Azərbaycan SSR sovet gömrük sistemi şəraitində (1920-1991)
71
və müavinləri aşağıdakı məsələlər üzrə xalq komissarı qarşısında
hesabat
verirdi:
a) vəzifəli şəxslərin işə qəbulu, yeni vəzifəyə təyini və işdən azad
edilməsi (Gömrük İdarəsi rəisinin köməkçisi haqqında);
b) prinsipial xarakterli, o cümlədən qanuni həllinin digər komissarlıq
və təşkilatlarla razılaşdırılması tələb olunan məsələlər;
c) digər idarələrin və XXTK-nin qurumlarının səlahiyyətinə aid olan
və gömrük idarəsi ilə razılaşdırıl mayan işlər;
d) yeni gömrük məntəqələrinin açılması və dərəcələrinin təyin edil-
məsi;
e) mərkəzi aparat və yerli gömrük orqanlarının ştatının müəyyən
edilməsi;
f) büdcədənkənar kreditlər haqqında;
g) yeni tikinti işləri haqqında;
Gömrük İdarəsinin rəisi və onun müavinləri müstəqil olaraq aşağıdakı
məsələləri həll edir:
-
gömrük əməkdaşlarının işə qəbulu və azad edilməsi (maddə 4-də
göstərilənlər vəzifələrdən başqa), həmçinin bütün əməkdaşların məzuniyyətə
buraxılması;
-
Gömrük rayonu inspektorlarının, gəmi kapitanları və mexaniklərinin
işə qəbulu, yerlərinin dəyişdirilməsi və vəzifədən azad edilməsi;
-
gömrük işinin təşkili üzrə RSFSR XKS-nin təlimat və qaydalarına
uyğun əsasnamə və təlimatların nəşr edilməsi;
-
gömrük nəzarətinə aid təlimat məktubların çoxaldılaraq yerlərə
göndərilməsi;
-
yerli gömrük müəssisələrinin praktik və sənədlər üzrə təftişi və
inspeksiyası;
-
gömrük təşkilatına ayrılan kreditlərə sərəncam vermək və cavab-
dehlik daşımaq;
-
RSFSR Gömrük İdarəsinə müntəzəm olaraq hesabat və statistik
məlumatlar təqdim etmək;
-
məhkəmə orqanlarında gömrük işinə aid dövlətin maraqlarını müda-
fiə etmək;
-
tikinti-təsərrüfat işləri üçün ayrılan kreditlərə sərəncam vermək;
-
Əsasnamənin 4-cü maddəsində göstərilənlərdən başqa digər məsə-
lələr.
Gömrük İdarəsinin tərkibində 7 bölmə: Ümumi hissə;
Təşkilat-əməliy-
yat; Tarif; Yük-texniki; İstintaq-müsadirə; Statistika və Tikinti-təsərrüfat
bölməsi təşkil olunurdu. Əsasnamədə qeyd olunurdu ki, gömrük
inspektorluğu sahəsi Gömrük idarəsi tərəfindən Maliyyə Komissarlığı ilə
razılaşdırılır. Sahə inspektorları Gömrük İdarəsinə tabedir və göstərişləri
ondan alır. Gömrük sahə inspektorları gömrük rayonuna daxil olan gömrük
Azərbaycan dövlətçiliyi tarixində gömrük işi
72
müəssisələrinin əməkdaşlarının fəaliyyətinə, onların
gömrük işinə aid
dekret, əsasnamə və sərəncamlara düzgün əməl etməsinə, xidməti və əmək
intizamına nəzarət edir. Sahə inspektoru gömrük müəssisəsinin vaxtaşırı
təftişini keçirməli, əməkdaşları təlimatlandırmalıdır. Sahə inspektoru yoxla-
malar zamanı aşkar edilən nöqsan və sui-istifadə halları aşkar edərsə, onla-
rın aradan qaldırılmasına çalışmalı, yol verilən nöqsanların təhqiqatını apar-
malı, xüsusilə zəruri hallarda gömrük əməkdaşlarını vəzifədən uzaqlaşdırıb
bu haqda Gömrük idarəsinə məlumat verməlidir. Gömrük rayonu ərazi-
sindəki gömrük müəssisələri xidməti fəaliyyətlə əlaqədar, tikinti-təsərrüfat
məsələləri istisna olmaqla, inspektorlar vasitəsilə əlaqə saxlamalı, bütün
yazışmaların surətləri gömrük sahə inspektoruna göndərilməlidir.
Gömrük
sahə inspektoru mütəmadi olaraq rayon gömrük müəssisələrinin fəaliyyəti
haqqında Gömrük idarəsinin rəisinə hesabatlar təqdim etməlidir. Gömrük
idarəsinin rəisi tərəfindən gömrük sahə rəisinə məhkəmə orqanlarında
gömrük işi üzrə dövlət mənafeyinin müdafiəsi tapşırıla bilər [40, 1-4].
Sovet dövlət aparatının yaradıldığı ilk illərdə gömrük mühafizəsinin
tarixən formalaşmış xidməti vəzifələrini həyata keçirən orqan kimi yox,
daha çox sərhəddə dövlət maraqlarını qoruyan siyasi orqan kimi baxılırdı.
Dövlət sərhədinin gömrük baxımından mühafizəsinin gücləndirilməsi üçün
əlavə tədbirlər görülürdü. Cənubi Qafqazın Gömrük İdarəsi və Siyasi İdarə-
lərinin birgə təsdiq etdikləri və yerli gömrükxanalara və siyasi şöbələrə
göndərilən 1923-cü il 31 yanvar tarixli 15 maddədən ibarət olan təlimatda
bu qurumların fəaliyyətini əlaqələndirmək üçün aşağıdakı göstərişlər veril-
mişdi.
