Sura seyidova
Yüklə 5,09 Kb. Pdf görüntüsü
|
38 vardır. Həmişə xəstəlik haqqında düşünmək, danışmaq özü də xəstəliyin insana hakim olmasına şərait yaradır. («İnləmə «xəstəyəm» deyə, ey filan, Desən ki: «Sağlamam», sağlam olarsan». N.Gəncəvi). Nə qədər qəribə də olsa, xəstəliyi sevən insanlar var. Onlar həkimə müraciət edərkən belə, ona macal vermir, özləri danışmağa çalışırlar. Çünki onları həkimdən məsləhət almaq – sağalmaq bir o qədər maraqlandırmır, nəinki xəstəlikdən danışmaq daha xoş gəlir. Bu cür adamlar xəstəliyi, keçirdikləri vəziyyətləri dəqiqliyi ilə təsvir etməkdən sanki həzz alırlar. Onlar özləri bilməsələr də, sağalmaq istəmirlər, çünki həmişə xəstə obrazında olmaq, dava-dərmanla baş- başa yaşamaq onlara xoş gəlir. Belələri içərisində kim olur-olsun və harada gəldi, xəstəlikdən danışmağı bir qədər şüurlu edənlər var. Çünki, bu, onlara müəyyən yüngüllük gətirir. Əvəzində, qarşısındaki adam «ağırlaşır». Hətta bunu bilərəkdən etməyənlərdə də alt şüur yüngülləşməni «yadında saxlayır» və insanı bu cür söhbətlərə «təhrik edir». Ümumiyyətlə, onunla söhbətdən sonra özünüzü pis hiss etdiyiniz müsahiblərdən uzaq olun. Bəzi adamlar isə xəstəliyi başqa cür sevirlər. Onlar bu yolla diqqət mərkəzində olmağa çalışır, başqa sözlə, əzizləmək istəyirlər. Psixologiya baxımından yanaşdıqda bunu başa düşmək mümkündür. Xəstəliyə baş əyən, öz gücünə inanmayan insan başqalarının ona dayaq, arxa olmasına ehtiyac hiss edir və nə yolla olur-olsun bunu əldə etmək istəyir. Bu cür insanlar başqalarının yanında şüursuz olaraq zəif, xəstə görünməyə çalışırlar. İnsan çatışmayan nəyinsə yerini bu yolla doldurmaq istəyir, itirdiyini bu yolla kompensasiya etmək istəyir. Bunun ən pis cəhəti odur ki, insan getdikcə bunu şüurlu etməyə başlayır, özünə nəzarəti itirir və rolunu çox şişirdir, yəni çox şit «oynayır». Bu, bir tərəfdən, ətrafdakıların süniliyi hiss etməsinə, digər tərəfdən isə onların bezikməsinə səbəb olur. Nəticədə, qayğı, nəvaziş əvəzinə insan kinayə, qayğızıslıqla üzləşir. 39 Ümumiyyətlə, insanın bir çox «qəribə» hərəkətləri onun kiməsə lazım olmasını, kiməsə onu sevməsini görmək istəyinin nəticəsidir. Uşaq şıltağından tutmuş ailə münaqişələrinə qədər hər şeyin kökundə insanın Sevgiyə olan ehtiyacı durur. Kim isə var- dövlət yığır, kim isə idmanla məşğul olur, kim isə şöhrət dalınca qaçır, kim isə «sevir» və s. Bir sözlə hərə bir cür «narkomandır». Bunlarla insan bir növ, öz başını qatır, çatışmayan nəyinsə yerini doldurur. Yalnız Sevgi bütün bunların mənasız olduğunu insana çatdırır. Əlbəttə, bu o demək deyildir ki, bütün bunlar normal işlər deyil və Sevgi kimi xoşbəxtliyə malik olan insanlara xas deyil. Xeyr, Sevgiyə qovuşan insan da nəyə isə maraq göstərəcək, yəni onun da sevimli işi, məşğuliyyəti olacaqdır. Lakin bu onun həyatının məqsədi, mənası olmayacaqdır, onun üçün narkotikə çevrilməyəcəkdir. İnsanlar sevgini bayağılaşdırıblar, «həqiqi», «yalançı» kimi kateqoriyalara bölürlər. Lakin bircə SEVGİ var. Haqqında düşündüyünüz Sevgi isə, zənnimcə, o