27
MÜASİR TƏLİM TEXNOLOGİYALARI
Mətnlərlə işin təşkili
Müasir dövrdə məktəbdə fizika fənninin məqsədi təkcə müəyyən informasiyanı
mənimsətmək deyil, həm də şagirdlərdə universal bacarıqlar olan kommunikativ, idraki,
reflektiv bacarıqları formalaşdırmaqdır.
Mətn tədris prosesində əsas təlim materialıdır. Ona görə də mətnlə işin düzgün təşkili
mühüm əhəmiyyət kəsb edir. İnformasiyanın tam mənimsənilməsi üçün şagirdlər
oxuduqlarını başa düşməlidirlər. Mətnlə iş üsullarının öyrənilməsi şagirdlərə mətnlə müstəqil
işləmək bacarıq və vərdişlərinə yiyələnməyə imkan verir. Bununla yanaşı, verilən metodlar
şagirdlərdə çox vacib vərdişlərdən biri olan ünsiyyət vərdişlərini formalaşdırır.
Mətnlə aşağıda təsvir olunan iş üsulları bu bacarıqların formalaşdırılmasına yardım edir.
Qeyd olunan üsulların tətbiqinə aid nümunələr metodik vəsaitdə dərslərin tədris materialları
ilə iş texnologiyalarının şərhində verilmişdir.
1.
Seçmə oxu. Mətnin ayrı-ayrı abzasları seçilərək nəzərdən keçirilir,
yəni şagirdlərin
diqqəti mətnin yalnız onlar üçün zəruri olan hissələrinə yönəldilir. Oxu üçün
informasiyanın seçilməsi dərsin məqsədindən asılıdır.
2.
Mətni öz sözləri ilə danışma. Şagird mətni oxuyur və ciddi elmi terminologiyadan istifadə
etmədən, anladığı kimi öz sözləri ilə danışır.
3.
Mətnin planının tərtib edilməsi. Plan sadə və ya mürəkkəb ola bilər.
Sadə plan mətnin
əsas hissələrinin siyahısıdır. Şagirdlər mətnin abzaslara bölünməsinə diqqət etməlidirlər.
Hər abzasın məğzi qısa qeyd olunur. Onlar ardıcıllıqla dəftərə yazılır. Abzaslar həmişə
mətnin məzmun bölgüsünü tam əhatə etmir. Şagirdlər mətnin hansı hissələrini
birləşdirmək, hansı hissələrini ayırmağa diqqət etməlidirlər. Bunu mətnin həcminə diqqət
yetirməklə həll etmək olar: adətən, böyük abzaslar bir neçə əsas fikri birləşdirir, kiçik
abzaslar isə birlikdə vahid məzmun fraqmentinin yaranmasına tabe olur.
Mürəkkəb
planın tərtibi zamanı şagirdlər təkcə əsas hissələrin qısa icmalını vermir, həm də onları
daha kiçik hissələrə bölərək məzmunu daha ətraflı ifadə edirlər.
4.
Konspekt tərtibetmə. Mətnin məzmununun ifadə olunması.
Konspektləşdirmə müxtəlif
formalarda ola bilər:
а)
xətti konspektləşdirmə. Mətnin məzmununun tezislər şəklində qısa ifadəsi;
b)
klaster qurulması. Metodik ədəbiyyatda bu strategiyanın dərsin müxtəlif mərhələ-
lərində, məsələn, motivasiyada, yaxud müəyyən mövzunu öyrəndikdən sonra ümumiləşdirmə
və refleksiyada tətbiq edilməsi tövsiyə olunur. Lakin o həmçinin, də informasiyanın kons-
pektləşdirilməsi üçün də səmərəlidir;
с)
cədvəl formasında konspektin tərtibi. Sual-cavab formasında
tərtib edilir;
d)
dayaq siqnallar əsasında konspekt tərtibi. Dayaq siqnallar hər bir insanın beynində
müəyyən şəxsi assosiasiyalar yaradan işarələr – simvollardır. Fərqli insanlar üçün bu işarələr
fərqli ola bilər. Konspekt tutarkən bir çox sözlərin əvəzinə şəkil, sxem, simvol və ya
işarələrdən istifadə olunur;
е)
məntiqi konspektlərin tərtibi. Burada mətnin aşağıdakı məzmun elementləri göstərilir:
anlayış və onların əsas
xassələri; səbəb-nəticə əlaqələri; səciyyələndirilən obyektlərin ümumi
xüsusiyyətləri; hər hansı prosesin inkişaf istiqamətləri; fiziki obyektləri, hadisə və prosesləri
səciyyələndirən ən vacib faktlar.
