nə predmetinin və məqsədinin istiqamətinin dəyişməsi, nə də onun bütün iqtisad
elmləri sistemi arasında əriməsi demək deyildir. İqtisadi nəzəriyyə ilə digər iqtisad
elmləri arasında sərhəd xətlərinin götürülməsi, onların qovuşması iqtisadi
nəzəriyyənin zəifləməsini, onun spesifikliyinin, rolunun və məqsədinin tam inkar
edilməsini ifadə edərdi və bu da bütün iqtisad elmlərinə böyük zərbə vurmuş olardı.
İndi sosial-iqtisadi problemlərin tədqiq edilməsində iqtisadi nəzəriyyəyə diqqətin
artmasından digər nəticələr çıxartmaq lazımdır. Müasir sosial-iqtisadi problemlərin
qarşılıqlı əlaqəli xarakter alması, onların kompleks öyrənilməsini tələb edir. Müxtəlif
iqtisad elmlərinin ixtisaslaşmasını saxlamaqla, onların qovuşması deyil, kooperasiya
olunması zəruridir. Söhbət heç də sadə kooperasiyadan deyil, elmlər arasında əmək
bölgüsünə əsaslanan kooperasiyadan gedir. İqtisad elmlərinin belə kooperasiyasında
iqtisadi nəzəriyyə onun özəyini, nəzəri və metodoloji əsasını təşkil etməlidir.
Bütün bunlar onu göstərir ki, tətbiqi elmlərin iqtisadi nəzəriyyədən kənar inkişafı
mümkün deyil, çünki iqtisadi nəzəriyyə tətbiqi iqtisad elmlərilə qarşılıqlı əlaqəli
şəkildə inkişaf edir, bu elmlərlə birlikdə cəmiyyətin ümumiqtisadi problem-lərinin
araşdırılmasında və tövsiyələr verilməsində iştirak edir. Budaqlar ağacın kökü inkişaf
etmədən böyüyüb çiçəklənmədiyi kimi iqtisad elmləri də iqtisadi nəzəriyyədən kənar
inkişaf edə bilməzlər.
4. Müasir iqtisadi nəzəriyyə və onun struktur hissələri
Bəs iqtisadi nəzəriyyəni necə tədris etməli? Ən yaxşısı bu olardı ki, iqtisadi fikrin
bütün tarixi ərzində qazanılmış nailiyyətləri müasir əsasda inteqrasiya etməyə qadir
iqtisad elminin yeni nəzəriyyəsi, yeni konsepsiyası meydana gəlsin. Amma belə bir
nəzəriyyə hələ ki, yoxdur, ona görə də iqtisadi nəzəriyyə kursunda onun müxtəlif
istiqamətlərini üzə çıxartmaq, onları imkan daxilində paralel olaraq tədris etməyə
çalışmaq lazımdır.
Hazırda ən çox səslənən fikir bundan ibarətdir ki, ümumi nəzəri səciyyəli iqtisadi
problemlər “müasir iqtisadi nəzəriyyə” adlanan nəzəriyyə çərçivəsində nəzərdən
keçirilir. Zənnimizcə, belə nəzəriyyə altında elmi iqtisadi fikrin uzun illər ərzində
toplanmış elmi bilikləri əks etdirməyə, onların yenidən qiymətləndirməsini həyata
keçirməyə qabil olan və yeni nəticələr əldə etməyə imkan verən, hələ ki mövcud ol-
mayan, amma son dərəcə zəruri istiqamət nəzərdə tutulmalıdır.
Vahid predmeti, vahid təhlil və ifadə metodologiyası olan vahid elm kimi “müasir
iqtisadi nəzəriyyə”, bütün bölmələrində eyni cür şərh olunan kateqoriyalar (iqtisadi
anlayışlar) sistemi kimi, yəni ümumdünya iqtisadi fikrinin inkişafının həqiqi elmi
sintezi, müasir dünya sosial-iqtisadi inkişafının realiləri və tendensiyaları ilə təs-
diqlənən əsas nailiyyətlərinin inteqral bilgisi kimi hələ mövcud deyil. Müasir iqtisadi
nəzəriyyə, real fakt kimi, hələ ki, nə “üzvi”, nə də “inteqral” sistemi deyil, sistemi
bilavasitə metodoloji prinsipləri ilə fərqlənən iqtisadi nəzəri istiqamətlərin, doktri-
102
Ə.Babayev
XXI ƏSRİN ÇAĞIRIŞLARI VƏ MÜASİR İQTİSADİ NƏZƏRİYYƏNİN İNKİŞAF...
