5
folklorunu və s. qoruyub saxlaya bilmişlər. Nümunə olaraq Nov-
ruz bayramını göstərə bilərik. İslam dini bu bayramı insanların
şüurundan çıxara bilmədi, əksinə, Novruz bayramı rəngarəng
nəğmələri, teatralaşdırılmış səhnələri, idman oyunları və bir çox
ayinləri ilə yaşamını davam etdirdi.
Monoqrafiyanı əhatə edən xronoloji çərçivə (XII-XV əsrlər)
Azərbaycan tarixində çox ziddiyyətli, həmçinin hadisə və proses-
lərin zənginliyi ilə seçilən bir dövrə təsadüf edir. Bu, yüzilliklər
boyu baş verən ictimai-siyasi hadisələrin bolluğu, eləcə də tə-
sərrüfat-mədəni həyatın inkişafı və müxtəlifliyi baxımından bü-
tövlükdə Azərbaycan xalqının tarixində fərqlənən bir dövrdür.
Araşdırılan XII-XV yüzillikləri Azərbaycanda baş verən icti-
mai-siyasi hadisələrin təsərrüfat-mədəni həyata təsiri baxımından
şərti olaraq dörd mərhələyə bölmək mümkündür:
Birinci mərhələyə XII yüzillik və XIII yüzilliyin əvvəlləri
aiddir. Monqolların basqınına qədər davam etmiş bu mərhələdə
Azərbaycanın ictimai-siyasi həyatında mühüm rol oynamış, Qaf-
qaz dağlarından Fars körfəzinədək böyük əraziləri əhatə edən
Azərbaycan Atabəylər dövləti (1136-1225) kimi zamanının güclü
dövlətlərindən biri yaranmışdı. Azərbaycan torpaqları vahid bir
dövlətdə birləşdirilmiş, bölgələr arasında təsərrüfat-mədəni əla-
qələr genişləndirilmiş, bütövlükdə ölkə Yaxın və Orta Şərqin
siyasi, iqtisadi və mədəni mərkəzlərindən birinə çevrilmişdi. Nax-
çıvan və Təbrizin müxtəlif vaxtlarda Azərbaycan Atabəyləri döv-
lətinin paytaxt şəhərləri olması Azərbaycanın, o cümlədən də bu
şəhərlərin inkişafına müstəsna təsir göstərmişdir. Bu dövrdə Şir-
vanşahlar səlcuqlardan və atabəylərdən vassal asılılığında olsalar
da, Şamaxı zəlzələsinə (1192) kimi özünün çiçəklənmə dövrünü
yaşamışdı. Xüsusilə də I Əxsitanın (Axsitanın) hakimiyyəti döv-
ründə (1160-1197) Şirvanşahlar dövlətinin iqtisadi, siyasi və mə-
dəni nüfuzu xeyli yüksəlmişdi. Ümumiyyətlə, bu zaman kəsi-
yində xarici hücumların qarşısı alınmış, ara müharibələri dayan-
dırılmış, uzunmüddətli sabitlik və bir sıra başqa amillər təsərrü-
fat-mədəni həyatın dirçəlməsinə və inkişafına şərait yaratmışdı.
Azərbaycanda inkişaf etmiş feodal cəmiyyəti bərqərar olmuşdu.
6
Bu dövrdə əmtəə-pul münasibətlərinin, bölgələrarası və təsərrü-
fatlararası əlaqələrin, xarici və daxili ticarətin inkişafı yeni-yeni
şəhərlərin yaranmasına, onların böyüməsinə, iri ictimai-siyasi, sə-
nətkarlıq və ticarət, eləcə də elmin, təhsilin, mədəniyyətin inkişaf
etdiyi mərkəzlərə çevrilməsinə təsir göstərən mühüm amillərdən
idi. XII əsrin sonu - XIV əsrin əvvəllərində Azərbaycanda 70-dən
artıq müxtəlif (iri, orta, kiçik) şəhərlərin olması (3, 144) faktı da
dediklərimizə sübutdur. Təsadüfi deyil ki, bir çox araşdırıcılar bu
mərhələni Azərbaycanın ictimai-siyasi və mədəni həyatında bir
dirçəliş, intibah dövrü kimi qiymətləndirirlər.
Atabəy və Şirvanşah hökmdarlarının elmə, sənətə və sənət
adamlarına verdikləri qiymət bu dövrdə elmin, mədəniyyətin in-
kişafını stimullaşdıran amillərdən idi. Mənbələrə əsasən söyləyə
bilərik ki, “Şirvanşahların və Eldənizlərin saraylarında dövrün ən
yaxşı alimləri toplanmışdı. Onların riyaziyyat, təbiətşünaslıq,
tibb, kimya, fəlsəfə, məntiq, hüquq, astronomiya, ərəb və fars
ədəbiyyatı və b. sahələrdə böyük müvəffəqiyyət və uğurları ol-
muş, bir çoxları müsəlman mədəniyyət və elminin ən gözəl xa-
dimləri kimi tanınmışdır» (4, 147). B. Dorn Dövlətşaha əsaslana-
raq qeyd edirdi ki, Mənuçöhr şair və alimləri qiymətləndirirdi.
