| 49. Təbii ehtiyatların istifadəsinin ətraf mühitə təsirini xarakterizə edən göstəricilərin şərhi
Təbii ehtiyatlar – təbiət prosesləri nəticəsində təbii mühitdə yaranan ehtiyatlardır. Təbii ehtiyatlar təcrübi olaraq tükənməyən və tükənən hissələrə bölünürlər. Tükənən ehtiyatlar öz növbəsində bərpa oluna bilən və bərpa oluna bilməyən növlərə bölünürlər. Təbii ehtiyatlardan optimal istifadə edilməsini idarə etmək üçün təbii ehtiyatların keyfiyyəti anlayışı vacib hesab edilir. Təbii ehtiyatların keyfiyyəti – ehtiyatların əsas xarakteristikalarının ictimai və texniki – iqtisadi tələblərə və bir sıra texnoloji tələblərə uyğunluğu səviyyəsi ilə ölçülür.
“İnsan – cəmiyyət – istehsal – təbiət” kimi mürəkkəb sxem üzrə təsərrüfat, rayon, respublika və dünya miqyasında həll olunmalıdır. Buradan belə bir nəticəyə gəlmək olar ki, müasir təsərrüfatçılıq şəraitində təbii ehtiyatlardan istifadə etdikdə, prosesə iqtisadi səmərəlilik baxımından qiymət verməklə yanaşı, onun ekoloji cəhətdən mühafizəsi də nəzərə alınmalıdır. Son bir neçə onilliklər ərzində Azərbaycan dövləti təbiətin qorunması haqqında bir sıra qanun və qərarlar qəbul etmişdir.
Dostları ilə paylaş: |
