limanlarının iqlim xüsusiyyətlərindən (aylıq və yaxud fəsillik)
istifadə etmək faydalıdır.
Məntəqə üzərində və marşrut üzrə küləyin istiqaməti və
sürətinin proqnozları hidrotermodinamika tənlikləri, kompüterlərin
köməyilə qabaqcadan hesablanmış barik topoqrafiya xəritələri
vasitəsilə tərtib edilirlər. Qabaqcadan hesablamalar, adətən, 12, 18
və 24 müddətlərində 850, 700, 500, 400, 300 və 200 hPa səthlər
üçün aparılır. Proqnostik barik topoqrafiya xəritələri üzrə
küləklərin qabaqcadan hesablanması qradiyent küləklərin istiqamət
və sürətlərinin təyin olunmasından ibarətdir. Bunun üçün
aşağıdakıları yerinə yetirmək lazımdır:
a) proqnoz müddətlərinə və verilmiş hündürlüklərə uyğun olan
barik topoqrafiya xəritələri seçilir;
b) seçilmiş xəritələrdən verilmiş rayon üçün qradiyent
xətkeşinin
köməyilə
geostrofik
küləklərin
sürəti
(V
g
)
nomoqrammanın köməyi ilə və izohipslərin əyrilik radiusu
vasitəsilə hesablanır. Əyrilik radiusu 3000 km-dən çox və yaxud
geostrofik küləyin sürəti 60 km/saat-dan az olarsa, onda küləyin
proqnoz sürəti olaraq geostrofik küləyin tapılmış qiyməti qəbul
edilir;
c) əgər əyrilik radiusu 3000 km-dən az, geostrofik küləyin sürəti
isə 60 km/s-dan çox olarsa, onda onların qiymətinə görə və
izohipslərin əyriliyindən asılı olaraq geostrofik sürətdən qradiyent
sürətə keçmək üçün K əmsalı müəyyən edilir:
V = KV
g
,
burada,
V
g
– geostrofik külək, K – əmsal.
d) əgər verilmiş hündürlüklər izobarik səthin hündürlüyündən
çox fərqlənmirsə, onda həmin hündürlükdə qradiyent küləklər iki
bir-birinə yaxın izobarik səthlər arasında interpolyasiya yolu ilə
müəyyən edilir.
Böyük məsafəli hava yolları üçün küləklərin və eləcə də başqa
meteoroloji kəmiyyətlərin proqnozları yolun ayrı-ayrı hissələri üzrə
tərtib edilir.
Maksimal külək sahələri
mərkəzlərinin yerdəyişmə proqnozu
şırnaqlı axınların səciyyəvi nöqtələrinin yerdəyişməsinin proqnozu
kimi tərtib edilir.
Güclü
küləklər
bəzi
təhlükəli
meteoroloji
hadisələrin
yaranmasına səbəb olur. Küləklərlə bağlı olan atmosfer
hadisələrinə aşağıdakıları qeyd etmək olar: qasırğalar, çovğunlar,
toz fırtınaları, qum fırtınaları və s.. Bütün bu adları sadalanan
təhlükəli atmosfer hadisələrinin qabaqcadan xəbər verilməsi və
aviasiya uçuşlarına mənfi təsirləri onların proqnoz məsələlərinin
daha yaxından tədqiqatını, öyrənilməsini labüd edir.
Qasırğa
zamanı küləyin sürəti onun qradiyent sürətindən böyük
olur və çox vaxt 30-40 m/san təşkil edir. Əgər qasırğalar atmosfer
cəbhələrinin keçməsi nəticəsində baş verərsə, bu zaman barik
mərkəzlər arasında olan fərqə də baxılmalıdır. Qasırğanın baş
verməsi tufan və leysanla müşayiət olunan güclü topa-yağış (Cb)
buludlarının inkişafı ilə də əlaqədardır. Qasırğalar qısamüddətli
olmaqla, çox zaman isə bir neçə saat ərzində ötüb keçirlər, lakin
təhlükəlidirlər, keçdikləri yerlərdə böyük dağıntılar törədirlər.
Qasırğalar
kütlədaxili
və
cəbhə
qasırğalarına
bölünürlər.
Kütlədaxili qasırğalar tufan inkişafında isti, dayanıqsız, rütubətli
hava kütlələri üçün səciyyəvidir. Cəbhə qasırğaları ən çox soyuq
cəbhələr və soyuq okklyuziya cəbhələri ilə əlaqədar olurlar.
Qasırğalar, xüsusilə, cəbhə dalğasının isti bölməsinin təpəsi
yaxınlığında tez-tez əmələ gəlir.
Aşağıdakı sinoptik şəraitlərdə qasırğaların baş verməsi
proqnozlaşdırıla bilər:
1.Yayda şimal-şərqdən cənub-qərbə və yaxud şimaldan cənuba
istiqamətlənmiş dalğa şəkilli soyuq cəbhələrin yerdəyişmələri
zamanı;
2.Yüksək barik çuxurların ön (adətən, şərq) və yaxud yüksək
barik yalların orta hissələrində izohipslərin dağılması müşahidə
edilən ərazilərdə;
3.Sərhəd
təbəqəsində
bircins
hava
kütlələrində
xüsusi
rütubətliyin böyük (10 q/kq və daha çox) olması zamanı;
4. Hava kütlələrinin rütubətli dayanıqsız olması zamanı;
5. Soyuq cəbhələr önündə yüksək temperaturun (30
0
C və daha
çox) müşahidə edilməsi və soyuq cəbhələr arxasında təzyiqin xeyli
yüksəlməsi (3-5 hPa/3 saat və daha çox). Güclü qasırğalar
hündürlüklərdə yalnız güclü küləklər olduqda mümkündür.
Qış dövründə külək gücləndikdə
çovğunlar
da müşahidə edilir.
Aşağıdakı
meteoroloji
və
sinoptik
şəraitlərdə
çovğunları
proqnozlaşdırmaq mümkündür:
Meteoroloji şəraitlər:
1. Mülayim və güclü küləklər;
2. Havanın temperaturunun mənfi olması;
3. Güclü küləklə birlikdə qarın yağması (ümumi çovğunlar);
4. Quru qar örtüyü, xüsusilə buz örtüyü üzərinə düşən qar.
Çovğunların proqnozu zamanı nəzərə alınmalı olan əsas
sinoptik
şəraitlər
isə aşağıdakılardır:
1. Siklonlar və güclənən antisiklonlar arasında sərhəd zonaları;
burada barik qradiyent böyükdür və güclü küləklər müşahidə edilir;
2. Şimala və şimal-şərqə hərəkət edən cənub siklonlarının
çıxıntıları;
3. Dərinləşən siklonlar barik sistemində cəbhə yağıntıları (qar)
zonası;
4. Siklonların arxa hissələri; burada dayanıqsız hava
kütlələrində güclü küləklə müşahidə edilən alçaq çovğunlar, leysan
qar yağdıqda isə ümumi çovğunlar baş verir.
Toz fırtınaları,
adətən, ilin isti dövrlərində və az rütubətli hava
şəraitlərində müşahidə edilirlər. Toz (qum) fırtınası çovğunun
analoqudur. Onun üfüqi və şaquli ölçüləri küləyin gücündən və
turbulent qarışmanın intensivliyindən asılıdır. Toz fırtınası
çovğunlara oxşar prinsipdə proqnoz edilir, burada sadəcə relyef,
səth örtüyü və digər yerli şəraitlər mütləq nəzərə alınmalıdır.
Turbulentliklərin sinoptik metodlarla proqnoz
Dostları ilə paylaş: |