41.İstehlak bazarları, yerinə yetirilən iş və xidmətləri xarakterizə edən göstəricilər sistemi və onların mahiyyətinin izahı

41.İstehlak bazarları, yerinə yetirilən iş və xidmətləri xarakterizə edən göstəricilər sistemi və onların mahiyyətinin izahı
İstehlak malları və xidmətlər bazarının nəzəri-metodoloji əsaslarının tədqiqi göstərir ki, o, mürəkkəb bir iqtisadi kateqoriyadır və bütövlükdə əmtəə bazarı sistemində aparıcı yer tutur. İstehlak malları və xidmətləri bazarı mürəkkəb bir sosialiqtisadi sistem olmaqla bütövlükdə əmtəə bazarının formalaşmasının və inkişafının təməlini təşkil edir və məhz istehlak bazarında istehlakçıların, əmtəə istehsalçılarının və ticarət sferasının maraqları uzlaşır. İstehlak malları bazarının problemlərinin elmi yanaşma yolu ilə həlli üçün əmtəə istehsalçılarının ərzaq və qeyri-ərzaq bazarlarının tədqiqini, bazar iqtisadiyyatı şəraitində şaxələnməni (diversifikasiyanı) və rəqabət mühitini, istehlak bazarının idarə edilməsinin təşkilati mexanizmini, topdansatış əmtəə bazarını və mal yeridilişinin idarəetmə sistemlərini, pərakəndəsatış mal bazarını və satışların idarəedilməsini, iaşə və xidmətlər bazarını, istehlak bazarı subyektlərinin bazar şəraitində idarəedilməsini əhatə edən lazımi səviyyədə geniş və sistemli yanaşma tələb olunur.