109
təkcə fiziki cəhətdən kamil olmaq mümkün deyil. Ona görə də,
həqiqətən ağıllı olan insan (bu dəfə də Homo Sapiens) nəzərdə
tutulmur. Qlobal problemlərlə yaşayır. O bilir ki, xəstə mühitdə,
xəstə yer üzündə sağlam yaşamaq mümkün deyil. Sağlam mühit
yaratmaq üçünsə hər bir kəs əvvəlcə öz sağlamlığını qorumalıdır.
İnsanın sağlamlığı onun fiziki, psixiki və ruhi (mənəvi)
gücündən asılıdır. (psixiki və ruhani (ruhi) sferalar insanın energetik
sistemini təşkil edir: nisbətən «kobud» qatlar – psixiki aləmi, ən incə
olanlar isə – ruhani aləmi) və bunların ən «incəsi», beləliklə də, ən
güclüsü ruhani gücdür. Onu əldə etməyin müxtəlif yolları vardır.
Lakin bunların hamısı dolayı yollardır. Bilavasitə, birbaşa bu gücü
əldə etməyin yolu isə ibadətdir, yəni o gücü bəxş edən Qüvvəyə
itaətdir.
Dolayı yolları da fiziki və mənəvi kamillik axtaran insanlar
düşünmüşlər. Onlarla ümumi şəkildə tanış olaq və mahiyyətinə
varmağa çalışaq. Bunlardan ən mükəmməli yoqa (hind) və siqun
(Çin) sistemləridir. Bu sistemlər makro-və mikrokosmosda
(kainatda və insan orqanizmində) daim, əbədi dövr edən həyat
enerjisini, yaxud xüsusi substansianın mövcudluğuna əsaslanır.
İnsanın sağlamlığını eləcə də, kamilliyini bu enerjinin dövranında,
yəni makro və mikro amillərin əlaqəsindən axtararaq məhz bu
əlaqəni bərpa etməyə, gücləndirməyə cəhd edilir. Bunun üçün həm
fiziki, həm də qeyri-fiziki üsullardan birlikdə istifadə edilir. Qeyri-
fiziki üsul, daha dəqiq desək, psixiki özünütənzim, əsasən,
meditasiya yolu ilə həyata keçirilir. Meditasiya transsendental və ya
tranpersonal olur. Birinci halda insan Kainatda «əriməli», ikinci
halda isə əksinə, öz içinə çəkilməlidir (öz «mən»ində «əriməlidir»).
Buna müxtəlif yollarla (şamın alovuna tamaşa etmək, özünü işıq
kimi təsəvvür etmək və s.) nail olurlar. Bunlar hamısı insanın
Kainatdan güc alması, onun daha yüksək səviyyəsinə yüksəlməsi və
beləliklə, həmin səviyyəyə uyğun (yəni daha yüksək) vəziyyətdə
olması və bu vəziyyətdə yaşaması məqsədilə yerinə yetirilir. Əslində,
110
bunlara nail olmaq olduqca çətindir, insanın özünü bu işə həsr
etməsi gərəkdir. Bunlardan bəhrələnmək və kamilliyin müəyyən
səviyyəsinə yüksəlmək mümkündür.
Lakin Şərqin dərin biliyinə əsaslanan, kamilliyə çatmaq cəhdi
olan bu üsulların bəzi sirrlərinə bələd olduqdan sonra, hər şeyə
mənfəət axtaran insanlar «ədə etdikləri» gücdən özlərini işlərini
nizama salmaq üçün istifadə etməyə çalışırlar. Hazırda Avropada
bu üsulları qeyd edilən məqsədlə tədris edən kurslar fəaliyyət
göstərir. Ola bilsin ki, bu yolla insan öz işlərini nizama sala bilər.
