30
l ərzində inflyasiyaya təsir edən amilləri daim nəzarətdə saxlanılmışdır.
Məqsədyönlü monetar tənzimləmə, daxili tələblə müqayisədə təklifin daha çox
genişlənməsi, dünya bazarlarında ərzağın ucuzlaşması inflyasiyaya azaldıcı təsir
etmişdir. Mərkəzi Bankın real sektor müəssisələri və ev təsərrüfatları arasında apardığı
konyuktur sorğular inflyasiya gözləntilərinin azalmasını göstərir. Dövr ərzində əhalinin
pul gəlirlərinin artımı inflyasiya tempini üstələmişdir. Nəticədə 11 ayda əhalinin
sərəncamında qalan gəlirlər real olaraq 3.6%, real əmək haqqı isə 4% artmışdır.
2014-cü ildə Mərkəzi Bank əlverişli xarici iqtisadi mövqeyə əsaslanan
məqsədyönlü məzənnə siyasəti həyata keçirərək milli valyutanın - manatın sabitliyini
qorumuşdur. Mərkəzi Bank valyuta bazarındakı proseslərə çevik reaksiya verərək burada
tarazlığı təmin etmişdir. Məzənnə siyasəti makroiqtisadi və maliyyə sabitliyi, habelə
qeyri-neft sektorunun rəqabət qabiliyyətinin qorunması hədəfləri nəzərə alınmaqla həyata
keçirilmişdir. Məzənnə siyasətinin həyata keçirilməsi mexanizmi dəyişməz saxlanılmış,
ABŞ dolları/manat ikitərəfli məzənnəsi bu siyasətin əməliyyat hədəfini təşkil etmişdir.
Bir sıra xarici ticarət tərəfdaşı ölkələrində milli valyutaların əhəmiyyətli devalvasiyaya
uğraması şəraitində 2014-cü ildə manatın ABŞ dollarına qarşı məzənnəsi demək olar ki,
dəyişməmişdir. Daxili inflyasiyanın partnyor ölkələrdəki inflyasiyadan əhəmiyyətli aşağı
olması isə real effektiv məzənnəyə azaldıcı təsir etmişdir.
Valyutaya tələb, nağd və qeyri-nağd bazarda xarici valyutanın alışı mənbələri və
motivləri, təklif mənbələri, bəzi tərəfdaş ölkələrin valyutalarının dəyərsizləşməsi ilə bağlı
psixoloji amillər Mərkəzi Bank tərəfindən operativ izlənilmişdir. Bu əsasda müvafiq
tənzimləmə tədbirləri görülmüş, nəticədə valyuta bazarında sabitlik qorunmuş və
manatın məzənnəsində tərəddüdlər baş verməmişdir.
Azərbaycan iqtisadiyyatının mövcud xüsusiyyətləri şəraitində manatın
məzənnəsinin sabitliyi bir daha öz makroiqtisadi əhəmiyyətini təsdiq edir. Sabit məzənnə
inflyasiya və inflyasiya gözləntilərinin idarə olunmasında, əhalinin və real sektorun
aktivlərinin dəyərinin qorunmasında, bank sektorunun maliyyə sabitliyində əhəmiyyətli
amildir. Eyni zamanda məzənnənin sabitliyində makroiqtisadi dayanıqlığın daha da
möhkəmləndirilməsinə yönəlmiş struktur siyasətlər və iqtisadi siyasətin koordinasiyası
da mühüm rol oynayır.
31
2014-cü ildə aşağı inflyasiya şəraitində Mərkəzi Bank pul siyasətinin təşviqedici
imkanlarından istifadə etmişdir. qtisadi artımın daxili və xarici amillərini, ümumən,
iqtisadi tsikldəki meyilləri nəzərə alaraq Mərkəzi Bank pul siyasətini yumşaltmışdır.
Qeyri-neft sektorunda investisiya fəallığının daha da artmasına və faiz
dərəcələrinin enməsinə şərait yaratmaq üçün Mərkəzi Bank 2014-cü ildə faiz dəhlizi
parametrlərinə 2 dəfə dəyişiklik etmişdir. Nəticədə uçot dərəcəsi mərhələlərlə 4.75%-
dən 3.5%-ə endirilmişdir. Eyni zamanda bankların xarici və daxili öhdəlikləri üzrə
məcburi ehtiyat normaları 3%-dən 2%-ə endirilmişdir. Bu tədbirlər depozit və kreditlər
üzrə faiz dərəcələrinə azaldıcı təsir etmişdir. 2014-cü ilin 11 ayında manatla pul kütləsi
pula tələbə uyğun olaraq 6.6% artmış, onun strukturunun yaxşılaşması davam etmişdir.
Qeyri-nağd pul kütləsinin artımı nağd pul kütləsinin artımını 22 faiz bəndi üstələmişdir.
Bank sisteminin xarici və daxili şoklara qarşı dayanıqlığı artırılmış, maliyyə
sabitliyi qorunmuş, maliyyə resurslarının effektiv mobilizasiyası və bölüşdürülməsi
təmin edilmişdir. Bank sistemində risklərin akkumulyasiyasının qarşısının alınması üzrə
zəruri tədbirlər görülmüşdür. Bankların kapitalizasiyası davam etdirilmiş, əsas risklərin
tənzimlənməsinə yönəlmiş prudensial nəzarət çərçivəsi tətbiq edilmişdir.
