________________________Milli Kitabxana________________________
237
Bu gün belə durur səndə,
"Sara" adlı cəzirəndə
Generalın məzar daşı,
O qatilin kinli başı
Oynamışdı at belində.
Ə
yri qilınc sağ əlində
Durub kəsdi budaqları...
Bu çölləri, bu dağları
Qapladı
*
bir nalə səsi,
Qanlı çarın təntənəsi.
Sevincindən göyə qalxdı,
Bizə "tatar" deyib baxdı.
Biz öldürdük generalı,
Taptaladıq o medalı...
ndi onun məzar daşı
Aya qarşı, günə qarşı
Endirmişdir dik başını...
Fahişələr oynaşını.
Bu yollardan ötüb keçən,
O günlərdən bir az içən,
Yad eləyir tüpürərək,
Yoxdur ona yanan ürək!
Qoca çinar, qoca çinar,
Kötüyündə nə sirlər var!
Deyirlər ki, çox qəhrəman
Asılmışdır budağından...
Biz onların varisiyiz,
Yaşadırız onları biz.
Qoca çinar, qoca çinar,
Kötüyündə nə sirlər var!
Ölmədin sən! Yaşadın sən!
Bir ölkənin şahidisən.
Yaşamışsan burda nələr!
Qanlı-qanlı faciələr...
*
Bürüdü
________________________Milli Kitabxana________________________
238
Könlüm ötən köklü bir saz,
Nə yazım ki, biliyim az...
Arif istər məni qansın,
Tarixçilər qoy utansın!
Yazılmamış tariximiz,
Tarixsizmi yarandıq biz?
Bəzən olur yazıq şair
Keçmiş günə, bizə dair
Arxivləri axtararaq,
Yığın-yığın, qalaq-qalaq
Kitablara göz gəzdirir,
Alır, baxır, seçir bir-bir.
Bir parası əfsanədir.
Baş çıxmayır bunlar nədir?
Bir parası xatirələr...
Deyil bunlar elmi əsər.
Sən də, dostum, anla bir az!
Elmi ucuz tutmaq olmaz!
O insandır, təbiətdir,
Ş
übhəsiz bir həqiqətdır.
Arif gərək məni qansın,
Tarixçilər qoy utansın!
Yazılmamış tariximiz
Tarixsizmi yarandıq biz?
1936
________________________Milli Kitabxana________________________
239
BAHAR VƏ MƏN
Bahar nə xoş gəlir, ruha dad verir.
Xəyala, duyğuya qol-qanad verir;
Var olsun şerimiz, şairlərimiz! –
Hər gülə, çiçəyə təzə ad verir.
Çıxır dağ döşünə körpə quzular,
Tərlanın səsini əks edir sular.
Səhər yuxusundan ayıldır məni
Sinəmə sığınayan böyük duyğular.
Könül dinc durmayır, oynayır yenə,
Ə
zəldən aşiqəm həyat şerinə;
lk dəfə oğlumun əlindən tutub
Çıxmışam səhərin tərlan seyrinə.
Ölümə can vermə ölsən baharda,
Könül müqaddəsdir, qalmasın darda;
Baharın eşqiylə çıxır yuvadan
Balası dalında qarışqalar da.
Yaşıl köynəyini geyinir meşə,
Yaxama quş kimi qonur bənövşə;
Qoy məndən dərs alsın qoca təbiət,
O da könlüm kimi gülsün həmişə.
Bahar nə xoş gəlir, ruha dad verir,
Xəyala, duyğuya qol-qanad verir;
Var olsun şerimiz, şairlərimiz! –
Hər gülə, çiçəyə təzə ad verir.
1937, 20 aprel
________________________Milli Kitabxana________________________
240
Ş
ER M Z N AĞSAQQALI
Qoca Cambul! Ömrün boyu
Yetim gəzdin o yurtları...
Ə
sdi sənin ağ başından
Qara günün sərt ruzgarı.
Tamburunu çaldıqca sən
Susdu bülbül, dindi çəmən.
Bir zamanlar nə sən, nə mən
Ş
ad görmədik dostu, yarı.
Soldu çiçək, saraldı gül,
Boyun bükdü sarı sünbül;
Yas paltarlı qoca bülbül,
Dərdli gəzdin çəmənzarı...
Bəylər içdi ağ qırmızı
*
,
Qurdlar yedi haqqımızı.
Səhraların oğlu, qızı
Bir görmədi dünya varı.
Gecən qara, günün qara,
Batdı gözün çuxurlara;
Qaranlığı yara-yara
Sən can atdın günə sarı.
Keçən keçdi, olan oldu,
Yaman günün ömrü soldu;
Səni gördüm, sinəm doldu,
Dəmə çəkdim bizim tarı.
Tamburunun simi qoşa,
Birtaxtadır başdan-başa,
Qanad verir dağa-daşa
Ana yurdun havaları...
*
Kumıs - at südü
________________________Milli Kitabxana________________________
241
Nə xoş gəldi ömrün yazı,
Pozulmazdır bizim yazı...
Tambur ilə telli sazı
Qabaqlaşıb çalaq barı.
Ş
eir yazmaq şərəf oldu,
Ş
eir inci, sədəf oldu.
Durna kimi səf-səf oldu
Sinəmizin söz qatarı.
Sevgi dildə şüar olsun,
Vəfasıza çox ar olsun!
Vurğun deyər: qoy var olsun
nsanlığın ilk baharı!
1937, 19 may
________________________Milli Kitabxana________________________
242
DARGÖZ
Belə deyirlər ki, səndə "hünər" var...
Bacaran insanın gözü dar olmaz.
Yaxşı söyləmişdir bizim atalar:
"Müxənnət adamda düz ilqar olmaz!"
Üzümə dost kimi bəzən gülürsən,
Dalda paxıllıqdan yanıb ölürsən;
Tez-tez dəyişdirmə vallarını sən,
landan, iblisdən aşna, yar olmaz!
Vaxtsız xoruz olub çıxırsan dama,
Səsin gülünc gəlir qanan adama;
Qəlbin çamırlıqdır, çox qırıldama,
Qurbağa səsindən qulaq kar olmaz!
Mən az görməmişəm badalaqları...
Min fırıldaq gələn o alçaqları;
Catdı gəncliyimin bahar çağları,
Vaxtsız çiçək tökən bir bahar olmaz!
Konlümün otağı buludlardadır.
Elə zənn etmə ki, ömrüm dardadır.
Bəs sənin dərrakən, ağlın hardadır?
Tərlan oylağında qarğa, sar olmaz!
Get, get, gözlərimə görünmə bir də,
Mənim oylağımdır bu göy də, yer də;
Sən ayaq döyürsən qaldığın yerdə,
Yerində sayandan sənətkar olmaz!
1937, I9 may
Dostları ilə paylaş: |