XX FƏSİL XÜSUSİ İCRAA TLAR
m
dan, məhkumun islah edilərək cəmiyyətə yararlı bir şəxs kimi tərbiyə
olunmasında və bununla da bütünlükdə ədalət mühakiməsinin
qarşısında duran vəzifələrin həyata keçirilməsindən ibarətdir.
Nəticə etibarilə hökmün icrası mərhələsinin anlayışı prosessual
hüquq baxımından müəyyən edilərkən bu mərhələdə yerinə yetirilən
hərəkətlərin heç də hamısını əhatə etmək mümkün deyildir. Ona görə də
belə bir fikirlə razılaşmaq lazımdır ki, hökmün icrası mərhələsinin
anlayışına bu mərhələdə həll olunan məhz başlıca məsələləri
ümumiləşdirilmiş formada daxil etmək lazımdır. Yəni bu, o deməkdir
ki, bu anlayışda hökmün icrası mərhələsinin məzmununu təşkil edən
hərəkətlər qruplaşdınimış şəkildə (prosessual formada) öz ifadəsini
tapmışdır.
Hökmün icrası mərhələsinin mahiyyəti ilə əlaqədar olaraq bəzi pro-
sessualistlər belə bir fikir söyləyirlər ki, bu mərhələ müstəqil olsa da onu
digər prosessual mərhələlərlə bərabər tutmaq olmaz. Bu fikir onunla
əsaslandmlır ki, hökmün icrasına qədər cinayət mühakimə icraatının
vəzifələri artıq yerinə yetirilmiş olur (106. s.27; 87. s.47). Amma belə bir
mövqe ilə razılaşmaq qeyri-mümkündür. Ona görə ki, cinayət mühakimə
icraatının ümumi vəzifələri prosesin hər bir mərhələsində özünəməxsus
konkret prosessual formada həyata keçirilir. Belə ki, CPM-in 8-ci
maddəsində nəzərdə tutulan cinayət mühakimə icraatının vəzifələri o
zaman tamamilə yerinə yetirilmiş hesab edilə bilər ki, məhkəmənin
hökmdə gəldiyi qərar real olaraq yerinə yetirilsin, bu isə ancaq hökmün
icra edilməsinin başa çatdırılmasında ifadə oluna bilər.
Nəzərə almaq lazımdır ki, cinayət mühakimə icraatının vəzifələrini
təkcə cinayətin üstünü açmaq, təqsirli şəxsləri müəyyən etmək, habelə
haqqında cinayət təqibi apanlan şəxsin təqsirsizliliyini sübuta
yetirməklə məhdudlaşdırmaq düzgün olmazdı. Çünki əsas vəzifə təqsirli
şəxslərə cəza təyin etmək və yaxud bəraət vermək deyil, onu real olaraq
tətbiq etməkdədir. Əgər hökm çıxanlıbsa, lakin qanuni qüvvə aldıqdan
sonra icra edilməyibsə, mahiyyətcə bu o deməkdir ki, həmin iş üzrə
mühakimə icraatının vəzifələri yerinə yetirilməmişdir. Geniş mənada bu
məsələyə yanaşsaq onda görərik ki, hökmün icra edilməməsi
bütövlükdə ədalət mühakiməsi vəzifələrinin yerinə yetirilməməsi kimi
qiymətləndirilməlidir. Bununla da sübuta yetirilir ki, öz prosessual
əhəmiyyətinə görə hökmün icrası mərhələsini prosesin digər
mərhələləri ilə müqayisədə heç də ikinci dərəcəli mərhələ hesab etmək
olmaz.
m
Mirağa Cəfərquliyev
Hökmün icrası mərhələsinin vacibliyi bir daha onunla əsaslandınla
bilər ki, əvvəlki cinayət-prosessual qanunvericiliyə nisbətən yeni
qanunvericilikdə hökmün icrası mərhələsində məhkəmənin səlahiyyəti
daha da genişləndirilmişdir. Yəni əvvəllər inzibati qaydada həll edilən
bir sıra məsələlərin həlli yeni CPM-də məhz məhkəmənin səlahiyyətinə
aid edilmişdir. Belə məsələlərə məhkumluğun götürülməsi, cəzaçəkmə
müddətinin ümumi əmək stajına daxil edilməsi, məhkumun xəstəliyə
görə vaxtından əvvəl cəzadan azad edilməsi və s. bu kimi məsələləri
misal gətirmək olar. Bütün bunlar bir daha ona dəlalət edir ki, hökmün
icrası mərhələsi prosessual hüquq mənasında, eyni zamanda, məhkəmə
təcrübəsi baxımından digər mərhələlərə nisbətən heç də az əhəmiyyətə
malik deyildir.
Hökmün icrasının xarakterik cəhətlərindən biri də bu mərhələnin
prosessual mərhələlər sistemində tutduğu yer, yəni onun sonuncu
mərhələ olub-olmaması ilə bağlıdır. Əksər hallarda hüquq
ədəbiyyatında hökmün icrası mərhələsinin anlayışı verilərkən qeyd
olunur ki, bu mərhələ cinayət prosesinin son, yekunlaşdıncı
mərhələsidir (91.
S.51).
Lakin belə bir fikirlə razılaşmaq bir qədər
çətindir, çünki hökmün icrası mərhələsi çoxcəhətli xüsusiyyətlərə malik
olduğuna görə onun son mərhələ hesab edilməsi fikri o qədər də dəqiq
deyildir. Bizə bəllidir ki, məhkəmələrin hökm və ya qərarlarına
kassasiya qaydasında yenidən baxıla bilər ki, bu da qanuni qüvvə almış
və icra olunmağa başlanmış hökmlərə aiddir. Belə çıxır ki, əgər hökm
icra olunarkən ondan kassasiya şikayəti və ya protesti verilərsə yenidən
işə baxan məhkəmə cinayət işini xitam edə bilər, hökmdə nəzərdə
tutulan cəzanı azalda bilər, məhkumu cəzanın çəkilməmiş hissəsindən
azad edə bilər. Belə hallarda hökmün icrası mərhələsi başa çatdınimır,
əksinə həmin mərhələ kassasiya qaydasında icraat mərhələsindən əvvəl
mövcud olur. Bütün bunlarla yanaşı, eyni zamanda, qeyd etmək
lazımdır ki, hökmün icrası mərhələsi konkret halda iş üzrə icraatın
yekun- laşdırıldığı son mərhələ ola bilər. Buna misal olaraq göstərmək
olar ki, əgər məhkum məhkəmənin hökmdə təyin etdiyi cəzanı
tamamilə çəkib qurtarıbsa və məhkəmənin qəran ilə cəza çəkməkdən
azad edilibsə, belə halda hökmün icrası iş üzrə mühakimə icraatının son
mərhələsini təşkil etmiş olur. Eyni fikri məhkumun cəza çəkməkdən
azad edilməsi hallarına da şamil etmək olar. Digər bir halda bəraət
hökm