29
bir çay keçir, amma havası o qədər də xoşəgələn deyil, Bu-
lon meşəsi olmasa, yaşamaq çətinləşər. Geri qayıdanda yaraq-
əsləhə dükanının qənşərində dayandı, xeyli qılınclara, xəncərlərə,
qəmələrə baxdı, birini almaq istəyirdi, amma nədənsə fikrindən
daşındı. Dükandan aralananda qəfildən ayaq saxlayıb üzümə
baxdı, dedi, bura bax, dostum, niyə Parisə oxumağa getməyəsən,
bəlkə mən müsyö Qriqolla danışım? Ayaqlarım yerə yapışdı,
deyəsən, həyəcanımdan dilim-dodağım təpimişdi.
27. Bir neçə kəlmə söz bütün düşüncələrimi elə alt-üst eləmişdi
ki, axşam düşüb, Görgü ağa qulluqdan qayıdanacan özümə
yer tapa bilmədim. Nədənsə ağlıma evimizin xarabalığına baş
çəkmək düşdü. Qaralmış dirəklərin ikisinin yağışdan-küləkdən
yıxıldığını indi gördüm. Az qala, daşlaşmış kösövlərin arasın-
dan yaz otları fışqırıb qalxmışdı. Gözümə anamın yarıyanmış
bir tay başmağı sataşdı, götürüb tozdan-hisdən təmizlədim, göz
yaşlarımı saxlaya bilmədim. Hücrəmdə başmağı təmiz parçaya
büküb yastığımın altına qoydum: əgər burdan getsəydim, mənə
doğmalarımı xatırladan bir şey kimi özümlə aparacaqdım. Bütün
bunları fikirləşsəm də qulağım üst qatdan gələn səslərdəydi,
güman ki, elə bu məqamda taleyim həll olunurdu, gələcəyim
Görgü ağanın bircə kəlməsindən asılıydı. Amma yuxarıdan uzun
müddət səs çıxmadı, yalnız intizardan süst düşüb yatağa uzan-
maq istəyəndə pilləkəndə addım səsləri eşitdim, kürəyimdən
anlaşılmaz gizilti keçdi. Dariya xala dedi, ağa səni çağırır, səsinin
titrəməsindən də kefsiz olduğunu duydum. Görgü ağa, müsyö
Jozef, madam Qrenyö və David salonda oturmuşdular, salam-
kalamdan sonra ağa dedi, oğlum, bilirsən ki, səni bu vaxtacan
öz balalarımdan ayırmamışam, sən də özünü layiqli övlad kimi
göstəribsən. İndi müsyö Qrenyö səni Davidlə Parisə aparmaq
istəyir, həm oxuyarsınız, həm də bir-birinizə göz olarsınız, nə
deyirsən? O məqamda soyuq başla düşünüb-daşınmaq, əlbəttə,
möhkəm iradə istəyirdi, mənsə ancaq bunu deyə bildim: «Ağam,
siz nə məsləhət bilsəniz, qəbulumdu». Vəssalam, hər şey bitdi.
Sonra müsyö Qrenyö əlini kürəyimə vurdu, onda hazırlaş, dedi,
üç-dörd gündən sonra yola çıxacağıq, gəmiyə yetişməliyik». Ma-
dam Qrenyö və Davidsə gülümsəyib başlarını tərpətdilər.
28. Aşağı enəndə Dariya xalanı oturub ağlayan gördüm: as-
30
ta-asta başını yırğalayır, göz yaşları yanaqlarından axır, lampa
işığında sirli yola oxşayırdı. Bu yeddi ildə mehrini yetim oğlana
salmış dərdli qadını mən gedəndən sonra üzləşəcəyi təklik ağla-
dırdı. Boynuma alıram, bəlkə onun mehri olmasaydı, ailəmizin
fəlakətini belə dözümlə qarşılaya bilməzdim. Boynunu qucaqla-
dım, dedim, ömürlük Firəngistanda qalmaq fikrim yoxdu, oxu-
yub qayıdaram, bir qulluğa girərəm, ev tikdirərəm, evlənərəm,
yaşayarıq. Dariya xala gümüş qolbağını ovcuma basdı, dedi,
yanında məni xatırlamağa bir şey olsun, sonra özündən aralayıb
üzümə xeyli baxdı, yenə həmin sözünü dedi: «Səni yol çəkir,
oğul…» Bəlkə də düz deyirdi, nəslimiz çarvadar olmasaydı, yol-
ları əriş-arğac eləməsəydi, səfərə çıxmaq sevdasına düşərdimmi,
bilmirəm. Amma o nəsildə mirzə də olmuşdu, səfərlərə çıxmasa
da, yazı-pozu adamı kimi tanınmışdı, deməli, mənim səfərə çı-
xıb yazı-pozuya baş qoşmağım heç də Allahın təsadüfi deyildi,
bəlkə də zərurətiydi. Bu zərurət qarşısında Görgü ağa da, müsyö
Jozef də, Dariya xala da, elə mən özüm də gücsüzdük, taleyə
yazılanı silə bilməzdik. Bu həqiqəti gərək Züleyxa da anlayaydı,
əgər qəlbində vardımsa, gərək səbirlə oturub yolumu gözləyəydi.
