5
2837 nömrəli Sərəncamı ilə “Azərbaycan dilinin qlobal-
laşma şəraitində zamanın tələblərinə uyğun istifadəsinə və
ölkədə dilçiliyin inkişafına dair Dövlət Proqramı”nı təsdiq
etmişdir.
”Dövlət Proqramı”nın məqsədi Azərbaycan dilinin
istifadəsinə və tədqiqinə dövlət qayğısının artırılması,
Azərbaycan dilinin qloballaşma şəraitində zamanın tələb-
lərinə uyğun istifadəsi, ölkədə dilçilik araşdırmaları, əsaslı
surətdə yaxşılaşdırılması, dilçiliyin aparıcı istiqamətlərin-
də fundamental və tətbiqi tədqiqatların inkişafına yönəldil-
miş yaradıcılıq səylərinin birləşdirilməsini
və dilçiliyin
müasir cəmiyyətin aktual problemləri ilə əlaqələndiril-
məsini təmin etməkdir.
Azərbaycan dilinə verilən bu yüksək dəyər və onun
qanunvericilik yolu ilə konstitusion qaydada təsbit edil-
məsi ölkəmizin idarəetmə orqanları, idarə, müəssisə və
təşkilatları, habelə yerli özünüidarəetmə orqanlarında iş-
güzar yazışmaların yalnız Azərbaycan dilində aparılması-
nın başlıca hüquqi təminatı kimi qiymətləndirilməlidir.
Metodik
vəsait giriş, dörd fəsil və ədəbiyyat
siyahısından ibarətdir.
Metodik vəsaitin birinci fəslində işgüzar üslubun
leksik, morfoloji və sintaktik xüsusiyyətləri və bunlarla
bağlı digər məsələlər araşdırılır.
İkinci fəsildə sənəd haqqında anlayış,
idarəçilik
fəaliyyətinin sənədləşdirilməsinin əsas müddəaları, sənəd-
lərin unifikasiyası, standartlaşdırılması, onların tərtib
edilməsi qaydaları tədqiq olunur.
Metodik vəsaitin üçüncü fəslində isə işgüzar mək-
tubun quruluşu, etiket qaydaları,
elektron sənəd dövriy-
yəsinin tətbiqi mexanizmi, bu sənədin, habelə maliyyə-
6
mühasibat
sənədləri, onların əhəmiyyəti, belə sənədlərin
göndərilməsi, alınması və sair məsələlərin elmi-nəzəri və
praktiki əsasları göstərilir.
Dördüncü fəsildə isə
müxtəlif rəsmi sənəd forma-
ları öz əksini tapmışdır.
Metodik vəsait Türkiyədə, Rusiyada, İngiltərədə,
Almaniyada, habelə ölkəmizdə əvvəllər nəşr olunmuş
(“İşgüzar Azərbaycan dili” Bakı, 1991-ci il; Şahbaz Bala-
kişiyev, İmran Namazov “Əməli yazı nümunələri”, Bakı,
2006; Adil Babayev “Azərbaycan
dili və nitq mədəniy-
yəti”, Bakı, 2008) dərsliklər, dərs vəsaitləri və digər elmi-
tədqiqat əsərləri əsasında tərtib olunmuşdur.
Tərtibat zamanı həmçinin, Azərbaycan Dövlət İqti-
sad Universitetinin dərslikləri və Azərbaycan xalqının
minilliklər boyu mövcud olmuş klassik və müasir yazışma
mədəniyyəti əsas götürülmüşdür.