~ 26 ~
təşkil edirdi
12
.
Dördüncüsü, müharibə illərində almanlara əsir düşmüş
Sovet adamlarının 270 min nəfəri müharibə bitdikdən sonra
vətənə geri dönməkdən imtina edərək Amerikaya emiq-
rasiya etmişlər. Onların 141 min nəfərini litvalılar, latışlar
və estonlar, 128 min nəfərini isə ukraynalılar və ruslar
təşkil edirdi.
Beşincisi, 1941-1942-ci illərdə alman işğalına uğramış
Sovet ərazilərindən milyonlarla əhali SSRİ-nin şərq
rayonlarına evakuasiya edilmişdilər ki, onların da xeyli
hissəsi yeni yaşayış yerlərindən geri dönməmişlər. Məsə-
lən, təkcə Belarusiyadan 1,5 milyon nəfər əhali Volqaboyu,
Ural və Sibir bölgələrinə evakuasiya edilmişdilər.
Altıncısı, müharibə illərindən başlayaraq 1950-ci ilə
qədər, xüsusilə də1944-1945-ci illərdə Stalinin milli ayrı-
seçkilik siyasəti nəticəsində SSRİ-nin qərbində yaşayan bir
sıra etnoslar bütünlüklə, bəziləri də qismən öz doğma
torpaqlarından Qazaxıstana, Orta Asiyaya və Sibirə sürgün
edildilər. Bütünlüklə sürgün edilənlər almanlar, Krım
tatarları, çeçenlər, inquşlar, qaraçaylılar, balkarlar, kalmık-
lar və Axıska türkləri idi. Polyaklar, yəhudilər, yunanlar,
bolqarlar, Baltik xalqları qismən sürgün edildilər. Bütöv-
lükdə üç milyon nəfərdən artıq əhali milli mənsubiyyətinə
12
«Народы России.Энциклопедия» - М.: Болшая Российская
Энциклопедия, 1994, c.61, 246
~ 27 ~
görə arzuolunmaz hesab edilərək SSRİ-nin şərqinə sürgün
edildilər.
Beləliklə, yuxarıda göstərilən faktlardan məlum olur ki,
1940-1950-ci illər arasındaki dövrdə SSRİ-də əhalinin azal-
ması xeyli dərəcədə əhalinin deportasiyası və ya miqra-
siyası ilə bağlı olmuşdur. Müharibə dövründə və müharibə-
dən sonraki 5 ildə təxminən 5,5 milyon nəfər əhali zorla və
ya könüllü SSRİ-ni tərk etmiş, bir milyona yaxın əhali isə
SSRİ-yə köçmüşdür.
Qeyd edək ki, SSRİ-yə gələnlərin 120 min nəfəri
erməni idi. Onların da 95 min nəfəri Ermənistanda məs-
kunlaşmışlar
13
.
Əhali yerdəyişmələri nəticəsində ən çox əhalisi azalan
respublikalar isə Ukrayna, Litva və xüsusilə də Belarusiya
olmuşdur. Qeyd edək ki, Belarusiyada əhalinin sayının
azalması 1950-1954-cü illərdə də davam etmişdir. Belə ki,
Sovet höküməti işğal etdiyi Köniqsberq bölgəsi (indiki
Kalininqrad bölgəsi), Litva, Latviya, Estoniya və Finlan-
diya ərazilərindən deportasiya edilmiş və emigrasiya etmiş
əhalinin tərk etdiyi yaşayış məntəqələrinin slavlarla məs-
kunlaşdırılması prosesinə belarusları da geniş şəkildə cəlb
etmışdi. Görünür ki, bu da Belarusiyanın adı çəkilən ərazi-
lərlə qonşu olması və ya coğrafi yaxınlığı ilə bağlı idi.
