XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
89
olması-
Azərbaycana regionun vahid liderinə çevrilməsi im-
kanı yaratdı.
Azərbaycan Respublikasının yürütdüyü yeni neft strategi-
yası və enerji təhlükəsizliyi siyasəti uğurla həyata keçirildikcə
ölkənin beynəlxalq nüfuzu da keçən müddətdə ardıcıl olaraq
yüksəlmişdir. Birinci müqavilədən keçən bir neçə il ərzində
Azərbaycanın yeni neft strategiyası çərçivəsində dünyanın 14
dövlətinə məxsus 32 aparıcı şirkətlə daha 20 yeni neft-qaz
müqavilələri bağlandı. Bu müqavilələr əsasında 30 il müd-
dətinə Azərbaycanın təkcə neft-qaz sənayesinə 60 milyarddan
çox dollar həcmində xarici investisiya qoyulması nəzərdə
tutulurdu. Verilən rəsmi məlumatlara görə keçən müddətdə
yalnız “Əsrin müqaviləsi” çərçivəsində Azərbaycan iqtisadiy-
yatına qoyulan xarici sərmayələrin həcmi 6
milyard manatdan
çox və neft sənayesinə qoyulan sərmayələrin ümumi həcmi isə
20 milyarda yaxın olmuşdur. Sovet İttifaqının keçmiş respub-
likaları içərisində adambaşına düşən xarici sərmayələrin həc-
minə görə Azərbaycan birinci yeri tutur və bir çox Şərqi
Avropa ölkələrini ötüb keçir.
Əlbəttə, bütün bu keyfiyyətlərin qazanılması Azərbaycan
dövlətinə və onu idarə edənlərə heç də, asan və rahat başa
gəlməmişdir. Prezident Heydər Əliyevin nümayiş etdirdiyi bö-
yük iradə, ortaya qoyduğu ciddi zəhmət və düşünülmüş siyasət
olmasaydı, yəqin ki, dünya ekspertləri bu ölkə haqqında hazır-
da tamamilə fərqli fikirdə olacaqdı.
Azərbaycan Respublika-
sının Prezidenti İlham Əliyev müstəqillik əldə edildikdən sonra
Azərbaycanın keçdiyi geosiyasi inkişaf yolunu xarakterizə edə-
rək söyləmişdir ki, 1993-cü ildən sonrakı dövrdə Azərbay-
canının milli dövlətçiliyi qorunub saxlandı və yenidən quruldu,
onun inkişaf strategiyası müəyyənləşdi, ölkə özünü bütün
ƏL İ H ƏS ƏNOV
90
dünyaya perspektivli və etibarlı tərəfdaş, ləyaqətli dövlət kimi
təqdim edə bildi.
78
Yeni neft strategiyası ilk öncə Azərbaycanın ABŞ və
Avropa İttifaqı ölkələri ilə münasibətlərinə xeyli müsbət təsir
göstərdi. Xüsusən, ABŞ hökuməti keçən müddətdə Azərbay-
canın enerji siyasəti, yeni neft-qaz ixracı təşəbbüslərini, eləcə
də Şərq-Qərb nəqliyyat-kommunikasiya dəhlizi yaratmaq
istiqamətindəki əksər səylərini ardıcıl
olaraq dəstəkləmiş və
bütün transmilli layihələrin təkcə Azərbaycana deyil, bütün
regiona fayda gətirməsinə yardım etmişdir. ABŞ-ın sabiq Pre-
zidenti Uilyam Klintonun 20 sentyabr 1994-cü ildə göndərdiyi
teleqramda Azərbaycanın təşəbbüsü ilə imzalanan neft sazi-
şinin önəmini belə dəyərləndirirdi: “Birləşmiş Ştatlar tarixdə
bir növ sazişlər arasında ən böyüyü olan bu müqaviləni al-
qışlayır. O, bütün tərəflər üçün mənfəətli olacaq və ölkələrimiz
arasında artmaqda olan iqtisadi-ticarət əlaqələrinin möhkəm-
lənməsinə xidmət edəcəkdir.
79
ABŞ administrasiyası bu gün də Azərbaycanın və eləcə
də Xəzəryanı bölgənin
iqtisadi cəhətdən güclənməsinə, region
dövlətlərinin azadlığının və suverenliynin möhkəmləndirilmə-
sinə olduqca böyük dəstək verir, bölgədəki transmilli layihənin
həyata keçirilməsinə hər vasitə ilə yardım edir. Sabiq prezident
C. Buş Azərbaycan Respublikasının Prezidenti Heydər Əliyevə
ünvanladığı 14 iyun 2001-ci il tarixli məktubunda yazırdı:
“Həyata keçirilən neft-qaz layihələrinin Azərbaycanı tezliklə
güclü, sabit və dinamik inkişaf edən iqtisadiyyata malik dövlət
edəcəyinə qəti əminəm”. Sevindirici haldır ki, istər ABŞ
hökumətinin sabiq prezidenti B. Klintonun, istərsə də hazırkı
78
Bax: “ Azərbaycan” qəzeti, 26 may 2012-ci il
79
Bax: Azər.TAC-ın
xəbər bülleteni, 21 sentyabr 1994-cü il.
