Şahdəniz 2 Layihəsi
Ətraf Mühitə və Sosial-İqtisadi Sahəyə Təsirin
Qiymətləndirilməsi
Fəsil 9
Qazma və tamamlama işləri üzrə ətraf
mühitə təsirin qiymətləndirilməsi,
azaldılması və monitorinqi
Noyabr 2013-cü il
9/14
Yekun variant
Hesab olunur ki, təsirlər mövcud nəzarət tədbirlərinin həyata keçirilməsi vasitəsilə praktiki
baxımdan mümkün və zəruri olduğu qədər minimuma endirilir və əlavə heç bir təsirazaldıcı
tədbir tələb olunmur.
9.4 Dəniz mühitinə təsirlər
9.4.1 Sualtı səs-küy və vibrasiya
9.4.1.1 Hadisənin miqyası
Təsviri
Sualtı səs-küy Fəsil 5 Bölmə 5.4-də göstərilən qazma, tamamlama və müdaxilə fəaliyyətləri
zamanı ŞD2 geotexniki lülələrin, quyuların qazılması və gəmilərin hərəkəti nəticəsində
meydana çıxacaq və dəniz mühitindəki bioloji/ekoloji reseptorlara (xüsusən də, suitilərə və
balıqlara) təsir göstərmək potensialına malikdir.
Qiymətləndirmə
Dənizdə yaşayan növlərinə hansı məsafələrdə müxtəlif akustik təsirlər olacağını hesablamaq
məqsədilə qazma və gəmi fəaliyyətlərinə görə sualtı səs-küyün yayılması modelləşdirilmiş və
bir sıra akustik təsir meyarları tətbiq olunmuşdur. ETOPO1 məlumat bazasındakı batimetriya
məlumatlarından istifadə etməklə, ŞD2 quyularının yaxınlığındakı dəniz dibinin batimetriyası
qurulmuş və Əlavə 9C-də təqdim olunduğu kimi, modelləşdirilmənin aparılması üçün istifadə
edilmişdir
4
.
Modelləşdirmənin qiymətləndirilməsində (Əlavə 9C) təsvir olunduğu kimi, impulsiv səs
təzyiqinin səviyyələrinə əsasən aparılan eksperiment vasitəsilə müxtəlif növlər üçün dəniz
heyvanlarının ölümü və fiziki xəsarəti üzrə son hədd göstəriciləri işlənib hazırlanmışdır.
Mövcud məlumatlara əsasən, qiymətləndirmədə konservativ yanaşmadan istifadə olunmaqla
həm suitilər, həm də balıqlar üçün eyni son hədd göstəriciləri nəzərə alınmışdır.
Akustik təsirlə bağlı son hədd göstəriciləri səs-küy səviyyəsinin bir funksiyasıdır və müxtəlif
növlər üçün fərqlidir. Nəzərə alaraq ki, bir çox növlərə, o cümlədən
Xəzərə xas növlərə dair
məlumatlar mövcud deyil, nümunəvi növlərə əsasən suitilər və balıqlar (geniş ərazidə
yayılmış və ya xüsusi növ kimi tanınan balıqların eşitməsi, bioloji quruluşlarından asılı olaraq
üzmə qovuğu olan və olmayan və üzmə qovuğu və daxili qulaq arasında fizioloji əlaqəsi olan
və olmayan) üçün audioloji xəsarət və davranışla bağlı nümunəvi son hədd göstəricilərini
hazırlamaq üçün ümumi audioqramma yanaşması qəbul edilmişdir
5
. ŞD Müqavilə Sahəsinin
yaxınlığında və Xəzər dənizinə yaxın ərazilərdə mövcud olan və üzmə qovuğuna malik olan
balıqlar Fəsil 6, Bölmə 6.7.2.4, Cədvəl 6.27-də göstərilir. Bunlara nərə, kilkə, siyənək və
xulbalığının bəzi növləri daxildir. Kürəkayaqlılar üçün audioloji təsir üzrə ölüm; fiziki xəsarət o
cümlədən karlıq; və davranışa təsirləri əhatə edən son hədd göstəriciləri mövcuddur, balıqlar
üçün isə bu son hədd göstəriciləri yalnız ölüm və davranışa təsirləri əhatə edir.