Xaricdən gələn gəmi, dəmir yolu qatarı və quru yol nəqliyyatının
qəbulu və baxışı gömrük və siyasi şöbə əməkdaşları tərəfindən
həyata
keçirilir (maddə 1).
Xaricdən gələn sərnişinlərin şəxsiyyətinin müəyyən edilməsi və
sənədlərin yoxlanılması siyasi şöbə əməkdaşlarının səlahiyyətlərinə daxildir,
gömrük nəzarətçilərinin işinə müdaxilə etmədən aparılan yoxlama zamanı
sərnişinlərdə aşkar edilən və qanunsuz keçirilməsinə cəhd edilən əşyalar,
əksinqilabi xarakter daşıyan sənəd və əşyayi-dəlillər istisna edilməklə,
gömrükxanaya təhvil verilməlidir (maddə 2).
Sərnişinlərin yüklərinə gömrük baxışı gömrükxana əməkdaşları tərə-
findən, siyasi şöbə əməkdaşlarının müdaxiləsi olmadan həyata keçirilir
(maddə 3).
Gömrük baxışında sərnişinə məxsus yükdə qaçaqmal aşkar edilərsə,
müvafiq akt tərtib olunur və qaçaqmal siyasi şöbə əməkdaşlarına təhvil
verilir (maddə 4).
İdxal və ixrac mallarına gömrük baxışının vaxtı və həyata keçirilməsi
gömrüyün səlahiyyətlərinə daxildir. Siyasi şöbə əməkdaşlarının bu əməliy-
yatlarda iştirakı məcburi deyildir (maddə 5).
Azərbaycan SSR sovet gömrük sistemi şəraitində (1920-1991)
73
Gömrük baxışında yüklərdən
qadağan edilmiş mallar, o cümlədən
silah və partlayıcı maddələr, əksinqilabi xarakterli əşyalar aşkar edildilərsə,
gömrük baxışı dərhal dayandırılır, siyasi şöbə əməkdaşlarının dəvət edilir,
gömrük baxışının nəticələri haqqında akt tərtib edilir (maddə 6).
Siyasi şöbə əməkdaşları yük haqqında xüsusi məlumata malik olduqda
gömrükxana rəisinə müraciət edib, gömrük əməkdaşları ilə təkrar gömrük
baxışının keçirilməsində iştirak edə bilər (maddə 7).
Çap məhsulları, əlyazma, kino-lent, not vərəqləri, işığa həssas kağız-
lar və s. senzura tətbiq edilən yük və bağlamalar mütləq siyasi şöbə
əməkdaşlarının iştirakı ilə gömrük baxışından keçirilməlidir (maddə 8).
Gömrükxanaya böyük miqdarda çap məhsulları yükləri və bağlamalar
daxil olduqda siyasi şöbə öncədən xəbərdar edilir (maddə 9).
Siyasi şöbənin nümayəndələri gömrük baxışına
təyin edilən vaxtda
gəlmədiyi halda, baxışın keçirilməsi 48 saat ərzində dayandırılır. Həmin
müddət bitdikdən sonra gömrük baxışı və sənədlərin tərtibi siyasi şöbə
əməkdaşlarının iştirakı olmadan həyata keçirilir, nəticəsi haqqında Dövlət
Siyasi İdarəsinə bildiriş göndərilir (maddə 10).
Siyasi şöbə tərəfindən gömrük baxışı zamanı sərnişinlərdən və gömrük
rayonundan kənarda aşkar edilən qiymətli əşyalar və mallar protokol
əsasında gömrükxanaya təhvil verilir (maddə 11).
Qaçaqmalçılıqla mübarizədə fərqlənən əməkdaşlara mükafat verilməsi
ilə bağlı məsələlərə gömrükxana rəisinin, müavinlərinin,
baş müfəttişin,
həmkarlar təşkilatı sədrinin və siyasi şöbə nümayəndələrinin daxil olduğu
müşavirədə baxılır (maddə 12).
Siyasi şöbə gömrükxananın işində baş verən mənfi meyllər və
nöqsanlar haqqında Cənubi Qafqaz Siyasi İdarəsinə məlumat göndərməlidir
(maddə 13).
Siyasi şöbə əməkdaşları gömrükxananın səlahiyyət dairəsinə və ya
fəaliyyətinin texniki cəhətlərinə müdaxilə etdikləri halda, müvafiq akt tərtib
edilir və nüsxələri Cənubi Qafqaz Siyasi İdarəsi və Gömrük İdarəsinə
göndərilir (maddə 14).
Sənədin sonunda sərhəd mühafizəsinin etibarlı və səmərəli olmasında
hər iki qurumun əməkdaşlarının birgə fəaliyyətinin mühüm əhəmiyyət
daşıdığı göstərilirdi [30, 180-184].
RSFSR XKS-nin 1922-ci il 30 dekabr tarixli (№72) dekretinə əsasən
Cənubi Qafqaz ərazisi üç gömrük dairələrinə bölünmüşdü: 1) Gürcüstan və
Abxaziya; 2)
Azərbaycan; 3) Ermənistan və Naxçıvan ölkəsi. Hər bir
gömrük dairəsinə gömrük müfəttişi rəhbərlik edirdi. Azərbaycan gömrük
dairəsinin müfəttişi B.Bəhramovun imzası ilə təsdiq edilən təlimatda dövlət,
ictimai, kooperativ, ticarət təşkilatlarına və şəxsi mülkiyyətə aid olan ixrac
mallarının gömrük nəzarətindən keçərkən möhürlənməsi (damğa) haqqında
göstəriş verilirdi.