Bunu daha asan yolla (cadu və s.) əldə etməyə çalışanlar kimi. Hər
iki halda insana hansısa qüvvə kömək edir. O, xeyir (birinci halda) və
yaxud şər (ikinci halda) ola bilər. Bəli, şər qüvvələr də insana kömək
etməyə «qadirdir». Ancaq onlar bu köməyi, yaxşılığı yalnız borc
verirlər – özü də yüksək faizlə. Nə vaxtsa bu borcu ödəməyin vaxtı
çatır və insan ona «bağışlanmış» «neməti», üstəlik, özünün, məsələn,
sağlamlığını verməli olur. Həmin qüvvələrə enerji lazımdır, bu,
onların qidasıdır, onlar bunsuz yaşaya bilməzlər. Bu mənada onların
«yaxşılığı» ancaq tələyə qoyulmuş yem ilə müqayisə edilə bilər.
«Vergi» adlanan hallar çox zaman bu yolla baş verir.
Bu haqda ilk dəfə eşidənlər üçün inandırıcı olmasa da,
deməliyəm ki, insan «tək» deyil. Kainatda, elə bizim Yer üzündə də
fiziki bədənə malik olmayan, yalnız energetik bədəni olan varlıqlar
mövcuddur (onları da auranı çəkən xüsusi fotoaparatlarla çəkmək
mümkündür). Onların çoxu yüksək şüurlu məxluqlardır və bizi
«idarə edə» bilirlər.
Burada yeni heç bir şey yoxdur. Peyğəmbərimiz (s) buyurub:
«Qəlbdə iki dəstə camaat olur, bir dəstə mələklərdir, xeyrə dəvət
edir, o biri dəstə şeytanlardır, şərə dəvət qılır və həqqi təkzib edir».
Bu o biri dəstəni qəlbdən qovmağın yalnız bir yolu var: sağlam fikir
və düşüncələrlə yaşamaq, sağlam, saf niyyət və əməl sahibi olmaq.
Əgər insan azacıq da olsa onun dəvətini qəbul edərsə (kin, həsəd,
paxıllıq, riya, qəzəb və s. məruz qalarsa), bu, qüvvələr üçün.
111
Pifaqorun təbirincə desək, «başlanğıc maddə» rolunu oynayır. Belə
ki, həmin qüvvələr, (psixiki enerjilər) insanın energetik sisteminə bu
yolla qoşula bilir (məhz neqativ fikir və düşüncələrimizin yaratdığı
«sahəcik» həmin məxluqlar üçün qoşulma nöqtəsi olur) və bundan
sonra insanı müxtəlif yollarla (vəsvəsə və s.) məhz bu cür yaşamağa,
neqativ fikirlərə və işlərə təhrik edir, çünki ac qala bilmir. Elə bu
səbəbdən də hər şey bizim düşüncələrimizdən asılı olur.
Aydın olur ki, insan şüursuz olaraq belə, «şübhəli» qüvvələrin
əsirinə çevrilə bilər. Bunu şüurlu olaraq edənlər isə yalnız «Allahdan
başqa ilah yoxdur» kəlamını xatırlamaq istəyirəm. Hətta şər olmasa
belə, insanın güvəndiyi hər hansı qüvvə ona yalnız nə isə verə bilər.
Hər şeyi bəxş etməyə qadir olan yeganə qüvvə Allahdır. «Yaxud
onların əməlləri ənkin dənizin zülmətinə bənzər. Onu bir dalğa, o dalğanın
üstündən də bir bulud (dalğa) – zülmət üstündən zülmət ötər. O, əlini
çıxartdıqda, hardasa onu görməz. Allah bir kəsə nur bəxş etməsə, onun
nuru olmaz». (Nur surəsi. 40-cı ayə).
