“Qiymətləndirmə meyarının adı”
İstehsalatda zərərli mühit dedikdə nə nəzərdə tutulur?
Kimyəvi təhlükəli və zərərli amillər hansı altqruplara bölünür?
Kəskin peşə xəstəliklərinə səbəb olan zərərli istehsalat şəraiti hansıdır?
Təhlükəli və zərərli
istehsalat faktorları
?
?
?
?
59
4.3.1. Əməyin gigiyenası, əmək prosesini və istehsalat şəraitini, onların orqanizmlə qarşılıqlı
təsirini müəyyən edir
Əməyin gigiyenası, əmək prosesi və istehsal şəraiti
Əməyin gigiyenası - “İnsan-maşın-mühit” sistemində istehsalat mühitinin insan
orqanizminin imkanlarına uyğunlaşdırmaq üçün tədbirlər işləyib, hazırlayır ki,
beləliklə də müxtəlif istehsalat xəstəliklərinin qarşısının alınmasına nail olunur.
Əməyin gigiyenası əmək prosesini və istehsalat şəraitini, onların
orqanizmlə qarşılıqlı təsirini öyrənməklə bərabər, həm də sağlam əmək şəraiti
yaradılması üçün təcrübi üsullar hazırlayır, istehsalat zərəri barədə xəbərdarlıq edib, onların aradan
qaldırılmasına köməklik edir. İnsanın əmək fəaliyyəti zamanı istehsalat, yaxud əmək prosesinin bəzi
amilləri orqanizmə müəyyən müddət mənfi təsir göstərir və nəticədə onun əmək qabiliyyəti azalır. Belə
amillərə, yuxarıda deyildiyi kimi, peşə və ya istehsalat zərərləri deyilir. İstehsalat sanitariyası peşə
zərərlərinin və insanı əhatə edib orqanizmə mənfi təsir edən başqa istehsalat zərərlərinin kifayət qədər
azaldılması və qarşısının alınması üsullarını öyrənir. Əmək şəraitinin sağlamlaşdırılması və əmək
məhsuldarlığının yüksəldilməsi üçün tədbirlər işləyib hazırlayır. İstehsalat sanitariyası ümumi sanitariya
sahəsinin bir bölməsidir. Əhalinin sağlam əmək və həyat şəraitinin yaxşılaşdırılması üçün elmin gigiyenik
tələb və nəticələrinə əsaslanan istehsalat zərərlərini üç qrupa bölmək olar:
Şəkil 4.7 Sahədə təmizlik işləri
1. İstehsalat prosesinin xüsusiyyətindən, maşın və avadanlıqdan asılı olan zərərlər: bu qrupa
qeyri-normal meteoroloji şərait (qeyri-normal temperatur, nəmlik, havanın sürəti, istilik şüalanması),
istehsalatda yaranan tozlar, zəhərli buxar və qazlar, səs-küy, titrəyiş və s. daxildir ki, bunların da
orqanizmə tədricən təsiri nəticəsində müəyyən müddətdən sonra müxtəlif peşə xəstəlikləri meydana
çıxır.
2. Əmək prosesinin xüsusiyyətlərindən və rejimindən asılı olan zərərlər: bu qrupa orqanizmin
sümük-əzələ sisteminin birtərəfli yüklənməsi, uzun müddət oturaq vəziyyətdə işləmə, iş rejiminin
pozulması, normadan artıq işləmə, istirahət vaxtlarının pis təşkili, yaxud pozulması və s. daxildir.
60
3. İstehsalat binalarında yerləşən ümumi məişət avadanlıqlarındakı çatışmazlıqlar: bunlara
istehsalat binalarının qızdırılma və işıqlandırılma sistemindəki
çatışmazlıq, binalarda sanitariya normalarına görə işçilərə lazım
gələn iş yeri həcminin azlığı, ventilyasiya sistemlərindəki
çatışmazlıq və s. daxildir. İstehsalat zərərlərinə qarşı mübarizədə bir
sıra ümumi tədbirlər görülür. Bunlara istehsalat proseslərinin
mexanikləşdirilməsi,
avtomatlaşdırılması,
texnologiyanın
səmərələşdirilməsi, zəhərli toz, buxar, qaz və s. amillər ayrılan
qurğuların
hermetikləşdirilməsi,
işçilərə
fərdi
mühafizə
vasitələrinin verilməsi və s. daxildir.
Sənaye müəssisələri ərazisinin sanitariya cəhətdən
abadlaşdırılması məsələləri də istehsalat sanitariyası bölməsinə
daxildir.