2(128)
/2016
naların məcmusu kimi əks etdirən ümumi bir anlayışdır.
Müasir iqtisadi nəzəriyyənin ümumi hüdudlarını və onun sahəsinin predmet struk-
turunu fərqləndirmək lazımdır. Gerçəklikdə iqtisadiyyat mürəkkəb struktura malikdir
və onda üç səviyyə fərqləndirilir. Birincisi, müasir iqtisadi struktur sosial-iqtisadi
münasibətlərin məcmusu kimi dəyərləndirilə bilər ki, onun da mərkəzində iqtisadi
quruluşun xarakteri, mənimsəmə üsulu durur və iqtisadi münasibətlərin özləri isə
məhsuldar qüvvələrin ictimai forması kimi çıxış edir. İkincisi, o, iqtisadiyyatda əmtəə
və xidmətlərin, resursların və maliyyə axınlarının hərəkəti prosesində formalaşan və
resurslardan rasional istifadə, makroiqtisadi sabitliyin və ümumi iqtisadi müvazinətin
təmin edilməsi üzrə fəaliyyəti əks etdirən funksional əlaqələrin məcmusu kimi başa
düşülə bilər. Üçüncüsü, bu struktur iqtisadiyyatda özünü təsbit etmiş institutların
məcmusu ola bilər. Bu rəngarəngliyinə görə iqtisadiyyatı bir koordinatlar sistemi
çərçivəsində nəzərdən keçirmək olmaz, buna görə də ona nəzəri baxışlar çoxaspektli
olmalı və özündə müxtəlif təhlil növlərini ehtiva etməlidir. Gerçəkliyin adekvat
əksinə iddialı olan müasir iqtisadi nəzəriyyə özündə ümumi bir predmetlə - iqtisadi
münasibətlərlə birləşən bir neçə istiqaməti ehtiva etməlidir, özü də bu istiqamətlərin
hər birinin bilavasitə öz, daha dar predmeti - sosial-iqtisadi münasibətlər, funksional
iqtisadi əlaqələr, iqtisadi institutları var. Bu yanaşmaya müvafiq olaraq müasir iqti-
sadi nəzəriyyənin əsas struktur hissələri qismində aşağıdakıları göstərmək olar.
a) Sosial-iqtisadi nəzəriyyə (siyasi iqtisad). Onun predmeti bilavasitə cəmiyyətin
sosial-iqtisadi sistemini, iqtisadi quruluşunu, onların forma və modellərini
araşdırmaq və öyrənməkdir.
b) Məhdud resurslardan rasional istifadə nəzəriyyəsi (Ekonomiks). Bu sahənin
bilavasitə predmeti isə iqtisadi münasibətlərin mikrosəviyyədə (mikroiqti-
sadiyyat) və makrosəviyyədə (
makroiqtisadiyyat) həyata keçirilməsinin
təhlilini özündə ehtiva edir.
c) İnstitusional iqtisadi nəzəriyyə. Burada isə iqtisadi sistemin məzmunu iqtisadi
və digər təsisatların qarşılıqlı əlaqəsi fonunda nəzərdən keçirilir və onların iqti-
sadiyyatın inkişafına təsiri araşdırılır.
Beləliklə, müasir şəraitdə iqtisadi nəzəriyyənin yeni strukturu formalaşır. Bu halda
neoklassik istiqamət və formalaşmaqda olan müasir institusional istiqamətlə yanaşı,
siyasi iqtisad da sosial-iqtisadi təlim kimi xüsusi rol oynayır və iqtisadi həyatın
hərtərəfli təhlilinə xidmət edir.
Elmin müxtəlif istiqamətlərinin vəhdəti sayəsində birtərəfli biliklərlə fundamental
iqtisadi nəzəriyyə arasında əsas ziddiyyətin aradan qaldırılması həmin nəzəriyyənin
potensialının təşkili və iqtisadi nəzəriyyə elminə praktiki tələbat yaranması üçün
böyük əhəmiyyət kəsb edir. Müasir iqtisadi nəzəriyyənin inkişafını bir istiqamətin -
məhz məhdud resurslardan səmərəli istifadə (“meynstrim”) nəzəriyyəsi ideyalarının
təntənəsi kimi təsəvvür etmək, bu istiqaməti müasir dövrdə universal və hətta yeganə
elmi nəzəriyyə hesab etmək cəhdləri müasir iqtisad elminin və praktikanın
103
Ə.Babayev
XXI ƏSRİN ÇAĞIRIŞLARI VƏ MÜASİR İQTİSADİ NƏZƏRİYYƏNİN İNKİŞAF...
2(128)
/2016