Dövlət və hüquq nəzəriyyəsi
saf prinsipi»ndən çıxış edərək, dövləti
«hüquqi qanunlara
tabe olan
çoxlu insanlardan təşkil olunmuş birlik» kimi şərh etmişdir. Klassik
alman fəlsəfəsinin banisi «Əxlaq metafizikası» adlı məşhur əsərinin
«Hüquq haqqında təlimin metafizik əsasları» hissəsində konkret
olaraq yazır: «Dövlət (civitas)-hüquqi qanunlara tabe olan çoxsaylı
insan birliyidir».''
Kant ali hakimiyyətin hüquqa məxsus olmasını zəruri hesab edir
və bunu belə əsaslandırmağa çalışırdı ki, dövlət özünün çoxsahəli
fəaliyyətində yalnız və yalnız hüquqa əsaslanmalı, bütün fəaliyyətini
hüquqla razılaşdırmalıdır. Kanta görə, ümumi hüquqi qanun belə tələb
edir; «zahirən elə hərəkət et ki, sənin istəklərinin azad ifadəsi hər
kəsin ümumi qanundan irəli gələn azadlığına uyğun olsun».2 O,
həmçinin hesab edirdi ki, bəşəriyyət üçün ən mühüm məsələ «ümumi
hüquqi vətəndaş cəmiy- yətiy>
səviyyəsinə yetişməkdir.
Göründüyü kimi, Kant «hüquqi dövlət» anlayışından istifadə
etməsə də «hüquqi dövlət quruluşu», «hüquqi qanunlar», «hüquqi
vətəndaş cəmiyyəti» anlayışlarına müraciət edir.
Kant bildirirdi ki, qanunverici hakimiyyət yalnız xalqın birləşmiş
iradəsinə məxsus ola bilər. Cəmiyyətin, yəni dövlətin qanunvericilik
üçün birləşmiş üzvləri vətəndaş hesab olunurlar. Bu statusun
mahiyyətindən ayrı olmayan hüquqi atributlar isə bunlardır: qanunla
müəyyənləşmiş qaydada hər kəsin özünün razılıq verdiyi
qanunlardan başqa heç bir qanuna tabe olmamaq azadlığı; vətəndaş
bərabərliyi; vətəndaş sərbəstliyi. Lakin vətəndaşlar qanunvericilik
qaydasında müəyyənləşən qanunlara razılıq versələr də, qanunların
hamısı hər bir halda azadlığın təbii qanunlarına uyğun olmalı,
həmçinin bərabərliyi inkar etməməlidir. Beləliklə, Kant vətəndaşın
azadlığını yalnız onun özünün razılıq verdiyi qanunlara tabe
olmasında görürdü. Hər bir vətəndaş
' Кант Иммануил.
Собрание сочинений в всеми томах. Том 6. М.,
1994, 5.344.
2
Кант Иммануил.
Собрание сочинений в всеми томах. Том 6. 8.254.
591
ilqar Məmmədov
həmin qanunlara digər vətəndaşlarla birlikdə qanunvericilik
sahəsində ifadə etdikləri iradə vasitəsilə razılıq verir. «Azadlıq
qanunu»na görə, dövlətin başçısı xalqın özü ola bilər. Bununla
bərabər, Kanta hesab edirdi ki, xalqın dövlətin başçısı kimi özünə
münasibəti hakimiyyətin üçlüyə: 1) qanunverici, 2) icra və 3)
məhkəmə hakimiyyətlərinə bölünməsində ifadə olunur. Kant
respublikanı azadlıq şərtlərinə cavab verən yeganə dövlət quruluşu
hesab edir»."'
Əgər Kant hüquqi qanunları və hüquqi dövləti şüurun tələbi kimi
çıxış edən və rəhbər tutulması vacib olan ideal-nəzəri konstruksiya
hesab edirdisə, klassik alman fəlsəfəsinin digər məşhur
nümayəndəsi Hegelə görə, belə bir dövlət həqiqidir, yəni insanların
həyatında şüurun praktiki olaraq realizə olunmasını ifadə edən bir
gerçəklikdir. Şüurdan irəli gələn bu gerçəklik ideya olsa da o, idealla
dəyişik salınmamalıdır.