böyük SEVGİyə yol açan, ona doğru aparan vasitədir. O isə ürəkdə heç bir nifrətin olmaması, bütün dünyəvi nemətlərə laqeydlik, bir sözlə, sağlam ruh deməkdir. Belə bir kəlam var: «Sağlam ruhda – sağlam bədən». Doğrudur, sovet tibb elminin sevdiyi, xəstəxanaları bəzəyən şüarlardan biri «Sağlam bədəndə sağlam ruh olar» sözləri idi. Bu sözləri çox bəyənirdim. Lakin sonralar oxudum ki, sən demə, qədim həkimlər deyiblər: «Sağlam ruhda – sağlam bədən». Bu fikirlə də razılaşdım, özü də birincini inkar etmədən. Bunlar ilk baxışda əks görünsələr də, bir-birini tamamlayan fikirlərdir. Sağlam bədəndə ruh da sağlam olacaqdır, lakin bədənin sağlamlığı üçün, birinci növbədə, ruhun sağlamlığı, möhkəmliyi lazımdır. (Qüvvətli ruh zəifləmiş bədəni xilas edir. Hippokrat). Dəqiqlik üçün deyim ki, «Sağlam bədəndə sağlam ruh olar» – Mens sana in corpore sano kəlamı Roma şairi Yuvenalın bədən tərbiyəsinə sitayişə şübhə ilə yanaşaraq, təkcə bədənin kamilliyini kifayət hesab etməyərək yazdığı «Kaş sağlam bədəndə 40 həm də sağlam ruh olaydı» - Orandum est ut sit mens sana in corpore sano sözlərinin ixtisarla tərcümə edilməsi zamanı buraxılan səhv nəticəsində yaranıb. Sağlam ruh, həm də sağlam bədənə malik olmaq üçün sağlam həyat tərzinə keçmək lazımdır. Sağlam həyat tərzi dedikdə, mən, ilk növbədə, mənəvi dəyərlərə, əxlaqa söykənən həyatı nəzərdə tuturam. Yalnız yüksək mənəvi dəyərləri uca tutan insan sağlam olmaq xoşbəxtliyinə qovuşa bilər. Bu cür insan həm də düzgün yol seçməyi, hər işdə necə hərəkət edəcəyini də bilir, sağlam olmaqla yanaşı, həyatda uğur qazanmağı da bacarır. Fiziki kamilliyin yolu mənəvi kamillikdən keçir. Sağlam olmağın başqa, asan yolu yoxdur. Həyatda heçnə havayı verilmir, o cümlədən, sağlamlıq. İnsan nəyi isə asan əldə etdiyini güman edirsə, yanılır. Çünki onun əvəzini başqa, bəzən daha qiymətli şeylə ödəyir, özü bu «əlaqəni» görməsə də. Təəssüf ki, dəqiq xatırlamıram: hansısa imperator nəyinsə (deyəsən, məhz sağlamlığı) naminə taxt-tacdan əlçəkib, kələm əkməklə məşğul olub. Hansı ucalıqda olmalısan ki, bunu bacarasan. Bu əlaqəni görənlər müdrik insanlardır. Görə bilməyənlər isə yazıqlardır. Burada Avstraliya yazıçısı M.C.Franklinin sözlərini xatırlamaq yerinə düşərdi. «Əgər fırıldaqçılar düzgünlüyün üstünlüklərini duya bilsəydilər, öz mənfəətləri xatirinə hiyləgərlikdən əl çəkərdilər». Və «yumurtadan yun qırxmağı» sevənlər bilməlidirlər ki, əvəzində onlar «qırxmaq üçün» qoyundan məhrum olurlar. Halal olmayan mənfəət ancaq aldadıcı ola bilər. Təbiətdə mövcud olan bu əlaqənin nəticəsidir ki, bəzən bir üzv müalicə edildikdən sonra başqa bir üzv xəstələnir, bütün üzvləri «zorla» sağaltdıqdan sonra insanın işləri düz bgətirmir və s. Bunu belə təsəvvür edək ki, sağalmaq üçün bir üzvə enerji «havadan» yox, başqa üzvdən və ya energetik sistemin fiziki bədənə «aid olmayan» daha incə qatlarından alınır. Mənim üçün Təbiətin ən böyük qanunu Enerjinin Saxlanması Qanunudur: Enerji heçdən yaranmır və yox olmur, yalnız (!) bir Yüklə 5,09 Kb. Dostları ilə paylaş:
|