%збекстан Республикасы жо3ары 81м орта арна7лы билимлендири7 министрлиги

Temanıń izertleniw jaǵdayı. Ájiniyaz XIX ásir qaraqalpaq poeziyasınıń klassigi, qaraqalpaq ádebiyatın janrlıq jaqtan jańalawda óz úlesin qosqan shayır. Ájiniyaz qosıqların jıynaw 30-jıllarda baslanǵa bolsa, poeziyası boyınsha eń dáslepki izertlewler, maqalalar N. Dáwqaraev, Q. Bayniyazov miynetleri edi. N. Dáwqaraev “Revolyuciyaǵa shekemgi qarqalpaq ádebiyatı tariyxı” miynetinde, Q. Bayniyazov “Qosıqtıń kúshi” (1977) jılǵı miynetide bul haqqında óz pikirlerin keltirip ótedi. Keyin ala Ájiniyaz poeziyası boyınsha qaraqalpaq ádebiyatında Kamal Mámbetov “Ájiniyaz” (1994), Baekesh Qalimbetov “Ájiniyaz lirikası” (1981), Ábdikárim Pirnazarov “Мастерство Ажинияза” (1983), Baxtıyar Genjemuratov “Ájiniyaz lirikasınıń poetikası” (1997) hám Qurbanbay Jarımbetovtıń “Ashıq Ziywar” (1998) ilimiy-teoriyalıq miynetleri baspadan shıqtı.
Jumıstıń maqsеt hám wazıypaları. Kurs jumısımızdıń tiykarǵı maqseti
Ájiniyaz shayırdıń – qaraqalpaq poeziyasında tutqan ornın, onıń shıǵarmalarındaǵı kórkem tillik hám kórkem ózgeshelik máselelerin qarastırıw, Ájiniyaz shıǵarmaların kórkemlik jaqtan tereńnen úyreniw bolıp tabıladı. Usı maqsеtten kelip shıǵıp jumısımızda tómendegi wazıypalardı orınlawdıń zárúrligi tuwıldı:

• 
  Kórkem shıǵarmalarda troplardı analizlew;
  
• 
  Ájiniyaz shayır shıǵarmalarınıń tilin úyreniw;
  
• 
  Troplarǵa hám kórkem súwretlew usıllarına sholıw jasaw;
  
• 
  Ájiniyaz shayırdıń shıǵarmalarınıń kórkemligin ashıp beriw ashıp beriw;
  
• 
  Kórkem tillik jaqtan analiz islew;
  
• 
  Troplardıń shıǵarmalarda xizmetin anıqlaw;
  

Kurs jumısınıń ilimiy hám ámeliy áhmiyeti. Jumısımızda Ájiniyaz shayır dóretiwshiligi tuwralı birqansha maǵlıwmatlar keltirildi. Ádebiyattanıw ilimindegi shıǵarmanıń kórkem tili hám kórkem ózgeshelikleri haqqında pikirlerge tiykarlanıp ilimiy juwmaq shıǵarıldı. Izertlewde toplanǵan teoriyalıq juwmaqlar hám keltirilgen mısallar qaraqalpaq ádebiyattanıw iliminde házirge shekem bar bolǵan ilimiy túsiniklerdi tolıqtırıw, referat hám óz betinshe jumısların jazıwda teoriyalıq derek bolıp, olarǵa ele de keńirek túsinik beriw múmkin.