Azərbaycan Respublikası beynəlxalq idman və turizm əlaqələri sistemində
(1991-2005-ci illər)
179
qrad festivallarında, I İslam Həmrəyliyi Oyunlarında, I Qara Də-
niz Oyunlarında, Zəhmətkeşlərin V Beynəlxalq İdman Oyunla-
rında və digər beynəlxalq yarışlarda, iştirak etmişdilər [130,
s.18; 137, s.76-97].
Azərbaycan Respublikası Milli Olimpiya Komitəsi beynəl-
xalq əlaqə və əməkdaşlığı genişləndirərək, bir sıra ölkələrin mil-
li olimpiya komitələri ilə Olimpiya Hərəkatı və idman sahəsində
qarşılıqlı əməkdaşlıq haqqında memorandum və müqavilələr
bağlamağa başladı. Başqa ölkələrin milli olimpiya komitələri ilə
ikitərəfli müqavilə və memorandumların bağlanması beynəlxalq
əlaqələrin yeni müstəvidə davam etdirilməsinə imkan açırdı.
2004-cü ildən başlayaraq, bu sahədə daha geniş işlər görülməyə
başlandı. Ilk belə müqavilə Rusiya Olimpiya Komitəsi ilə bağ-
landı. MOK ilə Qətər, İtaliya (25.02.2005), Çin (17.03.2005),
Gürcüstan, Birləşmiş Ərəb Əmirlikləri (20.11.2006), Ukrayna
(15.10.2008) milli olimpiya komitələri arasında “Olimpiya Hə-
rəkatı və idman sahəsində qarşılıqlı əməkdaşlıq haqqında müqa-
vilə və memorandum”lar bağlanmışdı [193, s.70-71; 137, s.5-6].
Bu sənədlər əlaqə və əməkdaşlığın genişlənməsinə xidmət et-
mişdi.
2006-cı ildə Turində XX Qış Olimpiya Oyunlarında ölkə-
miz üçüncü dəfə idi ki, təmsil olunurdu. Ölkəmiz olimpiadada
bir növdə-buz üzərində fiqurlu konkisürmənin rəqs növündə iki
idmançı ilə təmsil olunmuş, 23 ölkə arasında bu idman növündə
19-cu olmuşdu (ölkəmiz qış idman növlərində iştirakını 2010-cu
ildə Kanadanın Vankuver şəhərində də davam etdirmişdi) [137,
s.56].
Daha sonra 2006-cı ilin 7 noyabrında Bakıda “Azərbaycan
Respublikası ilə İordaniya Haşimilər Krallığı arasında Əmək-
daşlığa dair saziş” və 2007-ci ilin mayında Azərbaycan prezi-
dentinin Misirə səfəri zamanı doqquz müqavilə, o cümlədən
gənclər, idman və turizm sahələrində əməkdaşlıq haqqında mü-
qavilə imzalanmışdı. Bu sahədə dövlətlərarası müqavilənin ol-
ması gələcək əlaqələrimiz üçün böyük ümidlər yaradır [79]. Hal-
Həsənov Yusifəli Lətif oğlu
180
hazırda sözügedən sazişlərin müddəalarının həyata keçirilməsi
istiqamətində işlər aparılır [76]. Bütün qeyd olunan bu sənədlər
MOK-nın əlaqə və əməkdaşlıq məkanının genişlənməsi, əmək-
daşlığın qarşılıqlı yardım, fayda və səmərə əsasında həyata keçi-
rilməsinə xidmət etmişdi.
2007-ci il MOK-nın beynəlxalq əlaqələrinin genişlənməsi,
əməkdaşlığın artırılması və idman nailiyyətləri baxımından əhə-
miyyətli olmuşdu [148, s.12-15]. Ölkədə idman inkişaf etdikcə,
digər dövlətlərlə idman əlaqələrimiz də sürətlə genişlənməkdə-
dir. Bu baxımdan Birləşmiş Krallıqla yaradılan əlaqələr xüsusi
önəm daşıyır. Bu əməkdaşlıq 2007-ci il dekabrın 1-də ölkələri-
miz arasında idman sahəsində əməkdaşlığa dair anlaşma memo-
randumunun imzalanması ilə yeni mərhələsinə qədəm qoyub
[88, s.4]. Həmçinin bu ildə MOK İcraiyyə Komitəsi “Olimpiya”
ordeni təsis etmiş və ölkə başçısına təqdim etmişdi [131, s.10].
2007-ci ildə Avropa və dünya çempionatlarının ölkəmizdə keçi-
rilməsini mühüm idman hadisələrinin davamı hesab etmək olar
[131, s.4]. Bu ildə ən mühüm hadisə-Bakının 2016-cı ildə Olim-
piya Oyunlarını keçirmək üçün iddiaçı şəhərlər sırasına düşməsi
idi [108, s.34-37].
