ƏETİ-nin elmi əsərləri məcmuəsi XXVIII (2017)
444
45 % təşkil edir, bu da gil hissəciklərinin yüksək dərəcədə çox olması ilə əlaqədardır. Təbii nəmlik
16,5-20,6%, tarla sututumu 24,6-26,3% intervalında tərəddüd edir. Məlumdur ki, torpaqların
duzlardan yuyulmasında əsas amil torpağın susızdırma qabiliyyətidir. Üç təkrarla aparılan tarla
təcrübəsindən aldığımız məlumatlardan bəlli olmuşdur ki, ərazidə torpaqların suhopdurması
qərarlaşmış vəziyyətdə 0,003-0,004 mm/dəq.-yə bərabərdir. Göründüyü kimi bu torpaqlar yuma
aparmaq üçün çox əlverişsizdir. İlkin vəziyyətdə torpağın 0-50 sm-lik qatında duzların miqdarı
2,13-2,29%, 0-100 sm-də 2,05-2,41% arasındadır. Dərin qatlara doğru duzların miqdarı demək olar
ki, profil boyu eyni olub, 1,84-2,26% intervalında tərəddüd edir. Duzların tərkibində Na
2
SO
4
və
NaCl üstünlük təşkil edir. Hesablamalar göstərir ki, zərərli duzların miqdarı 0-100 sm-lik qatda
bəzən 2,01%-ə çatır ki, bu da duzların ümumi cəmindən 89-98% təşkil edir. Kimyəvi tərkibinə görə
zona torpaqları sulfatlı-xlorlu və xlorlu şorlaşma tipinə aiddir. Bu torpaqlar yüksək karbonatlı (18-
20%), zəif gipsli (0,1-0,9%), qələvi mühitli (pH 8-9) xassəyə malik olub, orta və şiddətli
şorakətliyə (udulmuş Na-un cəmdən faizlə miqdarı 13-27%) malikdir. Udulmuş əsaslara görə bu
torpaqlarda Ca (50-68%) və Mg (10-35%) kationlarının miqdarı yüksəkdir, bu da torpaqları orta
dərəcədə maqneziumla və kalsiumla doymuş torpaqlar kimi təsnif etməyə imkan verir. Qrunt
sularının yatma dərinliyi 4-5 m arasında dəyişir və minerallaşma dərəcəsi orta hesabla müxtəlif
aylar üzrə 10-15 q/l təşkil edir. Qrunt sularının kimyəvi tərkibində xlor ionu (1,40-5,06 q/l) üstünlük
təşkil edir. Meliorativ-torpaq şəraitini səciyyələndirən göstəricilərin təhlili göstərir ki, Sumqayıt-
Siyəzən zonasının torpaqları meliorativ baxımdan olduqca ağır ekoloji-meliorativ xüsusiyyətlərə
malikdir və çox ciddi meliorativ tədbirlərin görülməsini tələb edir.
Muğan-Salyan zonasının
torpaq örtüyü əsasən boz torpaqlar və onların yarımtiplərindən iba-
rətdir. Burada boz, boz-çəmən, çəmən-boz, allüvial torpaqların çəmən-bataqlı, bataqlaşmış torpaqlar
və şoranlar tipi yayılmışdır. Bundan başqa çəmən və subasar torpaqlara da rast gəlinir ki, bunlar da
çox yerdə intrazonallıq təşkil edir. Torpaqların duzlaşma tipi xlorlu və xlorlu-sulfatlıdır, humusun
miqdarı əkin qatında 2,0-2,5%, ümumi məsaməlik 45-50%, sıxlıq 1,2-1,4 q/sm
3
, bərk fazanın
sıxlığı 2,5-2,7 q/sm
3
arasında dəyişir. Muğan-Salyan zonasına daxil olan Neftçala rayonu ərazisində
son illərdə iki mərhələdə geniş tədqiqat işləri aparmışdır.