Nə isə verə bilən «naməlum» qüvvənin, yoxsa, hər şeyə qadir
olan Yaradanı seçmək insanın öz ixtiyarındadır. Deyirlər, bəndə ilə
Allah arasında yetmiş nur pərdəsi var. Zənnimcə, bunlar insanın
kamilləşmək yoludur və müxtəlif metodikaların, təlimlərin,
sistemlərin köməyi ilə insan, olsa-olsa, kamilliyin yalnız müəyyən
səviyyəsinə yüksələ bilər. Ən əsası isə bu yolda o, yanıla bilər. Yəni
nəinki istədiyi məkana (məqama) yetişə bilməz, özü də bilmədən
yolunu «azar», başqa məkana gedib çıxar. Yetmiş nur pərdəsi
arxasında olan Allaha qovuşmaq, onunla mülaqat etmək çətindir,
başqa qüvvələrlə «dil tapmaq» asandır və artıq qeyd edildiyi kimi,
onlar çox zaman «çağrılmamış qonaq» olurlar. Ona görə də ibadət
edən insan belə, öz ibadətində səmimi olmalı, inamı möhkəm
olmalıdır, yoxsa ona başqa «allahlar» cavab verər.
Bir də hərənin Öz inamı var. Bu inamın hansı olmasından asılı
olmayaraq, insan ona sədaqətlə qulluq etməlidir. Yalnız bu halda o
öz inamının bəhrəsini görə bilər, hər cür «xəyanət» yolverilməzdir.
112
Mömin olan bir kəs yalnız öz dinini düşünməlidir, onun
qanunlarına dəqiq əməl etməlidir. Bu qanunlar isə bizi yalnız və
yalnız bir olan Allaha inanmağa, ona itaət etməyə – ibadətə dəvət
edir və Rəsuli-Əkrəmin (s) buyurduğu kimi: «İbadətlərin əfsəli
duadır». O, insanın həm ruhi, həm psixiki, həm də fiziki aləmin
müvazinata gətirir, insanı (eləcə də, mühiti) saflaşdırır,duruldur,
ruhən güclü olan insan bütün buxovlardan azad olur. Dua, qeyd
edilən neqativ psixiki enerjiləri insana yaxın buraxmayan güclü
vasitədir. Çünki o, insanın (yəni onun ruhunu) xüsusi növ enerji ilə
qidalandırır. Bu, ruhi, o birilər isə psixiki («kobud» – zəif) enerji
olduğu üçün onları dəf edə bilir.
Sağlam fikirdən, düşüncədən söhbət gedərkən istər-istəməz
əxlaqa, əxlaqların ən gözəli olan, sözə, niyyətə, əmələ dəyər verən
İslamaistinad etdim. Ona olan inam sayəsində, onun böyük gücü
sayəsində Azad İnsan olmaq böyük xoşbəxtlikdir. Sağlam fikirlərlə
yaşamaq insanın qəlbində xoşbəxtlik hissi doğurur və insanın bu
dünyanın həyatı ilə uyğun gəlməyən öz – xoşbəxt həyatı olur.
İnsanın xoşbəxtliyi onun öz bütövlüyünü hiss etməsi ilə bağlıdır.
İnsanın şüuru Fövqəlşüurun bir parçası olduğundan, öz-özlüyündə tam
deyil, hissədir. Elə bu səbəbdən də insan daim qarşısıalınmaz qlobal
tənhalıq hiss edir və bu tənhalıqdan qurtulmağa can atır. Məhz bu
tənhalıqdan qurtulan zaman insan xoşbəxtlik hiss edir. Məsələn, özünə
həmfikir tapan zaman. İnsan öz daxili aləmi ilə xarici aləm arasında, o
cümlədən, onun hər hansı parçası ilə – başqa insanlarla hər hansı oxşarlıq
tapdıqda sevinir (xoşbəxt olur). Çünki bu zaman öz daxilini xarici aləmlə
qovuşdura bilir, başqa sözlə, öz bütövlüyünə qovuşur. Bunun ən aşağı
səviyyəsi insanın öz bütövlüyünü maddi aləmdə (maddi nemətlərdə)
«tapmasıdır».