İş yerində sanitar gigiyena qaydalarına əməl etmək, istər
müştərinin, istərsə də özümüzün sağlamlığımız üçün əsas şərtdir. İş
yeri işıqlı, geniş və havası təmiz olmalıdır. İşlədəcəyiniz alət və
ləvazimatlar sterilizə və dezinfeksiya edilməlidir.
İstehsalat otaqlarının və iş yerlərinin mikroiqlimi işçinin sağlamlığına, təhlükəsizliyinə və onun
əmək məhsuldarlığına mühüm təsir göstərir.
Ətraf mühitin temperaturunun artması orqanizmdən istilik ayrılmasını çətinləşdirir, nəticədə
bədənin temperaturu artır, ürək döyüntüsü başlayır, tərləmə güclənir, diqqət zəifləyir, hərəkətlərin
əlaqəliyi pozulur, görmə və eşitmə qabiliyyəti zəifləyir.
Ətraf mühitin temperaturunun aşağı düşməsi də orqanizm üçün zərərlidir, çünki bu zaman
bədən həddən artıq soyuyur, qan dövranı pozulur, qanın immunobioloji xassələri zəifləyir, nəfəs yolları
xəstələnir, yel zökəm və digər soyuqdəymə xəstəlikləri yaranır. Deməli, havanın yüksək və alçaq
temperaturları insan orqanizminin termotənzimləmə aparatının xeyli gərginləşməsinə səbəb olur. Bu isə
əmək məhsuldarlığını azaltmaqla bərabər xəstələnmə və zədələnmə imkanlarını artırır.
Şəkil 4.9 Ətraf mühitin qorunması
İş zonasında mikroiqlimin parametrlərini nizamlayan sanitariya-gigiyena normaları vardır. Bu
normalarla mikroiqlim parametrlərinin optimal və buraxılabilən qiymətləri təyin edilmişdir.
Şəkil 4.8 Ekologiya kitabı
61
Optimal şəraitlər mikroiqlim parametrlərinin elə bir uyğunluğudur ki, onun insana uzun
müddətli təsirində belə termotənzimləmə aparatı gərgin işləmədən orqanizm öz normal funksional və
istilik vəziyyətlərini saxlaya bilir.
İş zonasında mikroiqlim parametrlərinin buraxıla bilən hədləri onların qiymətlərinin elə
uyğunluğudur ki, onun insana müntəzəm və uzunmüddətli təsiri funksional və istilik vəziyyətlərində
sonradan keçib gedən dəyişikliklər yarada bilər. Bu dəyişikliklər insanın fizioloji uyğunlaşma
imkanlarından kənara çıxmır və normal şəraitdə tezliklə qaydaya düşür. Mikroiqlimin buraxılabilən
hədləri sağlamlığı pozmur, lakin insana qeyri-rahat istilik hissiyyatı yaradır, əhvalını pisləşdirir və
işgüzarlığını azaldır.
Şəkil 4.10 Sənaye tullantıları
Örtülü istehsalat otaqlarında və iş yerlərində insan orqanizmini həddən artıq qızmadan mühafizə
etmək üçün səmərəli ventilyasiyanın təşkili, texnoloji avadanlığın qızmar səthlərinin istilik izolyasiyası,
su pərdəsi ilə soyudulması, mühafizə ekranlarının qurulması, istehsal proseslərinin mexanikləşdirilməsi
və s. tədbirlər tətbiq edilir.
İstehsalat otaqlarında və maşınların kabinələrində optimal şəraitlərin yaradılmasında ən yüksək
nəticə havanın kondensasiyasının təşkili ilə əldə edilə bilər.
İlin soyuq və isti vaxtlarında istehsalat binasının xarakteristikasından və işin kateqoriyasından
asılı olaraq iş yerlərində havanın temperaturu, nisbi nəmliyi və hərəkət sürəti normallaşdırılır.
Mikroiqlimi normallaşdırmaq üçün görülən başlıca tədbirlər havanın isidilmə, ventilyasiya və
kondensasiya sistemlərinin tətbiqindən ibarətdir.
4.3.2.Tələbələr üçün fəaliyyətlər
Əmək gigiyenasının əmək prosesinə və əmək şəraitinə təsiri haqqında müzakirə aparın.
Əhalinin sağlam əmək və həyat şəraitinin yaxşılaşdırılması üçün elmin gigiyenik tələb və
nəticələrinə əsaslanan istehsalat zərərləri haqqında esse yazın.
İstehsalat otaqlarının və iş yerlərinin mikroiqliminin işçinin sağlamlığına, təhlükəsizliyinə
və onun əmək məhsuldarlığına təsiri haqqında müzakirə təşkil edin.
4.3.3. Qiymətləndirmə
Aşağıdakı qiymətləndirmə meyarına əsasən qiymətləndirəcəksiniz:
Dostları ilə paylaş: |