xarici ticarət balansında daim müsbət saldo yaratmaqla
ölkə sərvətinin artırılması və bunun üçün lazım olan bütün proteksionist tədbirlərin
görülməsindən ibarətdir. Həmin dövrdə xarici siyasətdə əsasən kənd təsərrüfatı
məhsulları hakim oldugundan bu siyasətin davamı kimi aqrar sektorun himayə
edilməsini də göstərmək mümkündür.
Tarixdə aqrar sektorun iqtisadi düsüncə və dövlət siyasətinin mərkəzində
dayanması isə birbasa fiziokratizmməktəbi ilə bağlıdır və hətta o səviyyədə ki, bu
məktəbə kənd təsərrüfatı fetişizmi adı da verilmişdir. ctimai həyatın tanrı tərəfindən
mövcud olan təbii qanunlarlaidarə olunduğunu, dövlətin bu qanunlara müdaxilə
etməməsini, sadəcə daxili və xarici təhlükəsizliyi təmin edərək bəzi infrastruktur
xidmətlərini göstərməli olduğunu düşünən fiziokratlar hesab edirdilər ki, dəyərin
mənbəyi kənd təsərrüfatıdır, əlavə dəyər yalnız kənd təsərrüfatında yaradılır və buna
görə bu sektor yeganə məhsuldar sektordur, faiz aqrar kapitalın gəliridir, kapital
yalnız aqrar sektora qoyulmalıdır, ixracat yalnız aqrar məhsullara dayanmalıdır,
yeganə məhsuldar sektor aqrar sektor və yeganə məhsuldar sinif kənd təsərrüfatı
istehsalçıları olduğundan dövlət də vergini ancaq bu sektordan toplamalıdır. Əlavə
dəyərin (surplus) yalnız aqrar sektorda yarandığını qeyd edən fiziokratların ən böyük
nümayəndəsi doktor Fransua Kene bu dəyərin siniflər arasında necə
bölüşdürüldüyünü göstərən məshur “ qtisadi Cədvəli” (Tableau Economique) ilə bir
növ iqtisadi analizin də əsasını qoymuşdur.
Adam Smitin məşhur “Millətlərin Sərvəti”(Wealth of Nations) adlı əsərini çap
etdirdiyi 1776-cı ildən meydana gələn klassik iqtisadi məktəb iqtisadiyyata dövlət
müdaxiləsinin minimumlaşdırılması, şəxsi azadlıq, əmək bölgüsü, azad bazar
mexanizmi kimi prinsipləri müdafiə edərək iqtisadi sistemi kompleks şəkildə
öyrənmiş ilk məktəb və sənaye kapitalizminin ideoloji gücü olmuşdur. Aqrar sektorda
renta, torpağın məhsuldarlığı, əmək bölgüsü, istehsal vasitələrinin yeniləşdirilməsi,
ə
halinin ərzaqla təminatı, dövlətin bu sektor fəaliyyətlərinə müdaxilə həddi kimi
məsələləri geniş şərh edən klassik iqtisadçılar sərvətin mənbəyinin yalnız bu sektorda
olmadığını, sənayenin də məhsuldar sektor olduğu fikrini müdafiə etmiş və sənayenin
inkişaf etdirilməsində aqrar sektorun rolu və bu rolun artırılması məsələləri üzərində
dayanmışlar.
Klassik iqtisadi məktəbi tənqid edən cəryanlardan biri, əsasını alman Fridrix
Listin qoyduğu milli iqtisadiyyatcəryanı da aqrar sektor fəaliyyətləri və dövlətin aqrar
siyasəti baxımından öyrənilməsi zəruridir. Həmin dövrdə əsasən aqrar ölkə olan və
hələ sənayeləşə bilməyən ölkələrin klassik iqtisadçıların göstərdiyi azad xarici ticarət
prinsipi əsasında artıq sənayeləşmiş ölkələrlə rəqabət apara bilməyəcəyi fikrini
müdafiəedən bu cərəyan aqrar sektorun və yeni yaranan sənaye müəssisələrinin
sənayeləşmə tam başa çatanadək dövlət tərəfindən xüsusilə yüksək gömrük rüsumları
vasitəsilə qorunmasını irəli sürmüşdür. əlk dəfə olaraq Fridrix List aqrar sektorun bir
sıra özünəməxsus xüsusiyyətlərindən çıxış edərək onun xüsusi himayəyə ehtiyacı
olduğunu da qeyd etmişdir.
Klassik iqtisadi məktəbin davamı kimi, bir növ sənaye kapitalizminin ideoloji
gücünün tamamlanaraq XX əsrə gətirilib çıxarılmasında böyük rol oynayan
Neoklassik iqtisadi məktəb tələb və təklif, rəqabət, inhisarlar, iqtisadi tarazlıq,
istehlakçı psixologiyası, məhsulların faydalılığı kimi əsasən mikroiqtisadi məsələlər
üzərində iqtisadi-riyazi təhlillər apararaq azad bazar iqtisadiyyatının elmi şəkildə
Dostları ilə paylaş: |