5.
Mətndə əsas sözlərin çıxarılması üsulu (açar sözlər, anlayışlar, terminlər). Əsas
sözlər və söz birləşmələri təlim materialını yadda saxlamağa kömək edir. Adətən, əsas
28
sözlər mətndə yağlı şriftlə ayrılır. Bu sözlərin köməyi ilə mətnin əsas məzmununu bərpa
etmək olar. Şagirdlər mətni oxuyaraq onları dəftərlərinə yazırlar. Şagirdlərə seçdirilmiş
sözlər əsasında mətnin məzmununu danışmağı və ya lüğət tərtib etməyi tapşırmaq olar.
6.
Mətnə sualların hazırlanması:
а)
ardıcıl suallar üsulu. Bu üsulu cütlərlə həyata keçirmək daha məqsədəuyğundur.
Şagirdlər növbə ilə öyrənilən mətni abzaslar üzrə ucadan oxuyurlar. Bir abzası oxuduqdan
sonra ikinci şagird
oxunan abzasa aid sual verir, birinci isə onları cavablandırır. Sonra onlar
rollarını dəyişir. Sual verən şagird mətni oxumağa davam edir, ikinci isə oxunan abzasa aid
ona suallar verir;
b)
açar sözlər əsasında mətnə suallar hazırlamaq. Bu üsulu da cütlərlə həyata keçirmək
daha məqsədəuyğundur. Cütlərə daxil olan şagirdlər mətni növbə ilə abzaslar üzrə oxuyurlar.
Birlikdə hər abzasda açar sözlər müəyyən edilir və dəftərə qeyd olunur. Sonra
hər bir şagird
fərdi olaraq bu sözlərə aid suallar tərtib edir və sualları öz dəftərinə yazır. Cütlərə daxil olan
şagirdlər tərtib etdikləri sualları bir-birinə verməklə sorğu keçirirlər: növbə ilə şagirdlərdən
biri sualı oxuyur, digəri isə onu cavablandırır;
с)
mətndə anlaşılmayan fikirləri müəyyən etmək və onlara aid suallar hazırlamaq.
7.
Mətndə səbəb və nəticə əlaqələrinin aşkar edilməsi.
8.
İnformasiyanın müxtəlif təqdimetmə formalarından istifadə edərək mətnin
dəyişdirilməsi. Mətnin məzmununu sistemləşdirici və təsnifedici cədvəllərin, sxemlərin,
qrafik və diaqramların köməyi ilə vermək.
9.
İNSERT. “İnsert”
sözünün ingilis dilindən tərcüməsi “səmərəli oxu və düşünmə üçün
interaktiv qeydetmə sistemi” deməkdir. Onun tətbiqi bir neçə mərhələ üzrə aparılır.
Birinci mərhələdə şagirdlər mətnin nişanlanma sistemi ilə tanış olurlar. Dərsin
məqsədindən, sinfin hazırlıq səviyyəsindən, şagirdlərin yaş xüsusiyyətindən asılı olaraq bu,
müxtəlif cür aparıla bilər.
“
✓
” qeyd işarəsi şagirdlərə məlum olan informasiya qarşısında qoyulur.
“–“ işarəsi onlara məlum olan biliklərə zidd olan məlumatlar aşkar edildikdə qoyulur.
“+” işarəsi şagirdlər üçün maraqlı, yeni və gözlənilməz bir
məlumat olduqda qeyd edilir
“?” işarəsi aydın olmayan informasiya olduqda, nəyisə öyrənmək zərurəti yarandıqda
qoyulur.
İkinci mərhələdə şagirdlər mətni oxuyaraq ayrı-ayrı abzas və cümlələri onların kənarında
uyğun işarələrlə qeyd edirlər.
Üçüncü mərhələdə şagirdlər informasiyanı sistemləşdirir, öz sözləri ilə onu İNSERT
cədvəlinə yazırlar.
✓
(məlumdur)
–
(əvvəlki biliklərimə
ziddir)
+
(maraqlı və yeni
məlumatdır)
?
(aydın deyil,
öyrənmək istərdim)
... ... ... ...
... ... ... ...
Dördüncü mərhələdə şagirdlər ardıcıl olaraq cədvəlin hər qrafasını müzakirə edirlər.
SƏBƏB
Müəyyən
dəyişkənliyə səbəb
olan hadisə və ya prosesdir.
NƏTİCƏ
Bu hadisə və ya prosesin səbəb
olduğu nəticədir.