5
58 il bir yasdığa baş qoyduğum,
ömrümün, günümün yoldaşı, sirdaşı
Cəfərova Lyudmila Yusif qızına ithaf edirəm
Müəllif
FOLKLORŞÜNAS PAŞA ƏFƏNDİYEVİN
MOLLA CÜMƏNİN HƏYAT VƏ YARADICILIĞI
HAQQINDA AXTARIŞLARI
Çağdaş Azərbaycan folklorşünaslığında klassikləşən, so-
nuncu magikan kimi möhtəşəm təsəvvür formalaşdıran əmək-
dar elm xadimi, professor Paşa Şərif oğlu Əfəndiyevin gördüyü
əvəzsiz işlər elmimiz, mədəniyyətimiz üçün örnəkdir. Bu gün
Azərbaycan folklorşünaslığı böyük uğurlara, ciddi nailiyyətlərə
imza atmaqdadır. Xalq yaradıcılığı nümunələrinin toplanması,
region folklorunun öyrənilməsi, ayrı-ayrı antalogiyaların nəşri
və s. hamısı bunun göstəricisidir. Bu yolun dönməzliyi isə
folklorşünas P.Əfəndiyevə qədər M.Mahmudbəyovun, H.
Zərdabinin,
E.Sultanovun,
T.Bayraməlibəyovun,
Y.V.
Çəmənzəminlinin, S.Hüseynin, S.Mümtazın, V.Xuluflunun,
C.Əfəndizadənin, H.Əlizadənin və bu sıradan olanların gördük-
ləri ilə müəyyənləşir. Onlar Azərbaycan xalqının min illər boyu
düşüncəsində olanları zərrə-zərrə, sətir-sətir toplayaraq yaddaş-
lardan silinmək qorxusundan xilas etmişlər. Xalq ədəbiyya-
tının, zəngin mədəniyyətinin nələrlə təcəssümünü dərk etmiş və
onu kağıza köçürməyi məqsədə çevirmişlər. Daha doğrusu,
kitab ömrü vermişlər. XIX əsrin ilk onilliyindən başlayan bu
müqəddəs və savab iş günümüzə qədər həmişə çoxalan istiqa-
mətdə getmişdir. Artıq indi Azərbaycan folklorşünaslığı şaquli
və üfiqi istiqamətdə geniş faktura ilə səciyyələnir. Xalq ədəbiy-
yatının müxtəlif növ və janrları, eləcə də məzmun istiqamətləri
6
sistemli təhlillərin probleminə çevrilmiş, ciddi elmi baza
formalaşdırılmışdır. Folklorşünas P.Əfəndiyevin bu istiqamət-
də gördükləri bəlkə də institutların birgə görəcəyi işlə müqayi-
sə edilə bilər. Təkcə onu demək kifayətdir ki, bu böyük alim
Azərbaycan folklorşünaslığına ən gərəkli, həm də ən çətin ola-
nı, folklorşünaslığın tarixini yazması ilə heç kəsə nəsib olma-
yan töhfəsini vermişdir.
M.Rəfilinin, Ə.Dəmirçizadənin xeyir-duası ilə yola çıxan
Paşa müəllim elə başlanğıcdan olduqca ciddi və həm də gərəkli
işlərin görülməsinə köklənmişdir. Dünya şöhrətli “Koroğlu”
dastanımız haqqında ilk möhtəşəm monoqrafik araşdırmanı
aparmışdır. Bu tədqiqat onun namizədlik işi olmuşdur. Prof.
P.Əfəndiyev yazılarında M.Rəfilinin aspirantı olmasını qeyd
edəndə xüsusi ilə vurğulayır ki, “bundan da xoşbəxt nə ola
bilərdi”. Əlbəttə bu xoşbəxliyə, uğura M.Rəfilinin xeyir-duası
ilə bir xoşbəxlik də əlavə olunmuşdu. Bu da “Koroğlu” dastanı-
nın ilk tədqiqatçısı olmaq adina sahib çıxmaq idi. “Koroğlu”
dastanı ilə bağlı araşdırma aparmaq istəyənlərin yolu indi Paşa
müəllimin tədqiqatından keçir. Çünki dastanın sistemli tədqi-
qinə qapını ilk dəfə o açmışdır. Düzdür, “Koroğlu” dastanı ilə
bağlı müxtəlif vaxtlarda məqalə səviyyəsində söz deyilmişdir.