Birinci mərhələdə, 2009-2010-cu illərdə Qəsəbə, Uzunbabalı və Müşviq kəndləri ərazisində,
2014-2016-cı illərdə isə rayonun qış otlaq sahələrində ərazi torpaqlarının xüsusiyyətləri öyrənilmiş
və təhlil edilmişdir. Uzunbabalı kəndi ərazisində torpağın 0-30 sm-lik qatında tarla sututumu 24-
25% arasında dəyişir, 0-100 sm-lik qatda isə bu göstərici orta hesabla 27,7%-dir. Torpağın sıxlığı
yuxarıda göstərilən qatlara uyğun olaraq 1,41-1,42 q/sm
3
-dur. Torpağın bərk fazasının sıxlığı uyğun
olaraq 2,62-2,73 q/sm
3
arasındadır. Ümumi məsaməlik 0-100 sm qatda orta hesabla 45-50%
arasında dəyişir.
Qəsəbə adlanan ərazidə yerləşən məntəqədə torpağın 0-30 sm-lik qatında tarla sututumunun
qiyməti 23,6%, 0-100 sm-də isə 25%-dir, torpağın sıxlığı uyğun olaraq 1,45 q/sm
3
və 1,38 q/sm
3
,
bərk fazanın sıxlığı hər iki qatda 2,7 q/sm
3
, ümumi məsaməliyi 46,3 və 48,9%-dir.
Müşviq kəndi ərazisində seçilmiş məntəqədə torpağın 0-30 sm-lik qatında tarla sututumu
24,2%, 0-100 sm-də isə 23,6%-dir, torpağın sıxlığı uyğun olaraq 1,49 q/sm
3
və 1,51 q/sm
3
,
bərk fazanın sıxlığı 2,38 və 2,64 q/sm
3
, ümumi məsaməliyi isə 37,4 və 42,8%-dir (cədvəl 1).
Cədvəl 1. Muğan-Salyan zonası torpaqlarının fiziki xassələri
S/s.
Tədqiqat
ərazisi
Torpaq qatı,
sm
Tarla sututumu,
%
Sıxlıq,
q/sm
3
Bərk fazanın
sıxlığı, q/sm
3
Ümumi
məsaməlik, %
Neftçala rayonu
1 Uzunbabalı kəndi
0-100
27,7
1,55
2,69
42,4
2 Qəsəbə kəndi
0-100
25,0
1,38
2,70
48.9
3 Müşviq kəndi
0-100
23,6
1,51
2,64
42.8
4 Qış otlaq sahəsi
0-100
27,1
1,43
2,70
47.0
Salyan rayonu
5 Qış otlaq sahəsi
0-100
22,0
1,46
2,82
48.2
ƏETİ-nin elmi əsərləri məcmuəsi XXVIII (2017)
445
Hesablamaların nəticələrinə görə suyun torpağa hopma sürəti hər üç məntəqə üzrə 2,8-40,0 sm/saat
arasında dəyişir. Alınmış nəticələrə əsaslanaraq demək olar ki, Neftçala rayonu ərazisində yerləşən
Qəsəbə kəndinin torpaqları orta, Uzunbabalı və Müşviq kəndlərinin torpaqları isə yüksək
sukeçirmə qabiliyyətinə malikdir.
Muğan-Salyan zonasında suvarılan torpaqlarda irriqasiya eroziyası geniş yayılmışdır. Şorlaş-
mış və qismən şorakətləşmiş torpaqlar geniş əraziləri əhatə etməklə, müxtəlif dərəcədə
deqradasiyaya məruz qalmışdır. Neftçala və Salyan rayonlarında suvarılan 81,56 min ha torpaqların
12,3 min hektarı şorlaşmamış, 69,26 min hektarı isə bu və ya digər dərəcədə şorlaşmaya məruz
qalmışdır. Hər iki rayonnun ərazisində geniş meliorativ tədbirlər həyata keçirilmiş və 81,1 min ha
sahə drenləşdirilmişdir.
Neftçala və Salyan rayonları ərazilərində torpaqların şorakətləşməsi kənd təsərrüfatı is-
tehsalının inkişafına mane olan amillərdəndir. Belə ki, bu rayonların ərazisində suvarılan 81,56 min
ha torpaqların 66,45 min hektarında şorakətlik müşahidə olunur ki, bununda 52,15 min hektarı zəif,
14,63 min hektarı isə orta və şiddətli şorakətləşmişdir.
