29
Heç bir işdə qənaətcil olmayan, qeyri-sağlam həyat tərzi
keçirən insan orqanizmin ehtiyyatlarını tükəndirir, özünü
gücsüzləşdirir. Sivilizasiya ilə bağlı çirklənmələri, indiki yaşayış
şəraitini də nəzərə alsaq, müasir dövrdə, demək olar ki, hamının
xəstə olması təəccüblü yox, qanunauyğun görünə bilər.
Təbiət insanı GÜCLÜ və SƏRBƏST yaratmışdır. Hər bir
insan o dərəcədə güclüdür ki, onun malik olduğuna heç nə əlavə
etmək mümkün deyil. Bu güc kifayət qədər, həm də məhz lazım
olduğu qədər olduğu üçün. Yəni insan təbiətin bəxş etdiyi gücə nə
isə əlavə etmək iqtidarında deyil. Bu gücdən yalnız qoparmaq,
beləliklə də, gücsüzləşdirmək, zəiflətmək olar (insan elə bununla
məşğuldur). Bu gücü və sərbəstliyi qoruyub saxlamaq isə olduqca
sadədir və hər kəsin öz əlindədir: israfçılıq etməmək. Bunun üçün
möcüzəli, sehrli dərmanlar axtarmaq lazım deyil, sağlam həyat
tərzinə keçmək – orqanizmin ehtiyatlarını qənaətlə sərf etmək, yəni
israfçılığa son qoymaq kifayətdir. Məşhur naturopat P.Breqqin
sözləridir: “Ömrü uzatmağın ən yaxşı yolu – onu qısaltmamaqdır”. Mən
deyərdim ki, yeganə mümkün yolu.
Cidd-cəhdlə öz sağlamlığının qeydinə qalmaq mənə həmişə
xudbinlik təsiri bağışlayıb. Digər tərəfdən isə darıxdırıcı görünüb.
«Pərviz» sözündən də heç vaxt xoşum gəlməyib. Yəni bu cür şeylərə
çox tad münasibətim olub. Lakin sonra anlamışam ki, insan sağlam
olmağa, öz sağlamlığının qeydinə qalmağa borcludur. İnsan ona
əmanət kimi verilən nemətə xəyanət etməməlidir. (Haramdır ələfi
tarac eyləmək, Bədəni dərmana möhtac eyləmək. N.Gəncəvi.)
Dinimiz də sağlam olmağın vacibliyini bildirir, bunun bir
əxlaqi borc sayır. Hədislərdə deyilir: « Hamısı xeyirli olmaqla bərabər,
Allah hüzürunda qüvvətli mömin zəif olandan daha xeyirlidir». Axı,
insanın hansısa bir işə, o cümlədən, təmiz əxlaqa xidmət edə bilməsi,
kamilliyə ucalması üçün əvvəlcə o, sağlam olmalıdır. Sağlam
olmayan insanın nəyəsə qadir olması çətindir. Bir sözlə, bizim
sağlam olmağa sadəcə haqqımız yoxdur.
30
Sağlam olmaq üçünsə insan necə gəldi yaşamamalı, öz
orqanizminin – can evinin qeydinə qalmalıdır. Doğrudur, insan
orqanizmi olduqca möhkəm – yaşamaq qabiliyyətlidir. Doğru
deyirlər ki, insan orqanizmi əfsanəvi gücə malikdir və o hər cür,
hətta ümidsiz görünən vəziyyətlərdə belə qalib çıxmağa qadirdir.
Bununla yanaşı, insan orqanizmi olduqca «nərmənazikdir». O yalnız
havanın müəyyən tərkibi, temperaturun, təzyiqin müəyyən çərçivəsi
şəraitində, tənəffüsün, qidalanmanın, hərəkətin hesabına yaşaya
bilir. Bu parametrlərin hər hansı birinin bu və ya digər dərəcədə
pozulması xəstəliklə nəticələnir. Ona görə də, bu «nərmənazik»
vücuda daim qulluq edilməlidir.
Ola bilsin ki keçmişdə, fiziki əməyin üstünlük təşkil etdiyi,
ekoloji problemin olmadığı, təbii qidaların çoxluğu dövründə
sağlamlıqla xüsusi olaraq məşğul olmağa ehtiyac yox idi, yalnız
sağlam düşüncəyə malik olmaq və gigiyenik normalara riayət etmək
kifayət idi. Lakin müasir dövrdə sağlamlıq üçün ciddi təhlükə
yaradan amillərin bolluğu şəraitində hər bir insan öz sağlamlığının
qeydinə qalmalıdır.