Bank sektorunda əsas trendlərin diaqnostikası əsasında sistem əhəmiyyətli risklər
preventiv qaydada məhdudlaşdırılmışdır. “Kontr-tsiklik” idarəetmə və erkən xəbərdarlıq
sistemləri gücləndirilmişdir.
Sektorun aktivlərinin keyfiyyətinin qorunması və kredit risklərinin tənzimlənməsi
məqsədilə portfelin strukturunun yenidən balanslaşdırılması istiqamətində müxtəlif
vektorlu destimulyasiya tədbirləri həyata keçirilmiş, makroprudensial nəzarət çərçivəsi
sərtləşdirilmişdir.
Bankların kapitalizasiyası davam etdirilmiş, kapitalizasiya potensialı aşağı olan
banklar üzrə intensiv nəzarət rejimi tətbiq olunmuşdur. Kapitalizasiya qərarının
qəbulundan (avqust 2012) ötən dövr ərzində bankların məcmu kapitalı 95% və ya 2 mlrd.
manat artaraq 4,2 mlrd. manata çatmışdır. Sektorun aktivlərinin 99%-nə malik bankların
kapitalının həcmi 50 mln. manatdan yuxarı olmuşdur.
Bank nəzarətinin risk əsaslı yeni metodoloji çərçivəsi hazırlanmışdır. Bankların
davranış standartlarının müəyyənləşdirilməsi, arzuolunmaz biznes praktikasının aradan
32
qaldırılması məqsədilə kredit təşkilatlarının sosial məsuliyyətlərinin artırılmasını nəzərdə
tutan “məsuliyyətli” kreditləşmə üzrə yeni metodoloji çərçivə müəyyən olunmuşdur.
Banklara etimadın artırılması tədbirləri çərçivəsində maliyyə xidmətləri istehlakçılarının
müdafiə mexanizmlərinin formalaşdırılması, mübahisələrin operativ tənzimlənməsi,
banklarda istehlakçıların hüquqlarının müdafiəsi işinin institutlaşdırılması davam
etdirilmişdir.
Hazırda milli bank sektorunun dayanıqlığının əsas indikatoru olan kapital
adekvatlığı 12%-lik normaya qarşı 18,7% təşkil edir. Bank sisteminin məcmu kapitalı
cari ilin 11 ayında 21,3% artmışdır. Bank sektorunun likvidliyi yüksəkdir, öhdəlik və
hesablaşmaların icrası fasiləsiz həyata keçirilir. Sistemin ani likvidlik əmsalı minimum
tələbi 2 dəfə üstələyir. Bank aktivlərinin keyfiyyət göstəriciləri qənaətbəxş səviyyədədir.
Real sektorun və əhalinin bank sisteminə vaxtı keçmiş borclarının portfeldə xüsusi çəkisi
5.5% təşkil edir. Bu da banklar tərəfindən yaradılmış ehtiyatlarla tam örtülür. Xarici borc
öhdəliklərinin bank resurslarında xüsusi çəkisi cəmi 22% təşkil edir və bu dayanıqlıq
baxımından təhlükəsiz səviyyədir. Bankların mənfəəti ötən illə müqayisədə 23%
artmışdır. Sistemin aktivlərinin gəlirliliyi 2%, kapitalın gəlirliyi isə 13,8% təşkil etmişdir.
2014-cü ildə bank sektorunun iqtisadi inkişafda rolunun daha da yüksəlməsi
müşahidə olunmuşdur. Ölkənin strateji inkişaf hədəflərinə uyğun olaraq Mərkəzi Bank
biznes kreditləşməsinin genişləndirilməsi üzrə müvafiq tədbirlər həyata keçirmişdir.
Bankların maliyyələşmə mənbələrinin dəyərinin azaldılması, biznes kreditləri üzrə
xərclərin optimallaşdırılması sahəsində mühüm tədbirlər görülmüşdür. Ölkə üzrə maliyyə
sistemi aktivlərinin 90%-ni özündə cəmləşdirən bank sektorunun maliyyə dərinliyi cari
ildə artmaqda davam etmişdir. Sektorun aktivləri 21.2% artaraq qeyri-neft ÜDM-in 78%-
nə çatmışdır. Hazırda Azərbaycan bank sektorunun maliyyə dərinliyi bank sistemləri orta
inkişaf səviyyəsində olan ölkələrə uyğundur.
Bank kreditləri 18%, o cümlədən uzunmüddətli kreditlər 19.2% artmışdır. Hazırda
kredit protfelinin 81%-dən çoxunu uzunmüddətli kreditlər təşkil edir. Cari ilin 11 ayında
biznes kreditləri 18%, o cümlədən, sənaye və istehsala 36.3%, kənd təsərrüfatı və emala
14.1% artmışdır. Biznes kreditlərinin cəmi kredit portfelində xüsusi çəkisi 73%
olmuşdur. Regionlara kredit qoyuluşları isə 39,4% artmışdır. stehlak kreditlərində
Dostları ilə paylaş: |