İnsanı Ucalığa aparan, yaxınlaşdıran, dünyaya baxışımnı
dəyişməyə, azad olmağa kömək edən iki böyük qüvvə (daha
doğrusu, məqam) vardır: Sevgi və Yaradıcılıq. Bunlar insanı öz
bütövlüyünə qovuşdurduğu üçün xoşbəxt edə bilir. Sevgi – başqa
113
insan vasitəsilə, Yaradıcılıq – iş vasitəsilə. Xatırlayırsınızmı, bu Sevgi
o böyük SEVGİ-yə aparan yoldur, vasitədir demişdim. Sevgi – ürəyi
hər cür nifrətdən təmizləyən, insanın özünü hamıdan xoşbəxt hiss
etməyə vadar edən, heç kimə həsəd aparmağa ehtiyacı olmayan
insana çevirən, bütün dünyəvi nemətləri insanın gözündə heçə
çevirən bir qüvvədir. Təəssüf ki, bu ötəri dünyada o da zamana tabe
olur, istəsək də, istəməsək də, nə qədər uzun çəksə, iz qoysa belə,
ötəri olur. İz isə artıq Sevgi deyil. Bir də, «hər şeyə hökm çatır, qəlbə
yox» və «könül quşu da hər dəni dənləməz».
Yaradıcılıq qabiliyyəti də Sevgi kimi hər insana verilmir.
Yaradıcılıq, adətən, insanın hər hansı bir işdə nəsə bir yenilik
tapmasıdır. Bu «yenilik» – xarici aləmin təzahürü onun daxili
aləminə yaxın olduğu üçün insana sevinc bəxş edir. Uşaqlar üçün
hər şey eynidir, ona görə də hər şey kəşf, hər şeylə tanışlıq, yəni hər
bir iş yaradıcılıq olur. Elə bu səbəbdən də uşaqlar özünü daim
xoşbəxt hiss edir, darıxmır və s. Hər bir insan özünün sevimli işini
tapa bilər və bu işlə məşğul olmaq onun yaradıcılığı ola bilər.
Yaradıcılıq heç də yalnız sənət şedevrləri yaratmaq deyil. İnsan
gördüyü işdən zövq alırsa, bu iş ona bütün dünyanı «unutdurursa»,
insan «səbəbsiz» sevinc, ucalıq duyarsa, saflaşırsa, bu, elə
yaradıcılıqdır. Ana öz uşağına nəsə öyrədərkən, başa salarkən nə
qədər xoşbəxt olur !
Məşğuliyyət baxmından da insan öz yerində olmalıdır. Əgər insan
sevmədiyi işlə məşğuldursa, o, əvvəl-axır mütləq xəstələnəcəkdir. Öz
ürəyicə olan işlə məşğul olmaq insanın ömrünü uzadır. İnsan öz ürəyincə
olmayan işlə məşğuldursa, həmin iş çətin alınır və yaxud, ümumiyyətlə
alınmır.
Bilirik ki, ürəkaçan şeylər energetik sistemi (konkret olaraq, qoloqrafik
sahəni) gücləndirir, xoşagəlməyən şeylər isə zəiflədir. Əgər iş insanın
ürəyincə deyilsə («xoşagəlməyən»dirsə ), insan həmin işi görməyə həvəssiz
olur, tənbəllik edir (enerjisi çatışmır). Deməli, insanı qane edən, ürəyincə
olan iş odur ki, insan ona həvəslə girişir, yorulmur (fikir verin: yorulma
114
təkcə fiziki səbəbdən deyil) və iş asan alınır («ürəkaçan» iş «əlavə» enerji
verdiyindən ). Ona görə də, yalnız pul qazanmaq xətrinə iş seçmək
düzgün deyil. Əslində, insana elə öz ürəyincə olan işlə məşğul olarsa, pulu
asanlıqla qazana bilir. Ümumiyyətlə isə özünə xoş gələn, zövq aldığı işlə
məşğul olmağa borcludur, çünki həmin iş məhz insanın həyatda görməli
olduğu işdir – öz işidir.
Əgər ürəyinizcə olan iş sizin əsas işiniz ola bilməyibsə,onu bu və ya
başqa şəkildə həyata keçirməyə çalışın. Əgər ürəyinizcə olan işin nədən
ibarət olduğunu bilmirsinizsə, onu ayırd etməyə çalışın. Kimin üçünsə bu,
ev işləri ilə məşğul olmaq, kimin üçünsə bağa qulluq etmək, kimin üçünsə
bədii yaradıcılıq ola bilər.
