ilqar Məmmddov
onun antipoduna çevrilmişdir. Buna görə də, Robert fon Mol hüquqi
dövləti polis dövlətinə qarşı yönələn reaksiyadan irəli gələn «əqlin
dövləti» hesab edirdi.
Həmin dövrdə Almaniyada hüquqi dövlət barəsində formalaşmış
nəzəri fikrin əsas müddəalarında onun aşağıdakı xarakterik
xüsusiyyətlərə malik olduğu göstərilir:
1.
Dövlət tanrının iradəsilə yaranan və ilahi nizamı özündə
təcəssüm etdirən təşkilat deyil, o, ümumilikdə hamının, həmçinin
ayrı-ayrılıqda hər bir kəsin maraqlarına uyğun gələn yaşayış tərzidir.
Dövlət nizamının əsasını öz taleyini sərbəst surətdə həll edə bilən,
digərləri ilə bərabər hüquqlara malik olan azad fərd və onun yer
üzərindəki həyatı ilə bağlı olan maraq və məqsədləri təşkil edir.
İnsanın fövqəltəbii yönümlü maraqları və fəaliyyəti, mənəviyyat
sahəsi və din hüquqi dövlətin səlahiyyətlərindən kənarda qalır.
2.
Dövlətin
məqsəd
və
vəzifələri şəxsin
azadlığının,
təhlükəsizliyinin, özünü inkişaf etdirmək imkanlarının təmin edilməsi,
mülkiyyətinin qorunması ilə məhdudlaşır.
3.
Dövlət hakimiyyətinin təşkili və onun fəaliyyəti əqlin
prinsiplərinə uyğundur. Onlara, ilk növbədə, əsas vətəndaş
hüquqlarının tanınması, mülkiyyətin təminatı, məhkəmələrin
müstəqilliyi, hökumətin məsuliyyət daşıması, qanunların hakimiyyəti
(aliliyi), nümayəndəlilik institutunun mövcudluğu və xalqın
qanunverici hakimiyyətdə iştirak etməsi ilə əlaqədar olan prinsiplər
aiddir.''
Liberalizmin inkişafının ilk dövrlərində hüquqi dövlət ideyasının
konkretləşməsi baxımından qanun anlayışı mühüm rol oynamışdır.
Həmin dövrdə qanun anlayışı maddi və prosessual əlamətləri özündə
birləşdirən, xalqın verdiyi razılığa görə həyata keçirilən və formallıq
xüsusiyyətinə malik olan ümumməcburi universal norma kimi
təsəvvür edilirdi. Bu cür başa düşülən qanun inzibati aparat üçün də
ümumməcburi hesab olunurdu.
' Соколов A.H. Правовое государство: от идеи до ее материа
лизации. S. 46-47.
594
Dövlət və hüquq nəzəriyyəsi
Onu da qeyd etməliyik ki, hətta yeni dövrdə də hüquqi dövlət
ideyası düz bir xətt üzrə inkişaf etməmişdir. Belə ki, XIX əsrin ikinci
yarısında hüquqi dövlət ideyasının «formal» səviyyəyə reduksiya
edilməsi nəticəsində hüquqi dövlət hüquqiliyi formal qanunlar
vasitəsilə müəyyənləşən dövlət kimi yox, «formal hüquqi dövlət» kimi
şərh edilməyə başlamışdır.
Bu məsələdə mühüm rol oynamış konservativ filosof Fridrix
Yulius Ştal öz mühazirələrində deyirdi ki, dövlət hüquqi dövlət
olmalıdır. Dövlət hüququn köməyi ilə öz fəaliyyətinin, həmçinin
vətəndaşların azadlıq sahəsinin hüdudlarını dəqiq müəyyənləşdirməli
və dövlət borcu kimi hüquq sahəsi ilə müəyyənləşən çərçivədə
mənəvi ideyanı həyata keçirməlidir (onun həyata keçirilmə
məcburiyyətini təmin etməlidir). Lakin bunlar dövlətin məqsəd və
məzmunu deyil, onun növünü və xarakterini müəyyənləşdirməlidir.
Göründüyü kimi, Ştalı maraqlandıran dövlətin məqsəd və
məzmunu yox, dövlətdə hakimiyyətin hansı formada həyata
keçirilməsi məsələsidir.
