sahəsində biri özəlləşdirilmiş, digəri isə dövlət müəssisəsi olan iki eyni müəssisə tapmaq. Onların
həmişə ya
istehsal guclərində, ya avadanlıq, texnologiya təminatında, ya da digər istiqamətlərində
fərqlər mövcuddur.Eyni zamanda hər bir müəssisənin özünün əhatə olunduğu fərqli iqtisadi, siyasi
və sosial mühit vardır.
Bu baxımdan "Tarixi" yanaşmanı daha üstün hesab etmək mümkündür.Çünki, belə yanaşmada
müqayisənin əsasını müəssisənin özəlləşdirmədən əvvəlki və sonrakı dövrdəki fəaliyyəti təşkil edir.
Bu yanaşmaya Meqqinson və başqalarının (Megginson et al., 1994), Erl və Estrinin (Earle, Estrin,
1997), Perevalov və başqalarının (Perevalov i dr., 1998 q.), Deventor və Malatestanın (Dewenter,
Malatesta, 1998) və digər tədqiqat-çıların əsərlərində rast gəlmək mümkündür.
Təəssüflər olsun ki, bu yanaşmanın da özünəməxsus çatışmazlığı vardır. Belə ki, bu yanaşma
həddindən çox düzxətlidir. Bu yanaşma ilə müəssisənin işinin
özəlləşdirmədən sonra necə
dəyişdiyini qiymətləndirmək mümkün olsa da bu zaman digər faktorların özəlləşdirməyə təsirinin
ayrıca effektini aşkara çıxarmaq çətinlik törədir.
Nəticə
Fikrimizcə, müəssisələrin effektivliyindən danışılarkən bir sıra hallarda dövlət və özəl bölmənin
müqayisəsi qeyri korrrekt nəticələrə gətirib çıxara bilər. Qeyd olunan hallara aşağıdakıları aid
etmək olar.
Birincisi, bir çox ölkələrdə dövlət müəssisələri ictimai əmtəə və xidmətlər üzrə ixtisaslaşmış
tələbatları ödəməyə, sosial və o cümlədən ümumtəsərrüfat öhdəliklərini reallaşdırmağa
xidmət
etdiyindən, onların azgəlirli və qeyri-rentabelli olması təbii qəbul olunmalıdır. Axı, cəmiyyətin
təlabatın ödəmək üçün zəruri olan elə sahələr var ki, (məsələn, kollektiv istifadədə olan məhsul və
xidmətlər,
konkret olaraq yollar, onların işıqlandırılması, svetofor, mayak, təhsil, səhiyyə və s.)
bunlarda yaxşı qazanc üçün stimullar mövcud deyildir.
İkincisi, dövlət müəssisələri bir çox ölkələrdə, xüsusilə də inkişaf etmiş sənaye dövlətlərində
inhisarçı təşkilatlar sayılır. Təbii ki, rəqabətin mövcud olmaması şəraitində hökumətin maliyyə
dəstəyi ilə haqsız rəqabət mühitində fəaliyyət göstərən dövlət təşkilatlarında bürokratiya, qeyri-
effektiv fəaliyyət dairəsi labüddür.
Üçüncü
bir tərəfdən, dövlət müəssisələrində idarəetmə heyətinin əmək haqlarının özəl bölmə ilə
müqayisədə aşağı olması, sözsüz ki, bacarıqlı menecerlərin bu sahədəki fəaliyyətinə stimul
yaratmadığından, onlar daha çox xüsusi bölmədə yüksək əmək haqqı təminatı ilə çalışmağa
üstünlük verirlər.
Yekun olaraq onu qeyd etmək istərdim ki, bazar münasibətləri şəraitində yalnız xüsusi
mülkiyyətçilik şəraitində bütün insanlara məxsus olan resursları tənzimləmək, tələbatları isə
ödəmək mümkün deyildir.
Digər bir tərəfdən, tədqiqatın subyektində müəssisələrin hansı şəraitdə,
xüsusilə də özəlləşdirilmədən əvvəl və sonra səmərəli fəaliyyəti dursa da nəticələri milli
iqtisadiyyatın bütün bölmələrinə şamil etmək də düzgün mənzərə yaratmır. Ola bilər ki, elə sahələr
var ki, onlar dövlətin milli, siyasi və iqtisadi təhlükəsizlik məsələləri ilə əlaqəlidir və yaxud da
başqa bir fəaliyyət cahəsində gəlirin çox olmasını şərtləndirən amillərin mövcudluğu dövləti yalnız
özünəməxsus müəssisələrin bu fəaliyyətlə məşğul olmağa icazə verməyə sövq edir.
Bu hər bir
ölkənin prioritet istiqamətlərinə də şamil oluna bilər.
