15
maddələrin) mübadilə məhsullarını, o cümlədən metabolitləri nəqletmə rolunu
oynayır. Damarlar maye halında qanın axması üçün yalnız boru rolunu oynamır,
həm də hemodinamikanın saxlanılmasında, damardaxili ilə damardan kənar mühitlə
mübadilədə fəal iştirak edir.
..................
16
17
18
19
QAN SISTEMININ FIZIOLOGIYASI
(C.2++)
1.
Qanın əsas funksiyaları. Qanın göstəriciləri və fiziki-kimyəvi
xarakteristikası. Qanın tərkibi.
2.
Hemostaz sistemi.
3.
Qan qrupları. Rezus sistemi.
20
4.
Hemopoezin və hemostazın pozulmalarının farmakoloji korreksiyası.
Qan, limfa, toxuma, onurğa beyni, plevra, oynaq mayeləri və digərləri (su)
orqanizmin daxili mühitini təşkil edir. Başqa sözlə orqanizmin hücetrəxarici bütün
fizioloji maye sahələri daxili mühiti təşkil edir. Daxili mühitin komponentləri öz
sabitliyi və fiziki-kimyəvi parametrlərinə görə bir-birindən fərqlənir ki, bu da
orqanizm hüceyrələrinin və toxumaslarının normal həyat fəalyyətləri üçün əlverişli
şərait yaradır. (Hüceyrədaxili maye daxili mühitə aid edilmir).
Orqanizmin daxili mühitinin sabitliyi haqqında fikrini, qeyd edildiyi kimi, ilk
dəfə 100 il əvvəl fizioloq Klod Bernar irəli sürmüşdür. O belə qənaətə gəlmişdir ki:
“Orqanizmin daxili mühitinin sabitliyi müstəqil mövcudluğun, yəni ətraf mühitin
kəskin dəyişkənliyindən sərbəst olan (asılı olmayan) həyatın şərtidir”.
1929-cu ildə Uolter Kennon orqanizmibn daxili mühiti ilə əlaqədar
“homeostaz” ifadəsini işlətmişdir. Hal-hazırda hemostaz dedikdə orqanizmin daxili
mühitinin dinamiki sabitliyi, eləcə də bu vəziyyəti təmin edən tənzimləyici
mexanizmlər başa düşülür. Homeostazın saxlanılmasında qan əsas rola malikdir.
1939-cu ildə Q.F.Lanq qan sistemi haqqında təlimi yaratmışdır ki, bura
damarlarda dövr edən periferik qan, qanyaradıcı və qanı parçalayan orqanlar,
habelə tənzimləyici neyro-humoral aparat daxil edilmişdir.
(A.Q.: daha ətraflı məlumat vermək olar).
Qanın əsas funksiyaları
Damarlarda sirkulyasiya edən qan aşağıdakı funksiyaları yerinə yetirir:
1.
Transport (nəqletmə) funksiyası – müxtəlif maddələrin (oksigenin, karbon
qazının, qida maddələrininin, hormonların, mediatorların, elektrolitlərin,
fermentlərin və s.) daşınması.
2.
Tənəffüs funksiyası (transport funksiyasının növ nüxtəlifliyi – oksigenin
ağ ciyərlərdən toxumalara, karbon qazının toxumalardan ağ ciyərlərə daşınması,
oksigen büdcəsinin təmin edilməsi.
3.
Trofiki funksiyası (transport funksiyasının növ nüxtəlifliyi- əsas qida
maddələrinin (enerji subctratlarının) həzm orqanlarından toxumalara daşınması.
4.
Ekskretor funksiyası (transport funksiyasının növ nüxtəlifliyi– maddələr
mübadiləsinin son məhsullarının (sidik cövhərinin, sidik turşusunun v. s.), suyun
artıq hissəsinin, üzvi və mineral maddələrin xaric etmək üçün orqanlara
(böyrəklərə, tər vəzilərinə, ağ ciyərlərə, bağırsaqlara) daşınması.
5.
Temperatur tənzimləyici (Termorequlyasiya) funksiyası –istiliyin orqanlar
arasında bölüşdürülməsi (hərarətin daha çox qızdırılan orqanlardan az qızdırılan
orqanlara daşınması), dəri vasitəsi ilə tənzimi.
6.
Immun müdafiə funksiyası – spesifik və qeyri-spesifiki immunitetin
həyata keçirilməsi: leykositlərin faqositar fəallığı ilə reallaşdırılır (hüceyrə
Dostları ilə paylaş: |