28
Meksika sahili və Atlantik sahili ovalıqları uzanır. Missisipi çayı ABŞ-da nəhəng
allüvial mənşəli Missisipi ovalığını yaratmışdır. Bu ovalıqda və Meksika körfəzində
zəngin neft və təbii qaz yataqları mövcuddur.
Materikin şərq hissəsində yeganə qədim dağ sistemi Appalaçdır. Onun ən yüksək
zirvəsi Mitçelldir (2037 m). Dağlar güclü parçalanmaya məruz qalmışdır. Burada
zəngin faydalı qazıntı yataqları vardır. Şimali Amerikanın ən nəhəng Appalaç daş
kömür hövzəsi də buradadır. Platformanin sipər (qalxan) hissələrində, Labrador
yarımadasında və Böyük göllərin sahilində dəmir filizi yataqları mövcuddur.
1. Mətndə adları çəkilən coğrafi obyektləri dəftərinizdəki cədvəldə qruplaşdırın, onları fiziki
xəritədə göstərin və kontur xəritədə qeyd edin:
Dağlar
Düzənliklər
...
...
2. Missisipi və Hudzon ovalıqlarını müqayisə edin. Onların 3 ümumi və 3 fərqli cəhətini dəftərinizdə
qeyd edin.
3. Uyğunluğu tapın.
• Böyük Hövzə
Kordilyer dağlarının mərkəzi hissəsində yerləşən yayladır. Yaylaların yerləşdiyi
hissədə Qərbi və Şərqi Kordilyer dağları bir-birindən çox aralıdır. Hövzə hər tərəfdən dağlarla
əhatə olunmuşdur. Bu dağlar rütubətli hava kütlələrinin qarşısını kəsərək, onu yaylaya buraxmır.
Yaylanın səthi bitki örtüyünə görə kasıbdır, ətraf ərazilər yarımsəhranı xatırladır.
Müzakirə edin:
1. Fiziki xəritədə Böyük Hövzəni əhatə
edən silsilələri müəyyən edin.
2. Ərazinin iqliminin formalaşmasında
onu əhatə edən relyefin rolu nədən
ibarətdir?
3. Yaylada bitki örtüyünün zəif olmasının
səbəbini izah edin.
Böyük Hövzə. ABŞ
Mətn və şəkil üzrə iş
Biliklərin tətbiq edilməsi və yoxlanılması
1. Yaşına görə qədim dağlardır.
2. Qayalıq, Sahil və Kaskad silsilələrindən ibarətdir.
3. Materikin şərqində yerləşir.
4. Materikin qərbində yerləşir.
6. Şimali Amerikada ən nəhəng daş kömür yatağı buradadır.
5. Dünyanın ən dərin kanyonu buradadır.
7. Materikin ən hündür dağ zirvəsi buradadır.
Kordilyer
Appalaç
29
• I fəsil •
Relyef və onun təsərrüfata təsiri
•
C
ƏNUBİ AMERİKANIN RELYEFİ
Cənubi Amerika
nın qərbində Sakit okean sahili boyunca dünyanın ən uzun dağ
sistemi olan (təqribən 9000 km) And dağları uzanır. Bu dağlar Karib dənizi sahillə-
rindən Cənubi Amerikanın cənub qurtaracağına qədər davam edir. Odlu Torpaq ada-
ları da And dağlarının davamıdır. Sıra dağlar arasında ensiz dağarası çökəkliklər
yerləşir. Yalnız 20° c.e. dairəsi boyunca sıra dağlar arasında məsafə artır,
geniş pla-
tolar – Altiplano yaranır.
6
Xəritə üzrə iş
Müzakirə edin:
1. Materikin qərb və şərq hissələri üçün hansı relyef forma-
ları səciyyəvidir?
2. Cənubi Amerikanın hansı hissəsi litosfer tavalarının sər-
hədində yerləşir?
3. Cənubi Amerika platformasına hansı düzənliklər uyğun
gəlir?