Amma bu səbir məsələsini ona necə anladacaqdım, bunu heç
cür kəsdirə bilmirdim. Şübhəsiz, yolqabağı Ruxsara xalayla vi-
dalaşmağa getməliydim, elə o vaxt da Züleyxanı görməliydim,
qalanı Allahın məsləhətindən asılıydı. Yəqin, xəbəri eşidəndə
münasibətini bir cür bildirəcəkdi. On dörd yaşında olasan,
qəfildən qarşına uzaq, naməlum, macəralar vəd eləyən bir yol
çıxa, bu fürsətdən boyun qaçırarsınızmı? Mən qaçıra bilmədim, o
gecə də yarıyuxulu dənizlər keçdim, yollar yordum, ağlagəlməz
təhlükələri aradan qaldırıb mənzilbaşına çatdım. Onda elə bi-
lirdim, bütün yollar Romaya apardığı kimi, Parisdən də ancaq
Tiflisə qayıda bilərəm. Amma sonralar başa düşdüm ki, ola bil-
sin, hər bir adamın həyatında elə bir kəs peyda olur ki, bundan sonra
dəyişməyə məhkumdu; bu dəyişikliyin mahiyyəti birmənalı olmasa da,
daha əvvəlki adam olmayacağını dərk eləyir...
31
V
YOL VƏ QƏMLİ GÖZLƏRİN HEKAYƏTİ
O qəmlər ki, mənim var, dağları da parçalar,
Amma bir bax səbrimə, dost-düşmən də əl çalar.
Eyn-əl-Qüzat MİYANƏÇİ
(XII yüzil)
29. Tale çox şıltaq şeydi: bəzən başımıza ağlagəlməz oyunlar açır,
bəzən də buraxdığımız səhvləri düzəltmək, həyatımızı yaxşılığa doğru
dəyişmək üçün şərait yaradır, bəzən də heç gözləmədiyimiz şahanə
bəxşiş verir. Mənim Parisə getməyim də belə bir tale bəxşişiydi. O
gedişi yerli-yataqlı danışsam, çox uzun çəkər: hər halda, on
dörd yaşındaydım, üstəlik də sonralar bəzi şeyləri kağıza köçü-
rüb dönə-dönə oxumuşdum. Yəqin, sövqi-təbiiylə nəsə yazmaq
istəyirdim, amma o kağızlarım olan sandığı aclıq ilində İsfahana
qaçan vaxt itirdim. Xülasə kimi, Ruxsara xalagilə, daha doğrusu,
Züleyxayla vidalaşmağa getmədiyimi deyim: Züleyxanın baxışla-
rındakı töhməti görüb sına biləcəyimdən qorxurdum, ola bilsin,
Dariya xalaya dedim, olub-keçəni yetirsin Rübabə xalaya, qalanı
qismətdən asılıydı. Dariya xalayla halal-hümbət eləməyimiz ağır
olmadı, artıq taleyilə barışmış, üç gün ərzində gizli-gizli ağlayıb
toxtamışdı. Davidin vidalaşmağa gələn qohumları seyrələndən
sonra Görgü ağadan və Rusudan xanımdan halallıq istədim, Ke-
tinoya xoşbəxtlik dilədim. Görgü ağa bizi Batum limanına apar-
maq üçün ikiatlı, dördçarxlı, üstüörtülü araba sifariş eləmişdi,
özü yanında iki atlıyla şəhərdən çıxanacan ötürdü, atlıların biri
də bizi limana çatdıranacan yanımızda oldu. Yəqin, hisslərimin
bolluğundandı, o yaz gününün başqa təfərrüatları o qədər də
yadımda qalmayıb. Ən çox xatırladığım başımızın üstündəki iri,
gur işıq saçan Günəşdi, zümrüd donlu dağlardı, geniş vadilərdi,
qıvrıla-qıvrıla gedən çaylardı, aradabir tələsib bizdən irəli keçən
yolçuların atlarının dırnaqlarından, arabalarının çarxlarından qal-
Dostları ilə paylaş: |