Microsoft Word Yusifəli-kitab doc
Yüklə 255,19 Kb. Pdf görüntüsü
|
Azərbaycan Respublikası beynəlxalq idman və turizm əlaqələri sistemində (1991-2005-ci illər) 177 N Ə T İ C Ə Sovetlər İttifaqının dağılmasından, yəni Azərbaycan Res- publikasının öz dövlət müstəqilliyini bərpa etməsindən əvvəl qızışdırılan Dağlıq Qarabağ separatizmi məcburən ölkənin bü- tün diqqətini bu problemin həllinə yönəldirdi. Eyni zamanda, hakimiyyətə gəlmək istəyən daxili siyasi qüvvələr Dağlıq Qara- bağ problemindən məharətlə istifadə edirdilər. Belə bir şəraitdə Dağlıq Qarabağ və işğal olunmuş digər rayonlardakı idman və turizm obyektlərinin məhvi bir yana, Şimali Azərbaycanda id- man və turizmin SSRİ-dən qalma maddi-texniki bazası nəinki qorunub saxlanıldı, əksinə bu sahəyə baxanların etinasızlığı uc- batından güclü dağıntılara məruz qaldı, Dağlıq Qarabağ mühari- bəsi nəticəsində əksər turizm və istirahət kompleksləri qaçqın və məcburi köçkün soydaşlarımızın istifadəsinə verildi. Sirr deyil ki, sanatoriya və istirahət mərkəzlərinin 90 faizində məhz onlar yerləşdirilmişdi. Ancaq paytaxt Bakıda yerləşən mehmanxanalar turist qəbul edəcək səviyyədə qorunub saxlanılmışdı. Bu baxım- dan təbii ki, qaçqın probleminin köklü şəkildə həlli ölkəmizdə turizmin inkişafına müsbət təsir göstərəcəkdir. 1993-cü ildə Heydər Əliyevin hakimiyyətə qayıdışından sonra Azərbaycan Respublikası öz inkişafının yeni dövrünə qə- dəm qoydu. Şərait sırf düşüncə prosesindən çıxaraq praktiki fəa- liyyət səviyyəsinə keçdi. Müvəqqəti olaraq Azərbaycan və Er- mənistan respublikaları arasında atəşkəs müqaviləsi imzalandı, hakimiyyət uğrunda silahlı mübarizəyə son qoyuldu, Azərbay- can neftinin çıxarılmasına dair dünyanın aparıcı neft şirkətləri ilə müqavilələr bağlandı, Respublikanın iqtisadi, siyasi, hərbi, elmi, Həsənov Yusifəli Lətif oğlu 178 mədəni və s. sahələrdə əlaqələri ilə yanaşı idman və turizm sahə- sində də əlaqələri genişləndi. Tədqiqatımız bir daha göstərdi ki, idmanın inkişafı dövlətin idmana münasibətindən çox asılıdır. Çünki bu münasibət özlü- yündə idmana aid məsələlərin böyük hissəsinin həllinə birbaşa təsir göstərir. İqtisadi inkişaf nəticəsində ölkənin idman həyatın- da böyük canlanma, inkişaf yarandı. Azərbaycan 1992-ci ildən Beynəlxalq Olimpiya Komitəsinə, 1994-cü ildə Avropa Futbol Birliyinə (UEFA) və başqa beynəlxalq idman təşkilatlarına üzv qəbul olundu. Yenicə təşkil olunmuş Milli Olimpiya Komitəsi- nin işi 1997-ci ildən İlham Əliyevin ona prezident seçilməsindən sonra yenidən quruldu və daha da canlanıb geniş vüsət aldı. Tezliklə respublika stadionu təmir edildi, beynəlxalq yarış- ları keçirəcək səviyyədə yenidən qurulmağa başlandı. 2000-ci il- dən etibarən, Respublikanın əksər iri şəhər və rayonlarında olim- piya idman komplekslərinin istifadəyə verilməsi idman əlaqələri üçün geniş imkanlar açdı. Ölkəmizdə idmanın və Olimpiya Hə- rəkatının inkişafında respublika prezidentləri H.Ə.Əliyev və İ.H.Əliyevin müstəsna xidmətləri olmuşdu. Bu xidmətlər ölkə- daxili idman quruculuq işlərini, idmançılara diqqət və qayğını, millətin sağlamlığı və fiziki tərbiyəsini özündə birləşdirməklə yanaşı, beynəlxalq idman və olimpiya əlaqələrinin də tam dairə- sini əhatə etmişdi [104, s.128-158]. Bizim idmançılarımız müxtəlif beynəlxalq yarışlarda, o cümlədən dünya, Avropa çempionatlarında, olimpiya oyunların- da, digər beynəlxalq yarışlarda yüksək nəticələr göstərmiş, Azərbaycanımıza çoxlu medallar gətirmişlər [130, s.5]. Bununla yanaşı Avropa Olimpiya Komitəsinin, Beynəlxalq Olimpiya Ko- mitəsinin (BOK) və müxtəlif beynəlxalq idman federasiyalarının rəhbərləri dəfələrlə Azərbaycanda olmuş, onların iştirakı ilə öl- kəmizdə müxtəlif beynəlxalq yarışlar keçirilmişdi [130, s.16]. Olimpiya Oyunları arasındakı illərdə BOK-un himayəsi altında bir sıra mötəbər idman yarışları keçirilmişdi. İdmançılarımız bu- nunla əlaqədar olaraq Avropa yeniyetmələrinin Liqnano və Bel- Yüklə 255,19 Kb. Dostları ilə paylaş:
|