Əgər əsas işiniz sevimli işiniz deyilsə və hazırda onu dəyişməyə
imkanınız yoxdursa, ona olan münasibətinizi dəyişməlisiniz.Sevmədiyi işlə
məşğul olmaq orqanizmi zəhərləyir. Məşğul olduğunuz hər bir işdə yeni,
indiyə qədər görmədiyiniz cəhətlər, yaradıcılıq elemenləri tapmağa çalışın.
Sevginin də, yaradıcılığın da böyüklüyü insana başqalarının
görə bilmədiklərini görmək qabiliyyəti bəxş etməsindədir. Deyirlər,
sevənin gözündə pərdə olar. Həqiqətdə isə sevən insan başqalarının
gördüyü kimi qəbul etdiyini olduğu kimi görür, öz sevdiyinin – yəni
insanın ilahi təbiətini hiss edə bilir. Əslində, yalnız sevgi bitəndən
sonra pərdə gəlir insanın gözünə və o, hər şeyi yox, görə bilmədiyini
görür – hamı kimi. Yaradıcı insan da başqalarının adi, mənasız
saydığı şeylərdə bir qeyri -adilik, qəribəlik görür. Yox, o «dəli»
olmayıb gözündən pərdə çəkilib – hər şeyi olduğu kimi görə bilir.
Bəli, dünyamız belədir – sevənlərin gözündə olduğu kimi,
yaradıcılıq anlarında hiss etdiyimiz kimi. Onun bu cür olduğunu
görməməyimizə səbəb gözlərimiz qarşısındakı pərdədir. Məhz
gözləri qarşısında pərdə olmayan insan Azad İnsandır. Deyirlər,
həyatda sevgi yoxdur, insanın özünü sevməsinə inandırması var,
yəni sevginin imitasiyası var. İnanıram. Yoxsa, insan birdəfəlik
Azad olardı, birdəfəlik xoşbəxt olardı. Amma insan əsl xoşbəxtliyin
də dadını bilmir, onun imitasiyasını – həzzi, zövqü, ləzzəti dadır.
115
Əsl xoşbəxtlik isə başqadır. Ara-sıra hiss edirik bu xoşbəxtliyi –
«mağara obrazı» haqqında danışarkən yazmışam bu haqda.
Beləliklə, əsl xoşbəxtlik – insanı rahat, azad, uca edən anlar,
onun özünü tənha hiss etmədiyi anlardır. Bu, Sevgi və Yaradıcılıq
da ola bilər, öz iradəsi hesabına da buna nail ola bilər (meditasiya).
Bütün bu hallarda insanın daxili aləmini xarici aləmə qovuşması
müvəqqəti və qismən olur. Yalnız ibadət insanı bu aləmlə tam
qovuşdura bilir. İbadət zamanı insan xarici aləmin hər-hansı parçası,
təzahürü ilə, yaxud onun «naməlum» hissəsi ilə qovuşmur,
bütövlükdə onda əriyir. Məhz buna görə də onun hər bir parçası,
təzahürü insan üçün doğma olur. SEVGİ ürəyi hər cür nifrətdən,
kindən, bu səbəbdən təmizləyir. İnsan öz böyüklüyünü,
bütövlüyünü – tənha olduğunu hiss edir.
Müasir insan isə öz darıxdırıcı tənhalığından qurtulmaq üçün
müxtəlif əyləncələr («narkotiklər») «kəşf edir». Lakin onlar insanı
tənhalıqdan qurtarmır – xoşbəxt edə bilmir. İnsanın «gizlənmiş»
tənhalığı nə vaxtsa üzə çıxır və daha cansıxıcı olur. Bu
«narkotiklərin» son həddini – əsl narkotiki götürək. Bu zaman həzz
də «sonsuz» olur, ondan gələn əzab-əziyyət də. İstənilən həzz, nəşə
də «abstensiya sindromu» qaçılmazdır. Ona görə də, həzz, nəşə,
ləzzət xoşbəxtliyin imitasiyası ola bilər. Adətən, insan tənhalıqdan
qurtulmaq, öz bütövlüyünü hiss etmək üçün uyur bunlara – özünə
həmfikirlər, «həmkarlar» tapdığı üçün bir qədər «bütövləşir». Bəzən
içki düşkünü olan bir adam sonradan dinə üz tutur. Burada
təəccüblü heç nə yoxdur – o, elə əvvəldən öz bütövlüyünü axtarırdı.