Təhlillərin nəticələri Şəkil 9.5-də xülasə şəklində göstərilir.
4
Amante, C. və B. W. Eakins,(2009), ETOPO1 1 Arc-dəqiqə Qlobal Relyef Modeli: Prosedurlar, məlumat mənbələri
və təhlillər DOA İ Texniki Memorandum NESDIS NGDC-24, 19 pp., mart 2009.
5
Harland E. J., "Sualtı səs-küyün ölçülməsi: Perils And Pitfalls", Akustika İnstitutunun apardığı tədqiqatlar, Cild 30, Pt
5, 2008.
Şahdəniz 2 Layihəsi
Ətraf Mühitə və Sosial-İqtisadi Sahəyə Təsirin
Qiymətləndirilməsi
Fəsil 9
Qazma və tamamlama işləri üzrə ətraf
mühitə təsirin qiymətləndirilməsi,
azaldılması və monitorinqi
Noyabr 2013-cü il
9/15
Yekun variant
Şəkil 9.5
Audioloji xəsarət və davranışla bağlı son hədd göstəricilərinə nisbətən
sualtı qazma və gəmilərin səs-küy təsirinin xülasəsi
Qazma fəaliyyətləri ilə mənbə səviyyəsi ölümcül xəsarət, daimi karlıq, müvəqqəti karlıq və ya
audioloji xəsarətin baş verə biləcəyi səviyyələrdən aşağıdır. Şəkil 9.5-də göstərildiyi kimi,
davranış reaksiyalarını nəzərə alsaq (dBht təsir meyarına əsasən) üzmə qovuğuna malik
olmayan geniş yayılmış balıqlar 16 m-dək məsafədə, üzmə qovuğuna malik olan xüsusi növ
balıqlar 27 m-dək məsafədə qazma fəaliyyətlərinin səs-küyünə qarşı zəif uzaqlaşma nümayiş
etdirə bilər. Kürəkayaqlıların bu son hədd göstəricisi səviyyəsinə davranış reaksiyaları
nümayiş etdirməsi gözlənilmir.
Gəmilərin səs-küyü ilə bağlı təhlillər göstərdi ki, SDQQ-nun qazma fəaliyyətləri zamanı
istifadə ediləcək gəmilərlə əlaqədar mənbə səviyyəsi həm ölümcül xəsarət, həm də birbaşa
fiziki xəsarətin baş verə biləcəyi səviyyədən aşağıdır. Davranış təsirləri ilə əlaqədar nəticələr
göstərir ki, üzmə qovuğuna malik olmayan geniş yayılmış balıqlar gəmidən 1,4m məsafədə
güclü uzaqlaşma reaksiyaları göstərə bilərlər. Üzmə qovuğuna malik olan xüsusi növ balıqlar
eyni reaksiyalara 11m məsafədə, kürəkayaqlılar isə 13m məsafədə məruz qalırlar. Üzmə
qovuğuna malik olmayan geniş yayılmış balıqlar 8 m-dək məsafədə, üzmə qovuğuna malik
xüsusi növ balıqlar mənbədən 59 m-dək məsafədə, kürəkayaqlılar isə 72 m-dək məsafədə
gəminin səs-küyünə qarşı zəif uzaqlaşma nümayiş etdirə bilər.
Mövsümi dəyişkənliklərlə bağlı narahatlıq yaradan məsafələrdəki fərqlərə səbəb ondan
ibarətdir ki, qış aylarında sualtı səs səthin bilavasitə altında dar qatda tutulmuş olur ki, bu da
optimal yayılma şəraiti yaradır və ona görə də səs daha uzağa hərəkət edir. Yayda səs dəniz
dibinə doğru istiqamətlənməyə meylli olur ki, burada səsin əhəmiyyətli dərəcədə itirilməsi baş
verir. Təsir diapazonunun nisbətən qısa məsafələrə yayıldığını nəzərə alaraq, onlar mövsüm
dəyişkənliyinə qarşı həssas deyillər.