Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Адил Ъямил 344 BİR PAYIZ GÜNÜ Meşələrdə payız gördüm – Göy yarpaqlar xəzəl idi. Altun «saçlı» zümrüd meşə Bir misilsiz gözəl idi. Uzaq uçuşlardan öncə Nəfəsini dərib quşlar. Yəqin ayrılıq nəğməsi Oxuyacaq qərib quşlar. Arılar dövrəyə alan Enliyarpaq cökəyə bax. Əzgil, zoğal aşıb-daşır – Çuxura bax, çökəyə bax. Cır meyvələr bala dönüb, Alma-armud saralmaqda. Burda meşəni meyvələr, Orda dağı qar almaqda… Ağaclara sığal çəkən Qızıl payız qışı görmür. Qış gələndə elə gəlir Sanki dağı-daşı görmür… Bu közərən yarpaqlara Qorxusundan qar düşərmi? Payız sözünü deməmiş Elə-belə ötüşərmi?.. 1990 Сечилмиш ясярляри 345 AYRILMIŞAM Əl çatmayan, Ün yetməyən, Günlərinə Gün yetməyən Ruzigardan ayrılmışam. Həsrətinin sazaqları Ürəyimdə buz bağlayan, Mənim sağalmaz yarama Duz bağlayan Nazlı yardan ayrılmışam. Dağlar qərib, Düzlər yalqız. Yol gözləyən Gözlər yalqız. Atam, anam, Sizlər yalqız – Bir gör hardan ayrılmışam… Təzə yuva hörmək üçün, Dünyada «gün görmək» üçün – (Gör nə üçün, gör nə üçün) Yoxdan, vardan ayrılmışam… 1990 Адил Ъямил 346 KƏLBƏCƏRDƏDİR Dumanlı-çisəkli, güllü-çiçəkli Dəlidağ zirvəsi Kəlbəcərdədir. Dağların loğmanı İstisuyun da Şəfalı zərrəsi Kəlbəcərdədir. Ceyrantək nazlanır «Ceyran bulağı», İçsən donduracaq dili-dodağı. Yaman əziz olur dağlar qonağı – Qardaşlıq süfrəsi Kəlbəcərdədir. Zirvələr haçadır, dağlar qoşadır, Bu yerdə gözəllik başdan-başadır. Sazını, sözünü Şəmşir yaşadır – Ələsgər bəhrəsi Kəlbəcərdədir. Məhəbbət atəşi sinələrində Cavanlar toy edər binələrində. Nağıllı-nəvəli nənələrin də Sehirli cəhrəsi Kəlbəcərdədir. Çəməndən çəmənə uçan arının Əvəzi tapılmaz şirin barının. Çiçəyə bənzəyən el qızlarının Yağ olan nehrəsi Kəlbəcərdədir. Boy atdım Tərtərin doğma səsində, Quş oldum dağların göy zirvəsində. Harda vətən seçsə, son nəfəsində Adilin qibləsi Kəlbəcərdədir. 1979 Сечилмиш ясярляри 347 ANAMA BAHAR GILEYLI MƏKTUB Mənsiz o yerlərə gəlibdir bahar, Tərtər məcrasına sığırmı, ana? Neçə sürüləri təkcə bir bahar Qışlaqdan yaylağa yığırmı, ana? Ay ana, bu həsrət tutub sinəmi, Ürəyim elə bil düşüb qəfəsə, Dərə ağız açıb əjdaha kimi Udurmu çayları bircənəfəsə? Burda gəncliyimi mən tapan gündən İtib uşaqlığım sıx meşələrdə. Arzumun ardınca at çapan gündən Yoluma göz dikib bənövşələr də… …Mənsiz o yerlərə gəlibdir bahar, Tərtər məcrasına çığırmı, ana? O saçaqlı buz, o gümüşü qar Əriyib çöllərə axırmı, ana? 1979 Адил Ъямил 348 YAŞIL TALADA Eşqindən alışıb olmamaqçün kül Lalənin bağrına şeh ələnibdir. Yüz əda satdıqca hər çiçək, hər gül Çəmənin özü də cilvələnibdir. Məclis qurulubdur yaşıl talada, Torağay qaldırıb zilə səsini. Çıxıb yamaca da, çıxıb yala da Çəkdim nəfəsimə gül nəfəsini. Cığırlar endirib məni zirvədən Söylədi: - «Bu yerdə dər nəfəsini…». Bir içim «su» dedi sustalmış bədən – Duydum buz bulağın zümzüməsini. Burda kədərlənən axı nədir, nə? Bənövşə nərgizlə verib baş-başa. Duman bir pərdədir, çəmən bir səhnə – Çiçəklər oynayır əsil tamaşa… 1979 Сечилмиш ясярляри 349 ADSIZ ÇAYLAR Yaşıl-yaşıl vadilərdə durulan, Mışıl-mışıl dərələrdə qırılan, Su həsrətli səhralarda sorulan Adsız çaylar, sısqa çaylar görmüşəm… Adsız çaylar, sısqa çaylar torpağın Batıb-çıxan su «damarı» deməkdir. Adsız çaylar adlı-sanlı çayların Süd qoxulu südəməri deməkdir. 1984 Адил Ъямил 350 TANRI DAĞLARINDA Doğma gəldi ağ çalmalı zirvələr, O dağlarda bizim dağlar göründü. Od bələkli bir üfüqün altında Həm yaxınlar, həm uzaqlar göründü. Sıyrılaraq göyün yeddi qatından Şimşək çıxdı buludların çatından. Halay vuran ardıcların ardından Yalqız qalan yalquzaqlar göründü. Günəş çıxdı – qarlı dağlar «yeridi»… Qar neyləsin – Gün yandıran pəridi. Ağ yamaclar yana-yana əridi – Soyuq «tonqal», buz «ocaqlar» göründü. Qara qartal şimşək kimi şaxıdı, Qırğız atı qırğı kimi şığıdı. Bir səs gəldi: - Bu Tyan-Şan dağıdı… Gözlərimə tərs qıpçaqlar göründü. Yer naxışlı, hava təmiz, göy təmiz, İssıkgölə baxıb dedim «göy dəniz». Elə bildim yerə düşüb göydən iz – Dalğa-dalğa göy saçaqlar göründü. Zirvəsindən boran keçən dağların, Bərəsindən karvan keçən dağların, Dövrəsindən dövran keçən dağların Yaddaşında ötən çağlar göründü… Qırğızıstan, 1986 Yüklə 1,18 Mb. Dostları ilə paylaş:
|