Onun dövründə Şirvanın Əbülüla Gəncəvi, Abdulla Fələki, Xaqa-
ni Şirvani, Zülfüqar və Şahfur kimi görkəmli şairləri vardı (5, 29-
30).
İkinci mərhələyə monqolların Azərbaycana XIII yüzilliyin
20-ci illərindən başlayan yürüşləri və həmin əsrin sonları Qazan
xanın hakimiyyətinə qədər davam edən monqol ağalığı dövrü
aiddir. Bu mərhələdə monqolların birinci və ikinci hücumları,
Xarəzmşah Cəlaləddinin Azərbaycanı işğal etməsi (1220-1231),
şimaldan qıpçaq tayfalarının basqınları Azərbaycanın siyasi-iqti-
sadi və mədəni həyatına çox ağır zərbələr vurdu. Xüsusilə də
monqol hücumları zamanı şəhərlər, kəndlər dağıdılmış, əkin və
bağ yerləri örüşə çevrilmiş, on minlərlə adam əsir götürülərək
(əsasən də sənətkarlar) imperiyanın içərilərinə aparılmışdı. Bü-
tövlükdə ölkənin təsərrüfat-mədəni həyatı ağır zərbələr almışdı.
Bu dövrdə Azərbaycana Mərkəzi Asiyadan türk tayfalarının
7
axınları da davam etmişdi. Nümunə olaraq oğuzların Samur tayfa
birliyinə aid olan qaramanlıların XIII əsrin birinci yarısından
etibarən buraya köç etmələrini göstərmək olar.
Üçüncü mərhələ XIII yüzilliyin sonlarından etibarən Hüla-
kilərin (1256-1353) Azərbaycanda öz hakimiyyətlərini möhkəm-
lətmək üçün İslamı qəbul etmələri, Qazan xanın islahatlarından,
XIV əsrin sonları calairilərin hakimiyyətə yiyələnməsi və möh-
kəmlənməsinə qədər olan dövrü əhatə edir. Bu mərhələdə tədri-
cən Azərbaycanın siyasi-iqtisadi və sosial-mədəni həyatında dir-
çəliş baş vermiş, onun hüdudlarında, əhalisinin etnik tərkibində,
dini görüşlərində, mədəni həyatında, dilində və s. nəzərə çarpacaq
dəyişikliklər baş vermişdir (6, 21-22). Əvvəlcə Marağanın, sonra
isə Təbrizin Hülakilərin paytaxt şəhəri olması Azərbaycanı
Mərkəzi Asiyadan İraqa qədər uzanan böyük imperiyanın siyasi-
inzibati mərkəzinə çevirmişdi ki, inkişaf baxımından bunun da öz
üstünlükləri var idi. Eyni zamanda, 1382-ci ildən I İbrahimin
Şirvanşahlar dövlətində taxta çıxması və onun apardığı uğurlu
daxili və xarici siyasət dövlətin yenidən dirçəlməsinə səbəb oldu
ki, bu da öz növbəsində Şirvanda təsərrüfat-mədəni həyatın
inkişafına müsbət təsir etdi.
Dördüncü dövr (XV əsr) Azərbaycanda Qaraqoyunlu və
Ağqoyunlu kimi güclü siyasi qurumların meydana çıxması və
fəaliyyətləri ilə xarakterizə olunur. Bu dövr xalqımızın yadelli
əsarətindən azad olması, müstəqil dövlətçilik ənənələrinin bərpa-
sı, təsərrüfat-mədəni sahədə mühüm dəyişikliklərin baş verdiyi
dövr kimi tarixə daxil olmuşdur. Azərbaycanda Teymuri ağalı-
ğına son qoyulması və yerli dövlətçilik ənənəsinin bərpasında Qa-
raqoyunlu tayfalarının əvəzsiz xidməti olmuşdu. Azərbaycan Qa-
raqoyunlu və Ağqoyunlu dövlətlərinin yaranması və onların fəa-
liyyəti nəticəsində Azərbaycan beynəlxalq münasibətlər sisteminə
daha fəal cəlb olunmuş, onun Qərbi Avropa və Şərq ölkələrilə
qarşılıqlı əlaqələri daha da güclənmişdir (7, 5).
Ağqoyunlu hökmdarı Uzun Həsənin hamiliyi sayəsində elm
,
maarif inkişaf edirdi. O, dövrünün ən qabaqcıl alimlərini öz
sarayına toplamışdı. Hökmdarın şəxsi kitabxanasında 60-a qədər
Dostları ilə paylaş: |