Müasir həyat tərzi insan həyatını çox gərgin etmişdir. Bu
gərginlik içərisində bulunan insan öz həyatını nizamlamaq
haqqında belə düşünmür, öz «acgözlüyündən» narahat olmur.
Əslində, onu heç görmür də. Biz maşın əsrində yaşayırıq və özümüz
də maşınların tempində işləyirik. Nə qədər qəribə görünsə də, məhz
texniki tərəqqi insanı tələskən etmişdir. Halbuki o, insan əməyini
yüngülləşdirməyə, beləliklə də onun rahatlığını təmin etməyə
«hesablanmışdı». Müasir insan isə əksinə, olduqca narahatdır, o
sanki sentrifuqadadır. Hamı hara isə tələsir, hər bir işi sanki
çatdırmayacağından qorxur, gərginlik içərisində yaşayır. Hər şey –
yeyib-içmək, danışıq tərzi, hərəkətlər, fikirlər sürətlənmişdir. Bu cür
intensiv həyatı, bu qədər təəssüratı yaşamaq üçün keçmiş dövrlərin
insanlarına bir neçə ömür lazım olardı. Müasir musiqiçilər klassik
əsərləri belə, keçən əsrdəkinə nisbətən bir neçə dəqiqə tez ifa edirlər.
31
Köhnə filimlərə baxmağa da müasir insanın hövsələsi çatmır, çünki
orada kadrlar «ləng gedir». Bu cür «sürətlənmə» təkcə əsəb
gərginliyi yaratmır, təbiətin bəxş etdiyi ehtiyatları və gücü də sürətlə
sərf etməyə səbəb olur. Məhz bu səbəbdən də müasir insan daim öz
sağlanlığı barədə düşünməlidir, özünə ciddi qulluq etməyi vərdiş
halına salmalıdır. Vərdiş – güclü vasitədir. Faydalı şeyləri vərdiş
etməyə çalışın.
Sağlamlığı əvvəlcədən qorumaq bir də ona görə vacibdir ki,
onsuz da gec-tez, istər-istəməz, itirdikdən sonra da olsa, insan
sağlamlıq haqqında düşünməyə məcbur olur və öz həyatını
nizamlamağa tənbəllik edən, öz nəfsini cilovlamağa həvəsi olmayan
insan ikiqat əzab-əziyyətə dözməli olur. Həm xəstəlikdən əziyyət
çəkir, həm də cana qulluq etmək məcburiyyətində qalır. Deyirlər,
insan, ömrünün birinci yarısında xəstəlikləri qazanır, ikinci
yarısında isə onlardan can qurtarmaq yollarını axtarmağa çalışır. Bir
halda ki, insan ömrün ikinci yarısında xəstəliklərlə mübarizə
aparmaq məcburiyyətdə qalacaqdır, ömrün birinci yarısında
sağlamlığı qorumaq daha yaxşı deyilmi? Xüsusən də ona görə ki,
sağlamlığı qorumaq xəstəliyi müalicə etməkdən daha yaxşıdır.
Xəstəlik başladıqdan sonra onu müalicə etmək, qədim
həkimlərin təbirincə desək, susuzlamış adamın su quyusu
qazmağına, yaxud, düşmən hücumuna məruz qalmış adamın silah
hazırlamasına bənzəyir. Fransız cərrahı P.Leriş isə bunu daha
obrazlı təsvir etmişdir: “Xəstəlik – iki pərdəli tamaşadır. Birinci
pərdə bizim toxumların sakit künc-bucağında oynayırlar, ağrı və ya
başqa xoşagəlməz hallar meydana çıxdıqda, bu artıq – demək olar ki,
həmişə – ikinci pərdədir”. Doğurdan da, xəstəlik, özünü büruzə
verməzdən xeyli əvvəl meydana çıxır. Buradan sadə bir nəticə çıxır:
müalicə həmişə «gecikmiş» tədbirdir, müalicə, profilaktika əsasdır.
Qədim ənənələri olan Çin təbabətinə görə əsl həkim xəstəni müalicə
edən yox, xəstəliyin qarşısını alandır. Rəsmi təbabətdə də
profilaktikanın müalicədən daha vacib olduğu qeyd edilir, lakin
Dostları ilə paylaş: |