13
«Народы России. Энциклопедия» - М.: Болшая Российская
Энциклопедия, 1994, с.62
~ 28 ~
Bütövlükdə apardığımız araşdırmalar göstərir ki, müha-
ribə dövründə Ukrayna və Belarusiyada, eləcə də Litvada
mülki əhalinin qırılması ilə bağlı azalma faizi SSRİ üzrə
olan ümumi göstəricidən, xüsusilə də Azərbaycanla müqa-
yisədə olduqca aşağı olmuşdur. Paradoksal bir sual ortalığa
çıxır: Necə olur ki, 3 ildən artıq (1941-1944-cü illər) bir
dövrdə faşist Almaniyasının işğalı altında olan və böyük
dağıntılara məruz qalan Belarusiya və Ukraynada, eləcə
də digər müharibə görmüş bölgələrdə mülki əhalinin
qırılması ilə bağlı azalması Azərbaycanla müqayisədə
olduqca aşağı olmuşdur?!
Öncə onu qeyd edək ki, bizim hesablamalarımıza görə
Azərbaycanda 1941-ci ilin iyununda əhalinin sayı 3.380
min nəfərdən cox olmuşdur. Müharibə başlayan kimi
Azərbaycanda yaşayan almanlar (1939-cu ildə onların sayı
23 min nəfər idi) Qazaxıstana və Sibirə sürgün edildi.
Ancaq eyni zamanda on minlərlə əhali müharibə bölgə-
lərindən Bakıya evakuasiya edilmişdir. Müharibə illərində
Bakı hospitallarında 400 min nəfərə yaxın əsgər və zabit
müalicə olunmuşdur. Beləliklə, Ukrayna və Belarusiyadan
fərqli olaraq Azərbaycana gələn əhali gedənlərdən daha çox
olmuşdur və bizim hesablamalarımıza görə süni əhali
yerdəyişmələrinin təsirini aradan qaldırdıqdan sonra 1945-
ci ilin sonuna Azərbaycanın əhalisi 2,6 milyon nəfərdən bir
qədər çox olmuşdur. Yəni, müharibə dövründə Azər-
baycan əhalisinin sayı 780 min nəfər və ya 23,1% azal-
~ 29 ~
mışdır. Xatırladaq ki, Sovet Ordusuna səfərbər edilənlərin
sayı 600-650 min nəfər olmuşdur. Onların da 275 min
nəfəri müharibədə həlak olmuşdur. Beləliklə, müharibə
dövründə mülki əhali itkisi yarım milyon nəfərdən çox
olmuşdur, yəni müharibədə ölənlərdən iki dəfə çox. Bu
əhali itkisinin böyük əksəriyyəti kənd əhalisinin payına
düşürdü. Belə ki, kənd yerlərində əsgərlik yaşı çatmış
bütün kişi əhalisi müharibəyə göndərilmişdi. Halbuki
şəhərlərdə, xüsusilə də Bakıda dövlət idarələrində və müəs-
sisələrində işləyən kişi əhalisinin xeyli hissəsi hərbi
səfərbərlikdən azad edilmişdi. Ən başlıcası isə o idi ki,
şəhərlərdə əhali kart sistemi ilə minimum səviyyədə də olsa
ərzaqla təmin edilirdi. Kəndlərdə isə əhaliyə nəinki ərzaq
kartları verilmirdi, üstəlik onlar demək olar ki, ərzaq əldə
edə biləcəyi təsərrüfat mənbələrindən də məhrum edilərək
Allahın ümidinə buraxılmışdılar. Ona görə də kənd yer-
lərində əhali aclıqdan və xəstəlikdən kütləvi şəkildə qırı-
lırdı. Həmin dövrü yaşamış kənd sakinlərinin söylədik-
lərinə görə o illərdə, xüsusilə 1944-cü ildə ölənlərin sayı o
qədər çox idi ki, onları dəfn etmək bir problemə çevril-
mişdi. Belə ki, meyitləri qəbiristanlığa qədər daşımağa
taqəti olan adam tapılmırdı və bu cür hallarda meyitlər öz
həyətlərində və ya yaxın ərazilərdə dəfn edilirdi.
Müqayisə üçün apardığımız demoqrafik araşdırmalar
göstərir ki, qonşu Gürcüstanda və Ermənistanda müharibə
dövründə mülki əhalinin sayı nəinki azalmamış, hətta bir
Dostları ilə paylaş: |