Qədim platforma
Ən qədim qırışıq zona
Qədim qırışıq zona
Yeni qırışıq zona
Platformanın örtük hissəsi
Cənubi Amerikanın
tektonik xəritə-sxemi
Cənubi Amerikanın
fiziki xəritəsi
Litosfer tavalarının
hərəkət
istiqaməti
Zəlzələ ocaqları
• Altiplano – And dağlarında, Boliviya və Çili sərhədində
yerləşən yüksək yayladır. Burada iqlim quraqdır və ağaclar
yoxdur. Altiplano quraqlığa davamlı bitkilərlə örtülmüşdür.
Müzakirə edin:
– Altiplano yaylası təsərrüfatın hansı sahələrinin inkişaf
etdirilməsi üçün yararlıdır?
Altiplano
Akonkaqua
(6960 m)
Mətn və şəkil üzrə iş
30
And dağları Sakit okean, Naska və Cənubi Amerika litosfer tavalarının sərhə-
dindədir. Bu dağlar yüksək seysmikliyi, zəlzələlərin tez-tez baş verməsi və vulkan-
ların fəallığı ilə fərqlənir. And Sakit okean “odlu halqa”sının bir hissəsi olub
sub-
duksiya zonasında yerləşir.
And dağlarının ən yüksək zirvəsi Akonkaquadır (6960 m). Digər zirvələr – Çim-
boraso və Kotopaxinin də hündürlüyü 6000 m-dən yüksəkdir. Burada dünyanın ən
hündür vulkan zirvəsi Llyulyayako yerləşir. Bu zirvələr dağ buzlaqları ilə örtülmüş-
dür. And dağlarında nəhəng “mis qurşağı” yerləşir. Zəngin mis ehtiyatları burada
yerləşən ölkələrin, əsasən də Çili və Perunun iqtisadiyyatında xüsusi rola malikdir.
Cənubi Amerika materikinin şərq hissəsi platformadır və onun üzərində düzənliklər
yerləşir. Buranın relyefi ovalıqlar, yastı yayla, plato və yüksəkliklərdən ibarətdir. Ama-
zon, La-Plata və Orinoko kimi nəhəng ovalıqların yaranmasında Cənubi Amerikanın
Amazon, Parana və Orinoko çayları böyük rol oynamışdır. Bu alçaq allüvial düzənliklər
hamar relyefə malik olub, Atlantik okeanına tərəf meyillidirlər. Orinoko ovalığı dün-
yanın
zəngin neft, təbii qaz ehtiyatlarının mövcud olduğu ərazilərdən biridir.
Braziliya və Qviana yaylaları qədim dağ sistemlərinin qalıqları olub, denuda-
siyaya məruz qalmışdır. Braziliya yaylası filiz faydalı qazıntıları ilə zəngindir. Bra-
ziliya dövlətinin dəmir filizi ixracatçısı kimi dünyanın ilk onluğuna daxil olması da
bununla əlaqədardır.
Braziliya və Qviana düzənlikləri
üçün uyğun olaraq “Kəllə qənd” və
tepuilər – “masavarı dağlar” kimi
relyef formaları səciyyəvidir. Bu
relyef formaları turistlərin diqqətini
cəlb edir. La-Plata ovalığından cə-
nuba doğru yerləşən ərazi
Pataqo-
niya adlanır. Pataqoniya yüksəklik
və platoların üstünlük təşkil etdiyi
regiondur.
• Subduksiya okean litosfer tava-
sının materik litosfer tavasının
altına batması prosesidir. Belə
batma nəticəsində okean tavası
tərəfində dərinsulu çökəkliklər –
novlar əmələ gəlir. Materik tavası
tərəfdə isə qövsvarı adalar və ya
cavan dağlar yaranır.
– Subduksiya zonasının sxemini
dəftərinizə çəkin (And dağlarını,
litosfer tavalarını
və novu
göstərin).
Sxem üzrə iş
• Tepuilər – 800–1800 m
yüksəkliyə malik
olan ma-
sayabənzər dağlardır. Te-
puilər kimyəvi və fiziki
aşınma, axar suların fəaliy-
yəti ilə yaranmışdır. Əsa-
sən, Venesuela ərazisində
Qviana yaylasında yerləşir.
Tepuilər. Venesuela