Hegel yazır ki, hüquq azadlığın gerçəkliyidir. Dövlətin özü də
hüquqdur, məhz konkret və daha çox inkişaf etmiş, məzmunca daha
zəngin olan hüquq. Çünki o, öz varlığı ilə fərdə, insanların təşkil etdiyi
ailələrə və cəmiyyətə verilən hüququ ehtiva edir, ictimai həyatın
dövlətlə təşkilatlanması nəticəsində hər şey hüquqi əsas üzərində
qurulur, insanın yüksək mənəvi dəyərləri də məhz dövlətdə, dövlət
vasitəsilə realizə olunur. Vətəndaş cəmiyyəti dövlətdə müəyyənləşən
hüquqi təsisatlar vasitəsilə ayrı-ayrı şəxslərin maraqlarını təmin edir,
onların mülkiyyətini və ictimai qaydanı qoruyur.
Təbii ki, Hegel etatistdir (etatizm, dövləti ictimai inkişafın ali
məqsədi və nəticəsi hesab edən siyasi cərəyandır). Lakin
V.A.Çetverninin yazıdığı kimi o, «hüquqi etatistdir». O, məhz hüquqi
dövlət kimi xarakterizə edilən dövləti tərif edir, fərdlərin və cəmiyyətin
hüququnu da dövlətə ona görə tabe edir ki, dövlət hüquq xarakterli
bütöv bir sistem kimi məzmunca daha zəngindir və həmin sistem
azadlığın həyata keçdiyi, reallaşdığı mühitdir. Ona görə də, dövlət
azadlığın daha çox inkişaf etmiş gerçək-
' Асмус В.Ф. Иммануил Кант. M., 1973, s. 96.
592
Dövlət və hüquq nəzəriyyəsi
liyidir. Dövləti həddindən artıq öydüyunə görə K.Popper də daxil
olmaqla bir çoxları Hegeli totalitarizmin fikir atalarından biri hesab
edir. Əslində isə Hegelin etatizmi bütün növ totalitarizmdən radikal
şəkildə fərqlənir. Onun hüquqi dövləti birmənalı şəkildə və birbaşa
özbaşınalığa, xüsusi şəxslər və dövlət hakimiyyəti tərəfindən həyata
keçirilən məcburiyyət tədbirlərinin bütün qeyri- hüquqi formalarına
qarşı yönəlmiş bir dövlətdir. Buna görə də Hegelin etatizmi
totalitarizmə qarşıdır.
Hüquqi dövlət ideyasının «atası» Kant hesab olunsa da, müasir
alman tədqiqatçıları göstərirlər ki, «hüquqi dövlət» anlayışını ilk dəfə
1813-cü ildə K.T.Velker işlətmiş, 1824-cü ildə İ.X.Frayxer fon Aretin
öz əsərində həmin anlayışdan istifadə etmiş və yalnız 1829-cu ildə
Robert fon Mol «hüquqi dövlət» anlayışından siyasi və hüquqi elmlər
sahəsində geniş şəkildə istifadə edilməsinə yol açmışdır. Həmin
müəlliflər hesab edirdilər ki, hüquqi dövlət konkret bir dövlət tipidir.
Robert fon Mol, həmçinin hüquqi dövləti patriarxal dövlətə,
teokratiyaya və despoti- yaya qarşı qoyur və göstərir ki, bu dövlət ilk
növbədə polis (jandarm) dövlətinə əks reaksiya kimi meydana
gəlmişdir.’’
A.N.Sokolov etibarlı mənbələrə istinadən yazır ki, istər
Almaniyada, istərsə də Rusiyada tədqiqatçıların bir çoxu yanlış
olaraq belə hesab edirlər ki, «hüquqi dövlət» anlayışı ilk dəfə 1832-ci
ildə Tyubingem universitetində çalışan hüquqşünas-alim Robert fon
Mol tərəfindən işlədilmişdir. Lakin R.Molun özü də açıqlayır ki, o, bu
anlayışı başqalarının əsərindən götürüb istifadə etmişdir.
XIX əsrin birinci yarısında Almaniyada hüquqi dövlət polis
(jandarm) dövlətinin (başqa cür desək polis rejiminin) tam əksi hesab
edilirdi. «Polis dövləti» anlayışı Almaniyada, məhz bu dövrdə geniş
istifadə edilməyə başlamışdır. O, hüquqla «pərdələnmiş»
özbaşınalığın sinonimi hesab edilirdi. Belə bir fikir geniş yayılmışdır ki,
hüquqi dövlət polis dövlətindən doğaraq
’ Соколов A.H. Правовое государство: от идеи до ее материа
лизации. S.34, 45-46.
593
Dostları ilə paylaş: |