Ancaq onun sistemli araşdırılması, təkrar edirik, Paşa Əfəndi-
yevin adı ilə bağlıdır. Son dövrlər, daha doğrusu, Azərbaycanın
müstəqilliyindən sonra olan yanlışlıqlara, tendensiyalı yanaş-
malara böyük folklorşünasın araşdırmaları bir cavabdır.
“Koroğlu” dastanı ali məktəblərin auditoriyasına da ilk dəfə
Paşa müəllim tərəfindən gətirilmişdir.
Onun heç kəslə müqayisə olunmayacaq digər uğuru
Azərbaycan xalqının milli ruhunun iftixarı olan M.Mahmud-
bəyov, T.Bayraməlibəyov, E.Sultanov, H.Zeynallı, S.Mümtaz,
V.Xuluflu, Ə.Abid, Y.V.Çəmənzəminli, H.Əlizadə kimi gör-
kəmli şəxsiyyətlərin (onların mühüm bir hissəsi repressiya
qurbanlarıdır) folklorşünaslıq fəaliyyətini araşdırmasıdır. Çağ-
daş Azərbaycan folklorşünaslığının sistemli araşdırmalara yolu
7
məhz Paşa Əfəndiyevin yazdıqlarından keçir. XIX əsr Azər-
baycan folklorşünaslığı, eləcə də XX əsrin əvvəlləri ilə bağlı
mənbələrin izlənməsi, aşkarlanıb üzə çıxarılması, onların
haqqında əsaslı araşdırmaların aparılması və ali məktəb audito-
riyalarına gətirilməsi də Paşa müəllimin adı ilə bağlıdır. Uni-
versitet auditoriyalarına qədəm qoyan hər hansı tələbə ilk
olaraq Paşa müəllimin möhtəşəm dərsliyi ilə qarşılaşır. Ondan
Azərbaycan xalqının zəngin şifahi ədəbiyyatını, mərasim
folklorunu, folklorşünaslıq tarixini, xalq şeiri janrlarını, aşıq
yaradıcılığını, əfsanə, rəvayət, nağıl, atalar sözü, məsəl, lətifə,
dastan və s. örnəklərini öyrənir. Zəngin mədəniyyətini sinəsinə
yığmaqla böyük ədəbiyyatın, müqəddəs müəllim sənətinin yo-
luna çıxır və azərbaycanlı balalarına bilgilərini buradan, Paşa
müəllimin yazdıqlarından çıxış etməklə mənimsədir. Son dövr-
lərdə alternativ dərslik məsələləri bir xətt kimi ədəbi-mədəni
arenada özünə geniş yer tapsa da, nəticə etibarilə böyük uğur-
suzluqla üz-üzə qaldı. Bu, P.Əfəndiyevin “Azərbaycan şifahi
xalq ədəbiyyatı” dərsliyində də özünü göstərdi. Ancaq “Azər-
baycan şifahi xalq ədəbiyyatı” adı ilə yazılan bütün dərsliklər
ortaya çıxdığı vaxtdan elə də çox zaman ötməsinə baxmayaraq
ciddi uğursuzluqlarla qarşılaşdı. Azərbaycan auditoriyası onları
birmənalı olaraq qəbul etmədi və özləri tarixin təbii yaddaşına
kömüldü. Çünki Paşa müəllim bu dərsliyi qanı, canı ilə suvar-
mışdı, onu ruhu ilə süsləmişdi, könlünü ona vermişdi. Xalqa
sönsuz məhəbbətin, vurğunluğun ifadəsi kimi yaranmışdı.
Onun xalq ədəbiyyatının toplanması, nəşri və tədqiqi
sahəsində apardığı işləri fəaliyyəti insanlıq, vətəndaşlıq, ziya-
lılıq nümunəsidir. Əvəzsis folklor cəfakeşi, xalqın zəngin mə-
nəvi mədəniyyətini bütün varlığı ilə ruhunda, yaddaşında yaşa-
dan professor Paşa Əfəndiyevin haqqında müxtəlif vaxtlarda
fikirlərimi bölüşmüşəm, düşüncələrimi yazıya gətirmişəm və
bu gün də gətirməkdəyəm. Hər dəfə də nəyisə deyə bilmədi-
yimi düşünmüşəm. Çünki bu zənginlikdə olanları axıra qədər
açmaq özü müşküldü və gərək cild-cild kitablar səviyyəsində
Dostları ilə paylaş: |