Gəlin, heç kəsi qınamayaq, çətində, darda kömək etməyə – bütöv
olduğunu hiss etdirməyə çalışaq.
Mənim «mətləbdən uzaqlaşmağıma», sağlamlıq üçün təmiz
fikirlərə malik olmağın vacibliyindən, nifrətin, kinin, həsədin onun
yönəldiyi obyektə yox, insanın özünə zərər verdiyindən danışmaq
əvəzinə, mənəviyyatdan, yaradıcılıqdan, sevgidən danışmağıma
səbəb məhz onların insanın qəlbindən kini, nifrəti, həsədi, bir sözlə,
116
bütün neqativ hissləri silməyə qadir olmasıdır. Axı, «əsəblərinizi
qoruyun» kimi məsləhətlərlə onları qorumaq (sinir sistemini
möhkəmləndirmək), yaxud, neqativ fikirlərin necə zərərli olduğunu
bilməklə həmin fikirlərdən əl çəkmək mümkün deyil, insan özünü
buna nəqədər məcbur etsə də. Bunun üçün ruhun, düşüncənin
müvafiq halı lazımdır. Bu halı bəxş edən isə məhz toxunduğum
cəhədlərdir. Bunun üçün həqiqətlərin insana açılması lazımdır –
gözləri önündəki pərdənin çəkilməsi lazımdır. Bunu edə biləcək
qüvvə də toxunduğum cəhətlərdir.
İstəmədiyim bir halda mövzu bir qədər əhatəli alındı. Demək
istədiyim isə çox sadədir: düşüncə və fikmirlərimiz, sözlərimiz bir
eneji parçası olaraq, istər nəhəng energetik sistem olan Kosmosda,
istərsə də onun ayrıkmaz hissəsi olan energetik bədəndə olan «əks-
səda» yaradır. Məhz bu əks-səda da insan üçün (o cümlədən, fiziki
bədən üçün) izsiz ötüşmür.
Məhz qəlbin, ruhun vəziyyətini birinci – əsas götürməyə səbəb
isə sağlamlığın digər şərtlərini yalnız onu fonunda əhəmiyyət kəsb
etməsidir, bütün digər şərtlərin «pozulduğu» halda belə onun gücü
ilə xəstəliyə qalib gəlməyin mümkünlüyüdür.
Peyğəmbərimiz (s) : «Kimdə Allahu-təalanın əxlaqından bir
əxlaq olarsa o, cənnətlikdir» buyurmuşdur. Əlbəttə, biz sadəcə
cənnətlik olmaq xətrinə olmaq yox, həqiqətləri dərk edərək bu yolu
tutmalıyıq. Neqativ enerji mənbəyi olan fikirlərdən də ona görə
uzaq olmamalıyıq ki, bu, bizim sağlamlığımıza ziyandır, həm də
Allah-təala belə əmr edib. Bunları bilmək Təbiətin bizi yaxşı olmağa
«məcbur» etdiyini, özümüz bunu etməsək, xəstəliklər yolu ilə bunu
bizə anlatmağını bilməyimiz üçün, bir sözlə, həqiqətləri
anlamağımız üçün lazımdır. Həqiqətləri anlayan hər bir kəs isə
Haqq yolunu tutacaqdır.
117
MÜNDƏRİCAT
Elm, təbabət və həqiqət....................................................4
Sağlamlıq haqqında........................................................24
Ruh haqqında..................................................................54
Sağlam fikir......................................................................92
E-mail: ssb@box.az
Dostları ilə paylaş: |