95
fotonların relyativistik elektronlardan səpilməsi zamanı da yarana
bilər. Buna tərs Kompton effekti deyilir (komptonlaşma).
İkinci qrupa, nüvə proseslərini aid edirlər.
Nüvə proseslərində çox
zaman həyəcanlanmış nüvələr yaranır. Həmin nüvələrin
həyəcanlanmış haldan əsas səviyyəyə keçməsi zamanı yumşaq QŞ
oblastına uyğun fotonlar şüalandırılır. Nüvələrin qamma oblastda
yaratdığı spektral xətlərdən 2.23 MeV ener$ili xətt böyük maraq kəsb
edir. Bu xətt neytronun protonla tutulması zamanı deytronun əmələ
gəlməsi nəticəsində yaranır. Ener$isi 2.23 MeV olan qamma -
fotonların müşahidəsi uzaq kosmik obyektlərdə neytron selini
qiymətləndirməyə imkan verir. Nüvə reaksiyalarında QŞ fotonlarının
əsas mənbəyi yüksək ener$ili elementar zərrəciklərin reaksiyaları
zamanı yaranan
π
0
–mezonların parçalanmasıdır. Pion fotonları
adlanan QŞ spektri kəsilməzdir, onun maksimumu
ε ≈ 70 MeV
oblastında yerləşir.
Üçüncü qrupa, annihilyasiya proseslərini aid edirlər. Məddə və
antimaddənin annihilyasiyası QŞ yaranmasının ən effektiv
mexanizmidir. Elektron və pozitronun annihilyasiyası zamanı ya
ener$iləri
ε = 0.511 MeV olan iki foton, ya da kəsilməz tezlikli 3
foton yaranır. Proton və antiprotonun annihilyasiyası zamanı çoxlu
miqdarda neytral və digər növ mezonlar yaranır, bunlar da qamma
fotonlara çevrilir. QŞ spektri kosmik şüaların ulduzlararası qazla
qarşılıqlı təsirindən yaranan spektrə yaxındır.
QŞ çox yüksək nüfuzetmə qabiliyyətinə malikdir. Hətta
Qalaktikanın mərkəzinə doğru istiqamətdə QŞ ulduzlararası
buludlarla örtülü mühit tərəfindən udulması çox zəifdir. QŞ Yer
səthinə qırmızı sürüşməsi z ~10
2
olan məsafədən gəlmək
qabiliyyətinə malikdir. Bu da bir neçə dəfə optik diapazonda şüalanan
fotonlardan çoxdur. Qalaktikalararası mühitdə ener$isi yalnız
ε ≥ 100
96
QeV olan QŞ fotonları nisbətən çox udulur. Buna səbəb İQ oblastda
fon şüalanması fotonları ilə toqquşmadan elektron-pozitron cütünün
yaranması prosesidir.
5.3. Kosmik QŞ qeyd olunması metodları
Yumşaq QŞ oblastında qamma-şüalanmanı qeyd etmək üçün
mexaniki kollimatoru olan ssintilyasiya teleskoplarından istifadə
olunur. Yandan düşə biləcək fon şüalanmasından qorunmaq üçün
qeyri-üzvi ssintilyasiya kristallarından ibarət əks üst-üstə düşmə
sayğacları tətbiq olunur. 5.3.1-ci şəkildə ssintilyasiya sayğacı tətbiq
olunan tipik qamma-teleskopun sxemi göstərilmişdir. Belə
teleskopların bucaq ayırdetməsi təxminən 10°-dir. Daha yüksək
ayırdetməni (~1-2° , ener$isi
ε ~ 1 MeV intervalında olan fotonlar
üçün) ikiqat kompton səpilməsi əsasında işləyən teleskoplarda almaq
olar. Nüvə və annihilyasiya qamma şüalanma spektral xətləri ifrat
təmiz qermanium kristalları əsasında işləyən yarımkeçirici
spektrometrdə müşahidə olunur. Bu cihazla ener$isi
ε ~ 1 MeV olan
qamma-fotonlar üçün ~2 keV ayırdetmə almaq olar.
97
Şəkil 5.3.1. Aşağı ener$ili qamma-şüalanma teleskopunun sxemi.
Ener$isi 0.2-12 MeV olan qamma-fotonlar 1 Naİ ssintilyasiya
kristalında udulur, alınan şüalanma 2 ötürücüsü ilə 3
fotogücləndiricisinə ötürülür. 4 ssintilyassiya sayğacları teleskopun
istiqamət diaqramını formalaşdırır və mərkəzi kristalı diffuz
şüalanma zərrəciklərindən qoruyur. cihaz bütövlükdə plastik
ssintilyatorla düşən yüklü zərrəciklərdən qorunur.
Orta ener$ili QŞ fotonların müşahidəsi
ciddi təcrübi çətinliklərlə
bağlıdır. Belə ki, bu oblastda ssintilyasiya detektorlarının effektivliyi
çox aşağıdır, qamma-fotonların təsirilə yaranan elektron-pozitron
cütünün trayektoriyasını ölçmək prinsipi əsasında işləyən trek
detektorları isə effektiv işləmirlər.
Sərt QŞ oblastında əsas elementi hər bir udulan γ-fotonun
trayektoriyasını qeyd etməyə imkan verən trek detektorları istifadə
olunur. Belə teleskoplardan birinin sxemi 5.3.2-ci şəkildə verilir.
98
Şəkil 5.3.2. Yüksək ener$ili QŞ diapazonu teleskopunun quruluş
sxemi. Ener$isi 50 MeV- 5 QeV olan qamma-fotonlar 1 qığılcımlı
kamera çeviricində udulur və elektron-pozitron cütü yaradır. Yüklü
zərrəciklər 2 ssintilyasiya teleskopu və 3 çerenkov sayğacından keçir,
orada qığılcımlı kamera işə düşür. Qığılcım 4 televiziya kamerası və
5 güzgülər sistemi ilə qeyd olunur. 6 ssintilyasiya kolorimetrində
fotonun ener$isi ölçülür. 7 –kənar zərrəciklərdən qoruyucu lövhə, 8-
qoruyucu ssintilyasiya sayğaclar sistemidir.
Zərrəciklərin trayektoriyasını almaq üçün trayektoriya boyunca qaz
atomlarını ionlaşdıra bilən qığılcımlı kameradan istifadə olunur.
Bəzən isə bunu dreyf kameraları əvəz edir. Bu kamerada
trayektoriyanın vəziyyəti elektronun dreyf müddətindən, başqa sözlə,
zərrəciyin izindən qonşu elektrodlara qədər olan məsafədən asılıdır.
Sərt QŞ teleskoplarında kənar zərrəcikləri qeydə almamaq üçün
xüsusi sitemlər quraşdırılır. Belə teleskopun çatışmayan cəhəti ondan
ibarətdir ki, sərt QŞ oblastında bucaq ayırdetməsi kiçikdir (ener$isi
~100 MeV olan zərrəciklər üçün,
≈ 5
o
). Bucaq ayırdetməsinin bir
neçə dərəcə böyüdülməsi bir çox QŞ astrofiziki mənbələrinin
eyniləşdirilməsinə kömək edə bilər.