XƏZƏR – QARA DƏNİZ HÖVZƏSİ VƏ CƏNUBİ QAFQAZIN
GEOİQTİSADİYYATI: AZƏRBAYCANIN ENERJİ SİYASƏTİ
91
rəhbərliyinin başda C. Buş olmaqla, digər senator və konqres-
menlərinin Azərbaycanın enerji siyasətinə münasibətdə dəyiş-
məz mövqe nümayiş etdirməsi bu siyasətin gələcək uğurlarına
da inam yaradır.
Azərbaycanın enerji siyasəti Böyük Britaniya, Fransa,
Türkiyə, Yaponiya, Norveç, Almaniya kimi digər nüfuzlu döv-
lətləri tərəfindən də tam rəğbətlə qarşılanır. Onlar son dövrlər
ölkəmizin iqtisadiyyatının inkişaf etdirilməsi sahəsində əldə
etdiyimiz nailiyyətlərə yüksək qiymət verir, həyata keçirilən
islahatların təşəkkül tapmasına və bazar iqtisadiyyatı yolunda
daha böyük uğurlar əldə olunmasına dəstək verirlər.
Azərbaycanın həyata keçirdiyi yeni neft strategiyası və
onun təşəbbüsü ilə reallaşdırılan çoxsaylı transmilli enerji,
nəqliyyat-kommunikasiya və dəhliz layihələrinin işə düşməsi
faktiki olaraq bu ölkəni Xəzər-Qara
dəniz hövzəsi və Cənubi
Qafqazın lider dövlətinə çevirdi. Bəzi nüfuzlu qərb tədqiqat-
çıların fikri ilə ifadə etsək:
“Azərbaycana Cənubi Qafqazda
ətraf ölkələrin geosiyasi kursunu müəyyən edən” lider dövlət
mövqeyi qazandırdı. Əlbəttə, bütün bunlar regional və beynəl-
xalq səviyyədə müəyyən iqtisadi, siyasi, sosial-mənəvi üstün-
lüklər qazandırmaqla yanaşı, həm də ölkə qarşısında daxili
həyatda, yerləşdiyi Xəzər-Qara dəniz hövzəsi və Cənubi Qaf-
qazda, o cümlədən bütün dünyada xüsusi düşünülmüş və da-
vamlı geosiyasi fəaliyyət göstərmək kimi vacib tələblər qoydu.
Mütəxəssislərin
fikrinə görə, yeni yüzillikdə Azərbaycan
enerji siyasəti qarşısında dayanan əsas geoiqtisadi vəzifələrdən
biri bölgədə və dünyada yeni-yeni enerji ixracı marşrutlarının,
xüsusən sərfəli təbii qaz satış bazarının axtarışı, enerji ixra-
cının şaxələndirilməsi siyasətini davam etdirilməsi və s. ibarət
idi. Bu istiqamətdə Azərbaycan prezidenti İlham Əliyevin
ƏL İ H ƏS ƏNOV
92
ciddi səyi ilə bir neçə il idi ki, regional və beynəlxalq aləmlə
tərəfdaşlıq istiqamətində xüsusi düşünülmüş fəaliyyət həyata
keçirilirdi. Həmin fəaliyyətin nəticəsi kimi 2013-cü ilin dekabr
ayının 17-də Bakıda “Şahdəniz” layihəsinin ikinci mərhələsi
üzrə Azərbaycan Dövlət Neft Şirkəti
ilə British Petrolium
arasında investisiya sazişi və “Cənubi qaz dəhlizi” barədə
Azərbaycan, Albaniya, Xorvatiya və Çernoqoriya dövlətləri
arasında anlaşma memorandumu imzalanmışdır.
80
Bundan əvvəl Azərbaycan «Şahdəniz-2» layihəsi çərçi-
vəsində yaradılmış «Şahdəniz» konsorsiumunun hasil ediləcək
təbii qazın Avropaya çatdırılması üçün boru kəmərinin
seçilməsi ilə bağlı qəbul etdiyi qərarı iyunun 28-də rəsmən
açıqlamışdı. Məlumata görə konsorsium son iki il ərzində
gələcəkdə istehsal ediləcək qazın Avropaya nəqli üçün boru
kəmərinin bir neçə variantını nəzərdən keçirmiş və TAP (Trans
Adriatic Pipeline) üzərində dayanmışdır. Uzunluğu 870 km
olacaq TAP kəmərinin “Şahdəniz 2” layihəsi üzrə istehsal
olunacaq Azərbaycan qazının Türkiyə, Yunanıstan
və Alba-
niya ərazisi ilə İtaliyaya çatdırılacağı nəzərdə tutulur ki, bu
layihənin ümumi dəyərinin təxminən 2,2 mlrd. ABŞ dolları
təşkil edəcəyi proqnozlaşdırılır.
81
Müqavilədə «Şahdəniz 2» tərəfdaşlarının payı aşağıdakı
kimi planlaşdırılır: BP (operator - 28,8%), ARDNŞ (16,7%),
«Statoil» (15,5%), «Total» (10%), «LUKoil» (10%), NICO
(10%) və TPAO (9%). «BOTAŞ» və BP-nin TANAP-da 2014-
cü ildə başa çatması gözlənilən iştirak paylarının alınması
80
Bax: APA xəbər agentliyinin bülleteni, 17.12.2013/www.apa.az
81
«Şahdəniz» yatağı 1999-cu ildə kəşf olunub. Azərbaycan 2006-cı ildən
etibarən «Şahdəniz-1» layihəsi çərçivəsində Gürcüstan və Türkiyəyə qaz ixrac
edir.