T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
52
məhsulatını iştihayi-tam ilə bəl etməyirlərmi?
†
Əkinçi böylə, əmələ, sənətkar, əsnaf da eyni gündə
deyilmi?” (31, 127).
Bir sıra ziyalılar Azərbaycanın müstəqilliyi haqqında
düşünür və danışırdılar. Qərb musiqi janrları olan opera
(“Leyli və Məcnun”, 1908) və operattamızın (“Ər və arvad”,
1911) banisi, dramaturq Ü.Hacıbəyov yazırdı: “Biz Azər-
baycanı Yevropaya tanıtdırmalıyıq. Özümüzə məxsus tarixə,
gözəl və xüsusi bir ədəbiyyata, sənayei-nəfisəyə malik oldu-
ğumuzu onlara bildirməliyik. Dilimizin firəng dili Yevropada
olan kimi, bütün Qafqazda ümumi bir dil olduğunu...
musiqimizin ümumi Qafqaz millətlərinə zövq və ləzzəti-ruhani
verən bir musiqi olduğunu bildirməliyik. Yevropa şairlərindən
geri qalmayacaq şairlərimizi, müsənniflərimizi, yazıçılarımızı,
alimlərimizi birbəbir nişan verməklə xüsusi bir mədəniyyətə
malik olduğumuzu əyan və aşkar etməliyik. Cəsur və rəhimli,
safdil və həqqu bir millət olub da, fitnə-fəsad, hiylə və təzvir
kimi zəmimədən ari olduğumuzu gizlətməməliyik... Əlqissə,
bütün xüsusiyyətimizi, bütün məziyyətimizi təfsilatı ilə
Yevropaya bildirib, müstəqil yaşamağa və müstəqil bir
hökumət təşkilinə kamalınca müstəhəqq olduğumuzu layiqincə
isbat etməliyik...” (125)
Tədqiqatçılar haqlı olaraq qeyd edirlər ki, “Maarifçilik
dünyagörüşünə malik olmaq və maarifçilik hərəkatına mənsub
olmaq, zənnimizcə, fərqli və çox hallarda üst-üstə düşməyən
anlayışlardır. Belə ki, maarifçi dünyagörüşü bizdə Nizamidən
†
Bəl etmək – udmaq. Burada: yemək.
T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
53
başlayaraq əksər hallarda klassiklərimizdə və müasir dövrün
bir sıra ən güclü sənətkarlarında müşahidə edildiyi halda, maa-
rifçilik bir ictimai hərəkat və ədəbi cərəyan olaraq yalnız XX
əsrin ilk onilliklərini əhatə edən bir hadisə olmuşdur” (37, 82).
XX əsrin əvvəllərinin maarifçiliyi eyni zamanda ən
müxtəlif baxışlı ziyalıları birləşdirən ümummilli mənəvi-
mədəni bir platforma idi. Əsrin lap əvvəllərindən dövrün
aparıcı ziyalıları millətin tərəqqisi naminə görülə biləcək ən
təxirəsalınmaz, ən önəmli işin məhz xalqı maarifləndirməkdən
ibarət olduğunu dönə-dönə qeyd edir, bu istiqamətdə fədakar-
casına çalışırdılar.
Milli ziyalıların ən müxtəlif təbəqələrini əhatə edən bu
hərəkatda şübhəsiz ki, sənət xadimləri, yazıçılar, elm adamları
ön cərgədə gedirdilər. Tutaq ki, öz ideya-bədii platformasına
görə bir-birindən fərqlənən yazıçılar, publisistlər və şairlər:
H.Zərdabi,
N.Vəzirov,
Ə.Haqverdiyev, Ə.Hüseynzadə,
Ə.Ağaoğlu, M.Ə.Rəsulzadə, N.Nərimanov, M.Hadi, H.Cavid,
C.Məmmədquluzadə, M.Ə.Sabir, S.S.Axundov, A.Divanbəy-
oğlu və b. mahiyyətcə qlobal bir istiqamətin, yönümün müx-
təlif yolları ilə getsələr də, nəticə etibarilə eyni işi görürdülər.
Əsrin əvvəllərinin ən böyük ictimai, ədəbi-mədəni simaların-
dan olan, “Maarif, ittihad, hüriyyət! Nə qədər gözəl nemətlər!
Bunları unutmayalım ki, nicat bu üç qüvvədədir” kimi məşhur
deyimin (136) müəllifi Əli bəy Hüseynzadə elmsizliyin, savad-
sızlığın, maarifsizliyin millətə vurduğu dəhşətli zərbəni çox
sərrast ifadə edərək yazırdı: “Qaranlıq bir şeydir ki, bulun-
duğu, hökmfərma olduğu məkanlarda və zamanlarda insanlar
nə özünü, nə ayinədki surətini, nə də bulunduğu yerin daxil və
T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
54
xaricini görəmməz. Bunları görmək və gördükcə bir istifadə
edə bilmək ancaq işıq sayəsində ola bilər. Zülməti-mənəviyyə
ilə ziyayi-mənəviyyə də bunlar kibidir. Maddətən heç bir
kitab, hətta Qurani-Kərim də qaranlıqda oxunammayacaq kibi,
mənən də o cür dərin mənalı kitablardan heç bir elmsiz adam
layiqi vəchilə bir məna çıxarammaz. Allah və Quranı çoban –
çoban kibi, Musa da Musa kibi anlar” (32, 98).
Bu sözlərdə maarifçilik hərəkatının həyati mahiyyəti,
mədəni inkişafımızın ən vacib özülü sərrast ifadə olunmuşdur.
Məsələnin bu tərəfini Əhməd bəy Ağaoğlu da təxminən eyni
mövqedən açıqlayaraq yazırdı: “Təsəvvür edin ki, kütlənin
əhatə etdiyi din xadimi moizə oxuyur. Savadsız və qaşqabaqlı
kütlə onu itaətkar bir sükutla dinləyir. O, dini təhrif edir, ona
xələl gətirir, Peyğəmbərin böyük şəxsiyyəti və ölməz hədisləri
onun dilində tanınmaz şəkil alır. Din, daxili zəka və nəhayətsiz
ruhi inkişaf əvəzinə, fərziyyələr, ikiüzlülük, nadanlıq, ağıla və
qəlbə heç nə deməyən məşqlər mənbəyinə çevrilir. O, dinc-
liyin bütün mahiyyətini bu məşqlərdə görür, kütlə isə qardaş
qırğını, yalan, məkr girdabına sürüklənərkən belə özünü
günahkar sayır” (101).
Müəllifə görə, bütün bunlar kütlədə bir nadanlıq doğurur.
Nadanlıq isə daha eybəcər, daha məkrli bir haldır. Onun
formasız dəhşətli kütləsi hər yerə yayılır. Nadanlıq hopmuş
kütlə öz insani sifətini güc-bəla ilə saxlaya bilir. Onun bütün
fikirləri, hissləri şikəstləşmişdir. Bu nadanlıq kütləni nəinki
bəşər mədəniyyətinin zənginliklərindən, həmçinin öz doğma
keçmişinin mənəvi nailiyyətlərindən bəhrələnməkdən məhrum
edir. Müəllifin düşüncəsinə görə, maarifçilik çox geniş bir hə-
Dostları ilə paylaş: |