7
başqaları var idi. Bu alimlər İslam xaricindən yağan fikri hücumlara
qarşı fikri mücadilələriylə qarşılıq verir, düşmənin atdığı hər şübhəni
qəti və kəskin əqli dəlillərlə söndürürdülər. Bu dönəmdə mötəzili
mütəkəllimlərin də xidmətləri danılmazdır. Onların İslam
düşmənlərinə qarşı elmi qılınc olduqlarını heç kəs dana bilməz.
Bunun ən böyük şahidi tarixdir.
Bax belə, hər dönəmdə ortaya yeni problelmlər çıxdıqda, yeni
üsullarla o problemləri həll edən elm cəngavərləri yaranırdı.
Lakin İslama yönələn bu fikri təhlükələrə qarşı “Əvvəlkilər
danışmayıb biz də danışmırıq” deyib hayqıran, daşlaşmış
zehniyyətə sahib bir firqə də zamana qarışıb varlığını sürdürürdü.
Həşviyyə sinfi. İnsanı heyvandan ayıran ağıl nemətini kənara atan
bu firqə nəyinki İslamın fikri düşmənlərinə qarşı lazımi mübarizə
aparmırdı, hətta kəlam istifadə edərək onlarla mübarizə aparan elm
cəngavərlərinə dil uzatmaqdan da çəkinmirdilər. Yəni iki kəliməylə
ifadə etsək ayaq çəkirdilər. Sözsüz ki, haqq əhli zaman-zaman
onların da çürüklüyünü ortaya qoyur, iddialarının nə qədər gülünc
bir iddia olduğunu həm yazılı həm də şifahi şəkildə isbat edirdilər.
Tərcümə edib oxuculara təqdim etdiyim bu risalə də həmin
hədəfə xidmət edir. Risalə müəllifin dönəmində yaşayan bu
zehniyyətin çürük iddialarına cavab xarkteri daşıyır.
Kiçik də olsa faydası bol olan bu risaləni əslində çoxdan tərcümə
etmişdim. Lakin vaxtın darlığı səbəbiylə üzərində son işləri görüb
oxuculara veriləcək duruma gətirə bilmirdim. Nəhayət heç olmasa
elektron versiyasını çıxarmaq qərarına gəldim. Allahın lütfüylə başa
çatdırdığım bu kiçik işi oxuculara təqdim etmək mənim üçün
sevindirici bir haldır.
Risaləni tərcümə etməklə yanaşı ona bəzi qeydlər də əlavə
etdim. Kitabın gedişatı aydın olsun deyə mətni mövzulara bölərək
uyğun başlıqlar altında qeyd etdim. Faydanın kamilləşməsi üçün
8
müəllifin qısa tərcümeyi halını yazdım və risalə barədə məlumat
verdim. Müvəffəqiyyət Allahdandır.
Rüstəm Mehdi Qubavi
19.03.1436 h./10.01.2015 m.
9
Əbul Həsən əl Əşari
O, Əbul Həsən Əli bin İsmail bin İshaq bin Salim bin İsmail bin
Abdullah bin Musa bin Bilal bin Əbu Burdə bin Əbu Musa əl Əşari,
əl Bəsri əş Şafidir. Adı Əli, künyəsi Əbul Həsəndir. Soyu səhabədən
Əbu Musa əl Əşariyə -radiyAllahu anhu- dayanır. Əsli Əşarilər
qəbiləsindən olduğuna görə Əşari nisbəsiylə tanınır.
İmam Əbul Həsən əl Əşari, Əhli Sünnənin etiqadda iki
məktəbindən biri olan “Əşariyyə” məktəbinin rəisidir. Bəsrədə
doğulub Bağdadda vəfat etmişdir. Ömrünün təxminən otuz beş ilini
Mötəzilə əqidəsində keçirib, əqli elmlərdə məharət sahibi olduqdan
sonra, o məzhəbi tərk edərək Əhli Sünnə məzhəbinə keçmiş,
məharətini bu əqidənin müdafiəsi üçün sərf etmiş, xüsusilə əqli
cəbhədəki ehtiyacı qarşılamışdır.
Deyilənə görə dönüşünə təkan verən səbəblərdən biri Allah
Rəsulunu –sallAllahu aleyhi və əlihi və səlləm- dəfələrlə yuxuda
görməsi, ona "Mənim miras qoyduğum düzgün etiqada dəstək çıx,
olduğun yoldan (etizaldan) uzaqlaş" buyurması və bunun dəfələrlə
yuxuda təkrarlanması olmuşdur. İmam, bundan sonra hər şeyi
kənara buraxıb bir müddət dəlilləri qarşılaşdırmış, üzərində
düşünmüş, nəhayət Əhli Sünnə məzhəbinə keçərək, bütün köhnə
kitablarını etibarsız elan etmiş və Mötəziləyə qarşı amansız kabusa
çevrilmişdir.
Belə ki, o Mötəzilənin imamlarıyla münazərə etmək üçün
məclislər qurar və onları daha öncə məğlub olmadıqları şəkildə
məğlub edərdi. Əbu Səhlin rəvayətinə görə, bir dəfə Əbul Həsən əl
Əşari Bəsrədə Mötəzilə məzhəbindən olan bir qrup alimlə
münazərə məqsədilə məclis qurdu. Münazərədə iştirak edən
alimlər tək-tək məğlub olub susdular. İkinci məclis üçün anlaşıb
qalxdılar. Lakin, ikinci məclis üçün bir mötəzili alim belə məclisə
10
gəlməyə cəsarət etmədi. İmam Əşarinin əshabından biri, "Mötəzilə
alimləri qaçdı" yazılıb qapıya asılmasını istədi.
Əbul Həsən əl Əşarinin İslam daxili bidət firqələrinə və İslam
xarici küfr əhlinə qarşı yazdığı onlarca kitab və risalələri vardır. Bu
firqələrlə sayılmayacaq qədər münazərələrə qatılan Əşari, Əhli
Sünnənin münazərə meydanındakı təmsilçilərindən biri idi.
Məşhur Şeyxləri
Əbul Həsən əl Əşari həm etizalda olarkən, həm də tövbə
etdikdən sonra yaşadığı coğrafiyanın alim bolluğundan istifadə
etmiş, bir çox alimdən dərs almışdır. Şeyxləri arasında Zəkəriyya bin
Yəhya əs Saci, İbn Sureyc, Əbu İshaq əl Mərvəzi, Əbu Xalifə əl
Cuməhi, Abdur Rahmən bin Xaləf əl Bəsri, Muhəmməd bin Yaqub əl
Muqri və başqaları yer almaqdadır. Eləcə də o zaman mötəzilənin
imamlarından
sayılan
Əbu
Əli
əl
Cubəi
də
şeyxin
müəllimlərindəndir.
Məşhur Tələbələri
Şeyxlərinin çoxluğu kimi tələbə sarıdan da yoxluq çəkməyən
Əşarinin tələbələri arasında imamla münazərədən sonra şiəlikdən
dönən yaxın tələbəsi Əbul Həsən əl Bəhili,
2
Əbul Həsən ət Tabəri,
3
Əbul Həsən ər Ruməni, Əbu Zeyd əl Mərvəzi, Əbu Abdullah bin
Mücahid ət Tai əl Bəsri, Bundar bin əl Huseyn əş Şirazi, Əbu Əli əs
2
Muhəmməd Vəlinin qeyd etdiyi sənəddə bu risaləni Əşaridən o rəvayət
edir.
3
Digər çaplardakı sənəddə bu risaləni Əşaridən rəvayət edən məhz bu
imamdır.
Dostları ilə paylaş: |