Ştaldan sonra onun fikirlərini Rudolf fon Qneyst inkişaf
etdirmişdir. Qneystə görə, hüquqi dövlətdə dövlət idarəetməsi
qanunlar çərçivəsində həyata keçirilir. Lakin bu zaman qanunlar icra
hakimiyyətinin həyata keçirdiyi fəaliyyətin məzmununu yox,
hüdudlarını və çərçivəsini təşkil edir. Bundan əlavə, hüquqi dövlət
idarəetmə zəncirinin həlqələrini özünüidarəetmə formasında təşkil
edir. Belə bir özünüidarəetmə yerli dövlət məsələləri həll edilərkən
dövlətin müəyyənləşdirdiyi qanunlara uyğun qaydada əhalinin dövlət
qurumlarında iştirak etməsi ilə ifadə olunur. Bununla da, ictimai
qüvvələr yerli Və regional səviyyələrdə dövlətlə təşkilatlanmış
qaydada aktiv əməkdaşlıq edə bilirlər. Qneystə görə, hüquqi dövlət
ideyasının həyata keçməsi, ilk növbədə, möhkəm inzibati qanunların
tətbiqinə əsaslanır.
F.Y.Ştala və R.fon Qneystə yaxın mövqedən çıxış edən XIX
əsrin tanınmış alman hüquqşünas alimləri Otto Ber, L.fon Şteyn,
O.Mayer hüquqi dövləti inzibati sistemin qanunla bağlı olması, qanun
pozuntusuna yol verən məmurların öz əməllərinə görə məsuliyyət
daşıması və bu kimi bir sıra prinsiplərə riayət edən.
595
ilqar Məmmədov
konstitusion əsası olan inzibati hüququ inkişaf etmiş dövlət kimi
xarakterizə edirdilər. Onların fikrincə, hüquqi dövlətin mövcudluğu, ilk
növbədə, inzibati sistemin həyata keçirdiyi fəaliyyətin hüquqi
cəhətdən nizamlanması və məhkəmənin nəzarətində ola bilməsi ilə
bağlıdır.
Dövlət və hüquq haqqında bu cür görüşlər, konsepsiyalar XIX
əsrin ikinci yarısında hüquqi pozitivizmin formalaşmasına və inkişaf
etməsinə yaxından təsir göstərmişdir. Həmin konsepsiyalarda
hüquqi dövlətin formal-hüquqi izahı verilmiş, nəzəri-hüquqi və fəlsəfi
yöndən izah edilməsinə isə bir o qədər də böyük əhəmiyyət
verilməmişdir. O dövrdə Q.Meyer və Q.Anşyus tərəfindən
hazırlanmış Almaniyanın dövlət hüququna aid dərslikdə deyilir ki,
hüquqi dövlət ədliyyənin və inzibati sistemin təbəələrə münasibətini
elə bir hüquqi qaydaya salır ki, bunun nəticəsində həmin sistemin
nümayəndələri qanunlara zidd hərəkət etməyə cürət etmir və
təbəələrin azadlığına da yalnız qanunun icazə verdiyi dərəcədə
müdaxilə edirlər.'’ Buradan da görünür ki, həmin bu mövqedən çıxış
edən hüquqşünas alimləri qanunların humanist dəyəri, mahiyyəti
maraqlandırmır, onlar hüquqi dövlət barəsində formal-hüquqi
xarakterli bir təsəvvür formalaşdırmağa üstünlük verirlər.
XIX əsrin ikinci yarısı, XX əsrin əvvəllərində Avropada hüquqi
pozitivizmi K.Gerber, D.Daysi, G.Yellinek, R.Yerinq, N.Korku- nov,
P.Laband, A.Esmen və s. məşhur hüquqşünas alimlər təmsil
edirdilər. Hüquqi pozitivizm konsepsiyalarının əsas məğzini dövlət
hakimiyyətinin pozitiv hüquqla məhdudlaşması ideyası təşkil edir.
Hüquqi pozitivizmin nümayəndələri hüquqla qanun arasında fərq
qoymurlar. Onlar hüququn nə olduğunu müəyyənləşdirərkən yalnız
dövlət tərəfindən müəyyənləşən və müdafiə olunan normalarla
(hüquq normaları ilə) məhdudlaşırlar. Onların fikrincə, hüquq özündə
yalnız dövlət tərəfindən müəyyənləşən hüquq normalarını əks etdirir
və dövlətin həyata keçirdiyi hüquq- yaradıcılığının nəticəsi kimi çıxış
edir. Buna görə də, hüquqi döv-
’ Соколов A.H. Правовое государство: от идеи до ее материа
лизации. S. 57.
596
Dostları ilə paylaş: |