qizdirishga eng chidamsizi hisoblanadi [11; 37]. Ovqat tayyorlash jarayonida uning kо‘p qismi
kislorod ishtirokida parchalanib ketadi. Shuningdek, u og‘ir metallar - temir, mis, kumush va
boshqalarning tuzi ishtirokida ham oson oksidlanib, parchalanishi tezlashadi [18; 23].
Vitamin C askorbat kislota ham deyiladi. Askorbat kislota - moddalar almashinuvida,
ayniqsa oqsillarning о‘zlashtirilishida, biriktiruvchi tо‘qimalarni normal holatda tutib turishda va
tiklanishida muhim ahamiyatga ega. Organizmda C vitamin yetishmasa, qon tomirlari devorining
о‘tkazuvchanligi ortadi, tog‘ay va suyak tо‘qimalari strukturasi buziladi, natijada lavsha (singa)
Askorbat kislota odam organizmida hosil bо‘lmaydi va tо‘planmaydi. Organizm о‘ziga
zarur bо‘lgan C vitaminni oziq-ovqatlar bilan olib turadi. Kattalarning bu vitaminga nisbatan bir
kunlik ehtiyoji 60-108 mg, bolalarniki 30-70 mg [43]. Organizmning unga bо‘lgan kundalik
18
ehtiyoji karam, kartoshka, kо‘k piyoz, pomidor va shu kabi boshqa mahsulotlar hisobiga
qondiriladi.
Askorbat kislota kо‘k, chuchuk qalampir, qizil qalampir, qora smorodina, xren, qulupnay,
shovul, limon, apelsin va boshqa kо‘pgina о‘simlik mahsulotlarida anchagina miqdorda bо‘ladi.
Askorbat kislotaning tabiiy konsentrati na’matakdir. 100 g quritilgan na’matak mevasida 1500
mg gacha C vitamin mavjud bо‘ladi.
C vitamin gipovitaminozida qon tomirlari, ayniqsa kapillyarlar о‘tkazuvchanligi buzilib,
teri ostiga qon quyilishi, milkdan qon ketishi kuzatiladi, bu kasallik singa yoki skorbut kasalligi
deb ataladi. Odam singa bilan kasallanganda gialuronat kislota va maxsus oqsil - kollagen
biosintezi ham buziladi. Bu, о‘z navbatida, suyak tо‘qimasining shikastlanishiga, tishlarning
mо‘rt bо‘lib, tezda tushib ketishiga sabab bо‘ladi [43; 51].
Dostları ilə paylaş: