O‘t o‘chirishning dastlabki vositalari endi boshlanayotgan yong‘inlarni
o‘chirish uchun ishlatiladi. Ular binoning ichida yoki kiraverishida, omborlar yonida,
qizil ranga bo‘yalgan maxsus taxta shitlariga osib qo‘yiladi. Bu vositalarga o‘t o‘chirish
uchun ishlatiladigan asboblar (bolta, belkurak, misrang, changak, chelak), asbest matosi
yoki texnik kigiz, bochkada suv, yashikda qum va o‘t o‘chiruvchi (ko‘pikli, karbonat
angidridli va kukunli) asboblar, shu bilan birga o‘t o‘chirishning ichki vodoprovod
tizimi ham kiradi.
GOST 12.1.004-85(90) MXSM «Yong‘in xavfsizligi. Umumiy talablar»ga
binoan barcha ishlab chiqarish xonalari va omborlar dastlbaki o‘t o‘chirish vositalari
bilan ta’minlanishi kerak.
Mexanizatsiyalashgan o‘t o‘chirish vositalariga suv nasoslari va avtomashinalar
kiradi. Suv nasoslar (motopompalar) umumiy asosga o‘rnatilgan dvigatel va markazdan
qochma nasosdan tarkib topgan agregatdir.
Bulardan tashqari, o‘t o‘chiruvchi moddalarni (suv, havo-mexaniq yoki
kimyoviy ko‘pik) yetkazib berish maqsadida yong‘in avtomashinalari ishlatiladi. Ularga
avtotsisternalar, shlang-nasosli avtomobillar, poyezdlar va boshqalar kiradi.
1. Ma’muriy-texnik xizmatchilar majburiyati va huquqlari Ma’muriyat tarkibiga rahbar xodimlar, ya’ni korxonalarda, tashkilotlarda
tashkilotchilik, ma’muriy-xo‘jalik ishlarini amalga oshiruvchi, ishlab chiqarish
jarayonlarni tashkil qiluvchi, ishlab chiqarishda mehnat qilayotgan kishilarni
boshqaruvchi, moddiy mablag‘larni taqsimot bilan ishlatish va uni nazorat qilish
ishlarini olib boruvchi shaxslar kiritiladi.
Mehnat Kodeksida ko‘zda tutilgan majburiyatlar quyidagilardir: har bir
ishchi, xizmatchi uchun ish mutaxassisligi va malakasiga qarab ma’lum mashina, stanok
va boshqalardan iborat ish joyi tashkil qilish, sog‘lom va xavfsiz ish sharoitini tashkil
qilish, sifatli ish qurollari bilan ta’minlash, sanoat va mehnat intizomini har taraflama
mustahkamlash, ish sharoitini kundan-kunga yaxshilab borishni ta’minlashga qaratilgan
texnik jihozlar o‘rnatish, shuningdek mehnatni muhofaza qilishning nomenklatura
chora-tadbirlarni amalga oshirish.