Ölkəmizin milli komandasının 2008-ci ildə XXIX Pekin
Yay Olimpiya Oyunlarında yeddi medal qazanması çox böyük
nailiyyətdir [130, s.14]. Məhz bu oyunlarda İ.Zəkiyev ölkəmizin
idman tarixində ilk dəfə olaraq ikiqat paraolimpiya çempionu
adı qazanmışdı [130, s.12]. Pekində avqustun 10-da keçirilmiş
“Azərbaycan günü” ölkəmizin tarixi, mədəni irsi, idmanı ilə ya-
xından tanış olmaq üçün mühüm vasitə olmuşdu [130, s.16].
Azərbaycan cüdoçusu E.Məmmədli 2008-ci ildə dünyanın ən
güclü cüdoçusu, R.Bayramov isə dünyanın ən yaxşı yunan-Ro-
ma güləşçisi adlarına layiq görülmüş və Pekin Olimpiya Oyun-
larında güləş yarışlarında hakimlik etmiş H.Şərifov Azərbaycan-
dan ilk dəfə Olimpiya Oyunlarının ən yaxşı hakimləri sırasında
yer almışdı [130, s.66]. Bu faktlar idmanımızın beynəlxalq sə-
viyyədə qazandığı nailiyyətlərin nə dərəcədə yüksək olduğunu
Azərbaycan Respublikası beynəlxalq idman və turizm əlaqələri sistemində
(1991-2005-ci illər)
181
bir daha təsdiq edir.
Azərbaycanda Ədalətli Oyunlar Hərəkatı ilə bağlı fəaliyyət
son illər xeyli genişlənmiş və qitə miqyasında özünü göstərməyə
başlamışdı. Bunun nəticəsidir ki, Avropa Ədalətli Oyunlar
Hərəkatı (AƏOH) rəhbərliyi 2008-ci ildə Bakıda olmuş və
AƏOH-un 15-ci Konqresi və İcraiyyə Komitəsinin yığıncağının
2009-cu ildə ölkəmizdə keçirilməsi qərara alınmışdı [80, s.58-61].
Təqdirəlayiq hadisələrdən biri də ölkədə bədən tərbiyəsi və
idmanın hərtərəfli inkişafı üçün 2009-2020-ci illəri əhatə edəcək
milli strategiya layihəsinin hazırlanması idi [130, s.12]. Bu stra-
tegiya 2020-ci ilədək ölkəni idmanda lider etmək məqsədini qar-
şıya ali məqsəd kimi qoymuşdu. Bundan başqa “Uşaq və yeni-
yetmələrin bədən tərbiyəsi və idman haqqında” qanun layihəsi
hazırlanmış və Milli Məclisə təqdim edilmişdi [130, s.12].
“İdman təkcə uğurlar və nailiyyətlərdən ibarət deyil, həm də
millətin gələcəyidir” deyən respublika prezidenti İ.H.Əliyev bil-
dirmişdir ki, Azərbaycan idmanın inkişafı ilə bağlı öz siyasətini
bundan sonra da davam etdirəcəkdir [137, s.7].
İdman sahəsində olduğu kimi turizm sahəsində də iri layihə-
lərin həyata keçirilməsi, Azərbaycan Respublikasının turizm po-
tensialını dünyaya tanıtdırmağa başlaması ölkənin bu sahədə ak-
tiv siyasətinin nəticəsi idi. Bununla belə turizm təsərrüfatında
həlli vacib olan problemlər çoxdur. Sosial infrastrukturun zəif
inkişafı, əhalinin sosial-iqtisadi durumunun aşağı olması, turizm
müəssisələrinin zəif reklamı (bu sektorla bağlı reklamların 90%-
i xarici, yəni passiv turizmə aiddir), passiv turizmin üstünlüyü,
xidmətlə qiymətlərin uyğunsuzluğu, turist obyektlərində ekoloji
tarazılığın qorunmaması (ağacların qırılması, çirkab suların də-
nizə axıdılması və s.) bu qəbildən olan problemlərdəndir.
Xidmətlə qiymətlərin uyğunsuzluğu ölkəyə turist axınının
qarşısını alan əsas maneələrdən biridir. Hazırda qiymətlərin xid-
mətə uyğunlaşdırılması və dünya standartları ilə eyniləşdirilmək
yönümündə dövlət səviyyəsində iş aparılır. Bunun üçün isə stan-
dartlaşdırma və sertifikatlaşdırmanın ölkədə tətbiqi vacibdir.
Dostları ilə paylaş: |