2. Tədqiqatlar nəticəsində alınmış
məlumatların təhlili göstərmişdir ki, Neftçala və Salyan rayonlarında torpaqların ekoloji-meliorativ
vəziyyəti ciddi tədbirlərin həyata keçirilməsini tələb edir.
2014-2016-cı illərdə Neftçala və Salyan rayonlarında taxılçılığın inkişaf etdirilməsi üçün
ayrılmış qış otlaq sahələrində bu ərazilərin meliorativ cəhətdən yaxşılaşdırılması üçün lazım olan
tədbirlərin işlənib hazırlanması məqsədi ilə tərəfimizdən geniş tədqiqat işləri aparılmışdır.
Tədqiqat aparılan rayonların ərazisində meliorativ vəziyyətin öyrənilməsi məqsədilə yaz-yay
aylarında əraziyə vizual baxış keçirilmiş, bitki örtüyünə və yerin relyef vəziyyətinə görə xarakterik
tədqiqat sahələri müəyyənləşdirilmiş və həmin sahələrdə metodikaya uyğun olaraq torpaq kəsimləri
qoyulmuşdur. Kəsimlərdən götürülmüş torpaq nümunələrində şorlaşma dərəcəsi (tam su çəkimi
analizi), udulmuş əsaslar, karbonatların gipsin və humus miqdarı, qranulometrik tərkibin analizi
laboratoriya şəraitində həyata keçirilmişdir.
Tədqiqat aparılan qış otlaq sahələri ərazilərində torpaqların tarla sututumu 22,0-27,1%, sıxlığı
1,43-1,46 q/sm
3
, bərk fazasının sıxlığı 2,70-2,82 q/sm
3
və ümumi məsaməliyi 47,0-48,2% arasında
dəyişir (cədvəl 1). Qış otlaq sahələrinin torpaqlarının mövcud şorlaşma vəziyyətinin öyrənilməsi
üçün ərazidən götürülmüş torpaq nümunələri kimyəvi analiz edilmiş və müəyyən olunmuşdur ki, bu
ərazilər müxtəlif dərəcədə şorlaşmaya və şorakətləşməyə məruz qalmışdır. Şorlaşmanın tipi
anionlara görə sulfatlı-xlorlu, kationlara görə isə kalsiumlu-maqneziumludur.
Tədqiqat ərazisi torpaqlarının uducu kompleksində udulmuş əsasların miqdarı ayrı-ayrılıqda
təyin olunmuş və müəyyənləşdirilmişdir ki, torpaq nümunələrində udulmuş əsaslardan natriumun
miqdarı 3-6%, bəzi hallarda 10-12%, udulmuş maqneziumun miqdarı isə 10-46% təşkil edir. Qra-
nulometrik tərkibinə görə ərazi torpaqları yüngül və orta gillicəli, tərkibindəki karbonatların və
gipsin miqdarına görə zəif və orta dərəcədə karbonatlı və gipsli, humusun miqdarına görə isə orta
dərəcədə humusludur. Analiz məlumatları əsasında ərazinin şorlaşma xəritəsi tərtib olunmuş və
şorlaşma dərəcəsinə görə torpaq sahələri hesablanmışdır (cədvəl 2).
Cədvəl 2. Tədqiqat ərazisində şorlaşmaya məruz qalmış torpaq sahələri (ha)
S/s.
Şorlaşma dərəcəsi
Rayonlar
Cəmi
Yaxşılaşdırma
tədbiri
Neftçala Salyan
1 <
0,25
Şorlaşmamış
100
160
260
-
2 0,25-0,50
Zəif şorlaşmış
300
490
790
Bioloji
tədbir
3 0,50-1,00
Orta
şorlaşmış
360
700
1060 Bioloji
tədbir
4 1,00-2,00 Şiddətli şorlaşmış
800
1600
2400
Cari
yuma
5 2,00-3,00 Çox
şiddətli şorlaşmış 603
750
1353
Əsaslı yuma
6
˃ 3,00
Şoranlar
45
-
45
Əsaslı yuma
Cəmi
2208
3700
5908
Ərazi üzrə çox yüksək minerallaşma dərəcəsinə malik olan (100 q/l-ə qədər) qrunt sularının
yatma dərinliyi əsasən 0,6-1,5 m səviyyəsində dəyişir. Aparılmış tədqiqatlardan alınmış