Bütün bu müzakirələrin nəticələrinə görə özəlləşdirmənin məhz ideoloji motivlərlə diktə
olunması barədə iqtisadi ədəbiyyatlarda özünə yer tapmış fikirlər öz xeyrinə arqument qazansa da,
bizim fikrimizcə, özəlləşdirmənin zəruriliyini istinasız olaraq belə əsaslandırmaq düzgün deyildir.
Özəlləşdirmə hər şeydən əvvəl makro və mikroiqtisadi səviyyələrdə ortalığa çıxmış praqmatik
düşüncələrlə bağlı surətdə real həyata vəsiqə alıb. Birinci halda özəlləşdirmə iqtisadiyyatda bazar
mexanizmlərinin tətbiqini genişləndirmək və möhkəmləndirmək, mərkəzsizləşdirməyə,
inhisarsızlaş-dırmaya şərait yaratmaq, bütün təsərrüfat sistemlərində effektliyi artırmaq üçün
dövlətin sahibkarlıq fəaliyyətinin miqyaslarını azaltmaq məqsədi güdür.
Mikroiqtisadi səviyyədə
isə müəssisələrin fəaliyyətini xarakterizə edən texniki-iqtisadi göstəriciləri yaxşılaşdırmağa, onlara
əlavə vəsait qoyuluşunu müxtəlif vasitələrlə genişləndirməyə, izafi xərclərini ixtisara salmağa
xidmət edir.
1.2. Mülkiyyət hüquqları və korporativ idarəetmə
Ötən əsrin 80-cı illərində Qərb dünyasını bürüyən özəlləşdirmə dalğası, sonradan inkişaf etməkdə
olan ölkələrdə də geniş yayıldı. Çox keçmədən özəlləşdirmə keçid iqtisadiyyatlı dövlətlərin
iqtisadiyyatında iqtisadi dəyişikliklərin ayrılmaz elementinə çevrildi.
Bu prosesin nəticələri
birmənalı olmadığı kimi, onun nəzəri və metodoloji əsasldarına münasibətdə də müxtəlif prizmadan
yanaşmalar üstünlük təşkil edir. Bir çox hallarda bəzi tədqiqatçılar bu iqtisadi fonomeni yalnız
dövlət tənzimlənməsində rəsmi kurs dəyişikliyi kimi izah etməyə çalışırlar ki, burdan da dövlət
bölməsinin qeyri-effektiv fəaliyyətinin lehinə və əlehinə olan müxtəlif konsepsiyalar meydana
çıxır. Lakin belə yanaşma əlavə tədqiqat və təhlilə ehtiyac yaradır. Belə ki, dünya təcrübəsinin
kifayət qədər öyrənilməsi özəlləşdirməyə münasibətdə ziddiyyətli nəticələrin aşkara çıxarılmasına
şərait yaradır. Belə ziddiyyətləri mülkiyyət münasibətlərinin nəzəri əsaslarına münasibətdə də
müşahidə etmək mümkündür.
Hələ qədim Misir cəmiyyətində hökmran mövqedə olan dövlət mülkiyyətinin əksinə olaraq
mülkiyyətə sahiblik və ondan şəxsi istifadə ənənəsi mövcud idi. Belə ki, dövlət aparatında xidmət
göstərən misirlilər öz funksiyasına uyğun olaraq rəhbərlik etdikləri əmlakdan şəxsi mülkiyyət kimi
istifadə edirdilər. Bu zaman tədqiqatçılar dövlət mülkiyyət formasının mərkəzi hakimiyyətin
zəifləməsindən (güclənməsindən) asılı olaraq şəxsi mülkiyyətin xeyrinə ixtisarının (artımının)
labüdlüyünü sübut etməyə çalışırdılar.*
Adam Smit iki əsr bundan əvvəl dövlət torpaqlarının özəlləşdirilməsinin üstünlüyünü təhlil edərək
yazmışdır: Avropada hər bir böyük monarxiya onlara məxsus torpaq ərazilərinin satışından
əhəmiyyətli dərəcədə vəsait qazana bilər. Bu satışdan daxil olan vəsait girov əməliyyatları ilə
müqayisədə daha çox olar və dövlətin borclarının örtülməsində mühüm rol oynaya bilər. Nə vaxt
ki, bu torpaqlar özəl mülkiyyətin obyektinə çevrilə biləcək, onda bir neçə il ərzində orda
məhsuldarlıq artacaq və həmin ərazilərdə əkinlər daha yaxşı becəriləcəkdir"*.
Müasir Qərb iqtisadi ədəbiyyatında mülkiyyət münasibətlərinə baxışlardakı fikir ayrılığı özünü
daha çox mülkiyyət hüququna yanaşmada büruzə verir. İqtisadi nəzəriyyə çərçivəsində mülkiyyət
hüquqları dedikdə sahibkara məxsus olan mülkiyətə münasibətdə ondan
istifadə və onun üzərində