Tema: Kuyiw. Elektr tokinan jaraqatlaniw

Tema:Kuyiw.Elektr tokinan jaraqatlaniw

Reje:

• 1.Termik jaraqatlaniw-ku’yiw haqqinda tu’sinik ha’m onin’ da’rejeleri
• 2.Ku’yiwde ko’rsetiletug’in birinshi ja’rdem
• 3.Elektr tokinan jaraqatlaniw ha’m elektrotravmanin’ da’rejeleri
• 4.Elektrotravmada birinshi ja’rdem

Ku’yiw

Joqari temperatura ta’sirinde toqimalardin’ jaraqatlaniwi ku’yiw dep ataladi.Termik ku’yiwler issi suyiqliqlar,puw,jalin,qizdirilg’an metallar ta’sirinde kelip shig’iwi mu’mkin.Termik jaraqatlaniwlar sha’rtli ra’wishte jen’il ha’m awir tu’rlerge bo’linedi.Dene ju’zesinin’ 10% den kem bolmag’an bo’limin iyelegen ku’yiwler awir ku’yiwlerge kiredi.Jas balalar ha’m kekselerdin’ ku’yiwi a’sirese qa’wipli boladi.

Ku’yiwlerdin’ da’rejeleri:1,2,3 “a” ha’m 3 “b” 4-da’rejeler

1-da’rejeli ku’yiwde tek terinin’ sirtqi epiteliy qabati za’rarlenip,oni aniqlaw qiyinshiliq tuwdirmaydi.Nawqasta qizariw,isiw,ku’ygen jerde mahalliy qizariwlar gu’zetiledi.

2-da’rejeli ku’yiw terinin’ intensiv qizariw ha’m epiteliydin’ onsha u’lken bolmag’an ishinde ashiq sari ren’li suyiqliq tolg’an sharlar payda boliwi menen ko’rsetiledi.

3 “a” ha’m 3 “b” da’rejeler

• 3 “a” da’rejedegi ku’yiwde terinin’ en’ shuqir-o’siwshi qabatinan tisqari,ha’mme qabatlari nekrozg’a ushirap o’ledi ha’m sharlar payda bolip,olar toq sari ren’li shilimshiq penen toladi.Ko’p sharlar jarilg’an bolip,olar tiykarinda spirt ha’m iyne ta’sirine seziwshen’lik pa’seygen boladi.

• 3 “b” da’rejedegi ku’yiwde shuqir nekroz ju’zege keledi,bunda terinin’ ha’mme qabatlari jaraqatlanadi.Sharlar qan aralas suyiqliq penen tolg’an,jarilg’an sharlardin’ tiykarlari,quriq ko’binshe marmar ren’inde bolip,spirt ha’m iyne ta’sirine awiriwdi sezbeydi.

Ku’yiwler

4-da’reje

Bul tu’rdegi ku’yiw tek teri emes,ba’lkim onin’ astindag’i toqimalar bulshiq etlerdin’ jaraqatlaniwi ku’zetiledi.Ku’ygen ju’zede bawirren’ qatti qabiq payda bolip,ha’r tu’rli ta’sirlewshilerdi sezbeydi.Jaraqatlaniwdin’ shuqirlig’in tek birneshe ku’nnen keyin,nawqas dawalaw jerde bolg’an waqitta aniqlaw mu’mkin.

Birinshi ja’rdem

En’ aldin tezlik penen jalindi o’shirip,jaraqatlang’an adamnin’ janip atirg’an kiyimlerin jirtip alip taslaw,onin’ u’stine qandayda bir zat jabiw,ju’n oramal,plash ja’rdeminde hawa kirmeytug’in qilib jalindi o’shirip,keyin tu’tep atirg’an na’rselerdi aliptaslaw kerek.Jaraqatlang’an adam zambilge yaki shitke jatqiziladi.Eger terige ku’ygen kiyim qaldiqlari japisip qalg’an bolsa,olardi teriden ko’shiriw mu’mkin emes.Jaraqatlardi steril bint penen baylaw,eger ol qol astinda bolmasa qalin’ material alip isletiw kerek.

Birinshi ja’rdem

• Eger ku’ygen adamda qarin boslig’I organlarinin’ jaraqatlari bolmasa,ol esin jog’altpag’an bolsa,ko’p suyiqliq ishiw usinis etiledi.Keyin onin’ vena tamirina,1 %li 2 ml promedol,50%li 2 ml analgin,2 ml droperidol,1 %li 1 ml dimedrol, eger bul da’riler bolmasa,nawqasqa 2 analgin yaki aspirin tabletkasinan,bir dimedrol tabletkasinan,kardiamin ,valerianka tabletkasin til astina qoyiw kerek.

Elektr tokinan jaraqatlaniw

Bunday jaraqatlaniwlar texnik yaki atmosfera elektr quwati ta’sirinde ju’zege keledi.Elektr quwatinan jaraqatlaniwlar:termik,elektrolitik,organizmge mexanik ta’sirlerge bo’linedi.Elektr quwatinin’ ta’siri onin’ku’shi 3-5 mA ten’ bolg’anda sezile baslaydi,20-25 mA ku’shke iye bolg’anda elektr quwati bulshiq etlerdin’ iqtiyarsiz qisqariwina sebepshi boladi.

Elektrotravmanin’ da’rejeleri

• 1.Jaraqatlang’an adamda bulshiq etlerdin’ iqtiyarsiz titirkeniwi gu’zetiledi,esi o’zinde boladi
• 2.Bulshiq etledin’ iqtiyarsiz qisqariwi menen birge,esin jog’altqan halda boladi.

• 3.Esin jog’altiw menen birge,ju’rek ha’m dem aliw funksiyalarinin’ buziliwi gu’zetiledi.
• 4.Nawqas klinik o’lim halatinda boladi.

Uliwma simptomatika belgiler:

Aship awiriwi

Qaltiraw

Teri qaplamlarinin’ ag’ariwi

Ju’rek tarawindag’I awiriw

Silekey ajiraliwinin’ ko’beyiwi

Qusiw

Elektrotravmada birinshi ja’rdem

Jaraqatlang’an adamdi ju’da tezlik penen elekt tokinan ajiratiw kerek.Jaraqatlang’an adamdi tok ta’sirinen azat etpey turip,denesinin’ ashiq bo’limlerin uslaw mu’mkin emes.Eger nawqasta klinik o’lim ju’z berse,tezlik penen ha’ u’zliksiz,soninday transportirovka waqtinda jasalma dem beriw ha’m ju’rekti massaj qiliw kerek.Waqiya ju’z bergen jerde ku’ygen terini odekolon menen artiw,steril baylam qoyiw,transport shinalarin qollaw kerek.

Paydalanilg’an a’debiyatlar

• Internet saytlari
• Birinshi medicinaliq ja’rdem-Rizayev,Mavlyanov
• Birinshi ja’rdem-Allayeva Munira